Aflibercept

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជំងឺខូចម៉ាឃ្យូឡឺមនុស្សចាស់ (Age-related macular degeneration) ដែលរួមមានរោគសញ្ញាSubfoveal choroidal neovascularization។

- អាការៈហើមម៉ាឃ្យូឡឺ(Macular edema) ដែលកើតមាននៅក្នុងជំងឺស្ទះសរសៃវ៉ែននៅរេទីន(Retinal vein occlusion)។

- រោគសញ្ញាChoroidal neovascularization ដែលកើតមាននៅក្នុងជំងឹមីញ៉ូបខុសប្រក្រតី(Pathologic myopia)។

- អាការៈហើមម៉ាឃ្យូឡឺ(Macular edema) ដែលកើតមាននៅក្នុងជំងឺទឹកនោមផ្អែម។

ថ្នាំចាក់：

・ករណីជំងឺខូចម៉ាឃ្យូឡឺមនុស្សចាស់ (Age-related macular degeneration) ដែលរួមមានរោគសញ្ញាSubfoveal choroidal neovascularization：

ជាទូទៅ ប្រើក្នុងកម្រិត1ដង2mg 1ខែម្ដង ចាក់ទៅក្នុងផ្នែកVitreous bodyនៃភ្នែក។ បន្តប្រើក្នុងកម្រិតនេះសរុបចំនួន3ដង។ បន្ទាប់ពីនោះ ប្រើក្នុងកម្រិតដដែល រៀងរាល់2ខែម្ដង។ អាចប្រែប្រួលគម្លាតនៃការប្រើទៅតាមរោគសញ្ញា ប៉ុន្តែ ត្រូវទុកគម្លាតយ៉ាងហោចណាស់1ខែ។

・ករណីអាការៈហើមម៉ាឃ្យូឡឺ(Macular edema)ដែលកើតមាននៅក្នុងជំងឺស្ទះសរសៃវ៉ែននៅរេទីន(Retinal vein occlusion) និង រោគសញ្ញាChoroidal neovascularizationដែលកើតមាននៅក្នុងជំងឹមីញ៉ូបខុសប្រក្រតី(Pathologic myopia)：

ជាទូទៅ ប្រើក្នុងកម្រិត1ដង2mg ចាក់ទៅក្នុងផ្នែកVitreous bodyនៃភ្នែក។ ត្រូវទុកគម្លាតនៃការប្រើយ៉ាងហោចណាស់1ខែ។

・ករណីអាការៈហើមម៉ាឃ្យូឡឺ(Macular edema) ដែលកើតមាននៅក្នុងជំងឺទឹកនោមផ្អែម：

ជាទូទៅ ប្រើក្នុងកម្រិត1ដង2mg 1ខែម្ដង ចាក់ទៅក្នុងផ្នែកVitreous bodyនៃភ្នែក។ បន្តប្រើក្នុងកម្រិតនេះសរុបចំនួន5ដង។ បន្ទាប់ពីនោះ ប្រើក្នុងកម្រិតដដែល រៀងរាល់2ខែម្ដង។ អាចប្រែប្រួលគម្លាតនៃការប្រើទៅតាមរោគសញ្ញា ប៉ុន្តែ ត្រូវទុកគម្លាតយ៉ាងហោចណាស់1ខែ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលកំពុងមានឬសង្ស័យថាមានជំងឺឆ្លងនៅភ្នែកឬជុំវិញភ្នែក។

・អ្នកដែលមានអាការៈរលាកធ្ងន់ធ្ងរនៅក្នុងភ្នែក។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

ផលរំខានរួមមាន ហូរឈាមនៅភ្នែក ឈឺភ្នែក ឃើញសត្វល្អិតហោះទៅមក ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ឈឺឬក្ដៅភ្នែក ភ្នែកក្រហមខ្លាំង ឃើញសត្វល្អិតហោះទៅមក (រលាកក្នុងភ្នែក សម្ពាធក្នុងភ្នែកកើនឡើង ជំងឺភ្នែកផ្សេងៗ)

- ស្មារតីដឹងខ្លួនធ្លាក់ចុះ ស្ពឹកមួយចំហៀងខ្លួន ពិបាកនិយាយ (ជំងឺស្ទះសរសៃឈាមឬហូរឈាមក្នុងខួរក្បាល)។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើឱសថនេះទេ។ ម្យ៉ាងទៀត សម្រាប់ស្ត្រីដែលអាចមានផ្ទៃពោះ គួរប្រើប្រាស់វិធីពន្យារកំណើត ក្នុងអំឡុងពេលប្រើឱសថនេះនិងក្រោយពេលឈប់ប្រើឱសថនេះយ៉ាងហោចណាស់រយៈពេល3ខែផងដែរ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ក្រោយប្រើប្រាស់ឱសថនេះ នឹងមានអាការៈភ្នែកស្រវាំងជាបណ្ដោះអាសន្ន ដូច្នេះ គួរចៀសវាងបើកបររថយន្តឬបញ្ជាម៉ាស៊ីនដែលមានគ្រោះថ្នាក់ រហូតដល់ពេលភ្នែកត្រលប់មកសភាពដើមវិញ។

・ឱសថនេះមានសកម្មភាពភ្ជាប់ទៅនឹងសារធាតុដែលមានតួនាទីបង្កើនកោសិកាស្រទាប់ខាងក្នុងនៃសរសៃឈាម(Vascular endothelial growth factor, VEGF) ដើម្បីទប់ស្កាត់សារធាតុនេះមិនអោយភ្ជាប់ទៅនឹងគ្រឿងទទួលរបស់វា។ ជាលទ្ធផល ឱសថនេះប្រសិទ្ធិភាពទប់ស្កាត់ការកកើតថ្មីនៃសរសៃឈាម ការជ្រាបចេញនៃសារធាតុក្នុងឈាមចេញពីសរសៃឈាម និង អាការៈហើម ជាដើម។