Ascorbic acid = Vitamin C

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

- បង្ការ និង ព្យាបាលជំងឺខ្វះវីតាមីនសេ(Vitamin C)នៅក្នុងរាងកាយ (ជំងឺស្កឺវី(Scurvy) ជំងឺMöller‐Barlow's disease)។

- បំពេញតម្រូវការវីតាមីនសេនៅក្នុងរាងកាយ សម្រាប់អ្នកដែលស្ថិតក្នុងស្ថានភាពដូចជា មានជំងឺដែលធ្វើអោយរាងកាយអស់ថាមពលច្រើន ស្ត្រីមានផ្ទៃពោះ ស្ត្រីបំបៅដោះកូន ពេលធ្វើលំហាត់ប្រាណខ្លាំងក្លា។ល។

- ជំងឺដែលអាចទាក់ទងនឹងការខ្វះឬមេតាបូលីសខុសប្រក្រតីនៃវីតាមីនសេនៅក្នុងរាងកាយ រួមមាន ៖ អាការៈហូរឈាមពីសរសៃឈាមតូចៗ(ឈាមច្រមុះ ឈាមតាមអញ្ចាញធ្មេញ ឈាមតាមទឹកនោម ជាដើម) អាការៈពុលឱសថឬជាតិអាល់កុល បញ្ហាមុខងារក្រពេញAdrenal cortex ជម្រុញការផលិតឆ្អឹងនៅពេលមានការបាក់ឆ្អឹង បំបាត់ស្នាមនៅលើស្បែក អាការៈរលាកស្បែកដោយសារស្បែកងាយប្រតិកម្មទៅនឹងពន្លឺព្រះអាទិត្យ។

ករណីថ្នាំលេប：

មនុស្សពេញវ័យ：លេប1ថ្ងៃ 50～2000mg ដោយបែងចែកជា 1～ច្រើនដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

ករណីថ្នាំចាក់：

មនុស្សពេញវ័យ：ប្រើក្នុងកម្រិត1ថ្ងៃ 50～2000mg ដោយបែងចែកជា 1～ច្រើនដងក្នុង1ថ្ងៃ ចាក់ក្រោមស្បែក ឬ ក្នុងសាច់ដុំ ឬតាមសរសៃវ៉ែន ទៅតាមប្រភេទឱសថនីមួយៗ។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

ផលរំខានរួមមាន ក្អួតចង្អោរ រាករូស។ល។

・ការប្រើប្រាស់ឱសថនេះ អាចមានឥទ្ធិពលដល់ការពិនិត្យជាតិស្ករក្នុងទឹកនោម និង ការពិនិត្យឈាមក្នុងទឹកនោមឬលាមក។

ឱសថនេះជាវីតាមីនសេ(Vitamin C ឬ Ascorbic acid) មានប្រសិទ្ធិភាពដូចខាងក្រោម ៖

- ជម្រុញការផលិតសារធាតុកូឡាជេន(Collagen)ដែលជាធាតុផ្សំសំខាន់បំផុតនៅក្នុងជាលិកាផ្សេងៗពេញរាងកាយ។

- ជម្រុញការផលិតឆ្អឹង។

- ពង្រឹងសរសៃឈាម និង បង្កើនសមត្ថភាពកកនៃឈាម។

- ជម្រុញការផលិតអរម៉ូនស្តេរ៉ូអ៊ីតនៅក្នុងរាងកាយ។

- ទប់ស្កាត់សកម្មភាពកកើតនៃសារធាតុមេឡានីន។ល។