Aztreonam

ជាទូទៅ ឱសថនេះប្រើនៅក្នុងការព្យាបាលជំងឺបណ្តាលមកពីបាក់តេរី ដូចជា អាការៈប្រតិកម្មធ្ងន់ធ្ងរប្រឆាំងនឹងការឆ្លងមេរោគចូលក្នុងឈាម(Sepsis) ជំងឺរលាកសួត ជំងឺខ្ទុះក្នុងសួត(Pulmonary abscess) ជំងឺឆ្លងមេរោគបណ្ដាលមកពីជំងឺផ្លូវដង្ហើមរ៉ាំរ៉ៃ ជំងឺរលាកប្លោកនោម ជំងឺរលាកតម្រងនោមប្រភេទPyelonephritis ជំងឺរលាកក្រពេញប្រូស្តាតស្រួចស្រាវឬរ៉ាំរ៉ៃ ជំងឺរលាកបង្ហួរនោម ជំងឺរលាកបំពង់កស្បូន ជំងឺរលាកស្រោមពោះ ជំងឺខ្ទុះក្នុងប្រហោងពោះ ជំងឺរលាកថង់ទឹកប្រមាត់ ជំងឺរលាកបំពង់ទឹកប្រមាត់ ជំងឺរលាកក្រពេញបាល់តូលីន(Bartholinitis) ជំងឺឆ្លងមេរោគក្នុងស្បូន ជំងឺរលាកដៃស្បូននិងក្រពេញអូវែរ(Adnexitis) ជំងឺរលាកជាលិកាជុំវិញស្បូន ជំងឺរលាកស្រោមខួរមានខ្ទុះ ជំងឺរលាកកញ្ចក់ភ្នែក(Keratitis)(រួមទាំងដំបៅកញ្ចក់ភ្នែក) ជំងឺរលាកផ្នែកកណ្ដាលនៃត្រចៀក(Otitis media) ជំងឺរលាកឆ្អឹងសងខាងច្រមុះ(Sinusitis)។

ថ្នាំចាក់：

- មនុស្សពេញវ័យ：ប្រើ1ថ្ងៃ1～2g បែងចែកជា2ដងក្នុង1ថ្ងៃ ចាក់តាមសរសៃវ៉ែន ឬ ព្យួរសេរ៉ូមតាមសរសៃវ៉ែន ឬ ចាក់ក្នុងសាច់ដុំ។ ករណីជំងឺឆ្លងបាក់តេរីGonorrheaនិងជំងឺរលាកបំពង់កស្បូន(Cervicitis) ប្រើ1ថ្ងៃ1ដង1～2g ចាក់ក្នុងសាច់ដុំឬចាក់តាមសរសៃវ៉ែន។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ ករណីពិបាកព្យាបាលឬរោគសញ្ញាធ្ងន់ធ្ងរ អាចបង្កើនកម្រិតដល់1ថ្ងៃ4g បែងចែកជា2～4ដងក្នុង1ថ្ងៃ។

- កុមារ：ប្រើ1ថ្ងៃ40～80mg/kg បែងចែកជា2～4ដងក្នុង1ថ្ងៃ ចាក់តាមសរសៃវ៉ែនឬព្យួរសេរ៉ូមតាមសរសៃវ៉ែន។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ ករណីពិបាកព្យាបាលឬរោគសញ្ញាធ្ងន់ធ្ងរ អាចបង្កើនកម្រិតដល់1ថ្ងៃ150mg/kg បែងចែកជា3～4ដងក្នុង1ថ្ងៃ។

- ទារកទើបកើត និង ទារកកើតមិនគ្រប់ខែ：ប្រើ1ដង20mg/kg ចាក់តាមសរសៃវ៉ែនឬព្យួរសេរ៉ូមតាមសរសៃវ៉ែន។ ចំពោះទារកចាប់ពីពេលកើតរហូតដល់អាយុ3ថ្ងៃ ប្រើ1ថ្ងៃ2ដង ហើយចំពោះទារកអាយុចាប់ពី4ថ្ងៃឡើងទៅ ប្រើ1ថ្ងៃ2～3ដង។

ករណីចាក់តាមសរសៃវ៉ែន：លាយនៅក្នុងទឹកសម្រាប់លាយថ្នាំចាក់ ឬ សេរ៉ូមប្រៃ ឬ សូលុយស្យុងគ្លុយកូស 20mL សម្រាប់ឱសថ1g។

ករណីព្យួរសេរ៉ូំម：លាយនៅក្នុងសូលុយស្យុងស្ករ អេឡិចត្រូឡាយ ឬ អាស៊ីតអាមីនេជាដើម។

ករណីចាក់ក្នុងសាច់ដុំ：លាយនៅក្នុងទឹកសម្រាប់លាយថ្នាំចាក់ ឬ សេរ៉ូមប្រៃ 3mL សម្រាប់ឱសថ1g។

・អ្នកដែលកើតមានអាការៈប្រតិកម្មធ្ងន់ធ្ងរ(Shock)ជាមួយនឹងសារធាតុនៅក្នុងឱសថនេះ។