β-Galactosidase (Penicillium/Aspergillus)

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • ការប្រុងប្រយ័ត្នជាពិសេស
    • សកម្មភាពឱសថ
    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

      ・អាការៈមិនរំលាយអាហាររបស់ទារកដែលបណ្ដាលមកពីការមិនអាចបំបែកសារធាតុឡាក់តូសបាន (Lactose intolerance) ដែលគ្មានជំងឺផ្សេងជាមូលហេតុ ឬ ដោយសារជំងឺមួយចំនួន រួមមាន រោគសញ្ញារាករូសតែម្យ៉ាងដែលកើតចំពោះទារក(Monosymptomatic Diarrhea) អាការៈមិនរំលាយអាហារលក្ខណៈស្រួចស្រាវ អាការៈរាករូសដោយសារផ្ដាសាយ អាការៈរាករូសរ៉ាំរ៉ៃ និង អាការៈរាករូសដែលកើតចំពោះទារកកើតមិនគ្រប់ខែឬទារកទើបកើត។

      ・អាការៈរាករូសជាដើមដែលបណ្ដាលមកពីការមិនអាចបំបែកសារធាតុឡាក់តូសបាន ចំពោះអ្នកជំងឺដែលទទួលការបញ្ចូលសារធាតុចិញ្ចឹមតាមបំពង់ឬអ្នកជំងឺដែលទទួលទានអាហាររាវ។

    • កម្រិតប្រើប្រាស់

      ថ្នាំលេប:

      ・ករណីអាការៈមិនរំលាយអាហាររបស់ទារកដែលបណ្ដាលមកពីការមិនអាចបំបែកសារធាតុឡាក់តូសបាន (Lactose intolerance):

      ទារក:ប្រើក្នុងកម្រិត1ដង0.125~0.25g (ថ្នាំម្សៅ50%ត្រូវនឹង0.25~0.5g) ដោយលាយឱសថនេះនៅក្នុងទឹកធម្មតាឬទឹកក្ដៅឧណ្ហៗ(មិនលើសពី50℃)បរិមាណបន្តិចបន្តួច រួចផ្ដល់អោយទារកនៅពេលបំបៅដោះ។

      ・ករណីអាការៈរាករូសជាដើមដែលបណ្ដាលមកពីការមិនអាចបំបែកសារធាតុឡាក់តូសបាន ចំពោះអ្នកជំងឺដែលទទួលការបញ្ចូលសារធាតុចិញ្ចឹមតាមបំពង់ឬអ្នកជំងឺដែលទទួលទានអាហាររាវ:

      ជាទូទៅ ប្រើក្នុងកម្រិត0.5g (ថ្នាំម្សៅ50%ត្រូវនឹង1g)ចំពោះបរិមាណសារធាតុឡាក់តូស(Lactose)10gដែលត្រូវបរិភោគ ដោយផ្ដល់អោយអ្នកជំងឺរួមជាមួយនឹងអាហារ។ អាចបង្កើនឬបន្ថយកម្រិតប្រើប្រាស់បានទៅតាមរោគសញ្ញា។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

    • ផលរំខាន

      ទល់លាមក ។ល។

    • ការប្រុងប្រយ័ត្នជាពិសេស

      ・ក្រោយពេលប្រើ ប្រសិនបើចំនួនដងនៃការបន្ទោរបង់នៅមិនថយចុះ គួរបញ្ឈប់ការប្រើប្រាស់ឱសថនេះ។

    • សកម្មភាពឱសថ

      មានសកម្មភាពបំបែកឡាក់តូស ដើម្បីកាត់បន្ថយអាការៈរាករូសឬមិនរំលាយអាហារ។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp