Batroxobin

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • ការប្រុងប្រយ័ត្នជាពិសេស
    • សកម្មភាពឱសថ
    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

      ・កាត់បន្ថយអាការៈឈឺចាប់ ត្រជាក់ ឬ កើតមានដំបៅ ជាដើម ដែលបណ្ដាលមកពីជំងឺស្ទះសរសៃឈាមអាកទែររ៉ាំរ៉ៃ(Chronic arterial occlusive disease) (រួមមានដូចជា ជំងឺBurger's disease ជំងឺរឹងសរសៃឈាមអាកទែរលក្ខណៈស្ទះ)

      ・កាត់បន្ថយរោគសញ្ញានៃផលប៉ះពាល់សរសៃប្រសាទតាមអវៈយវៈ នៅក្នុងជំងឺញ័ររណ្ដំ (Vibration diseaseឬWhite finger disease)

      ・បង្កើនសមត្ថភាពស្ដាប់លឺនិងកាត់បន្ថយរោគសញ្ញាផ្សេងៗទៀតនៅក្នុងជំងឺថ្លង់ដែលកើតឡើងភ្លាមៗ(Sudden deafness)។

    • កម្រិតប្រើប្រាស់

      ថ្នាំចាក់:

      មនុស្សពេញវ័យ:ប្រើ1ថ្ងៃ1ដង 10 ខ្នាត(BU) ដោយលាយនៅក្នុងទឹកសេរ៉ូម រួចព្យួរសេរ៉ូមនោះតាមសរសៃវ៉ែនដោយប្រើរយៈពេលចាប់ពី1ម៉ោងឡើងទៅ រៀងរាល់2ថ្ងៃម្ដង។ រយៈពេលនៃការប្រើឱសថនេះគឺ6សប្ដាហ៍ឬតិចជាងនេះ។ ត្រូវប្រើក្នុងកម្រិត 20 BU នៅលើកដំបូង ក្នុងករណីដូចខាងក្រោម:

      - កំហាប់ហ្វីប្រ៊ីណូជិន(Fibrinogen)ក្នុងឈាមមុនការព្យាបាល មានកម្រិត 400mg/dLឡើងទៅ

      - ត្រូវការប្រសិទ្ធភាពឆាប់រហ័សចំពោះជំងឺថ្លង់ដែលកើតឡើងភ្លាមៗ(Sudden deafness)។

    • ហាមប្រើ

      ・អ្នកដែលកំពុងមានរោគសញ្ញាហូរឈាម (ជំងឺស្នាមជាំស្វាយលើស្បែកដោយសារចំនួនប្លាកែតថយចុះ(Thrombocytopenic purpura) ស្ថានភាពងាយហូរឈាមដោយសារបញ្ហាសរសៃឈាម ជំងឺទាក់ទងនឹងកំណកឈាមដូចជាជំងឺឈាមក្រកកជាដើម អំឡុងពេលកំពុងមករដូវ ពេលវះកាត់ ជំងឺដំបៅក្រពះពោះវៀន អាការៈហូរឈាមនៅផ្លូវនោម កំហាកមានឈាម ស្ត្រីដែលទើបតែសម្រាលកូនឬរលូតកូននិងមានអាការៈហូរឈាមនៅប្រដាប់ភេទ និង អ្នកដែលសង្ស័យថាមានហូរឈាមក្នុងក្បាល ជាដើម)។

      ・អ្នកទើបទទួលការវះកាត់ហើយភ្លាមៗ។

      ・អ្នកដែលអាចកើតមានរោគសញ្ញាហូរឈាម (ជំងឺមហារីកនៅសរីរាង្គខាងក្នុង ជំងឺរលាកផ្នែកDiverticulumនៃក្រពះពោះវៀន ជំងឺរលាកពោះវៀនធំ ជំងឺរលាកភ្នាសខាងក្នុងនៃបេះដូងដោយសារបាក់តេរី(Bacterial Endocarditis)លក្ខណៈស្រួចស្រាវ ជំងឺលើសសម្ពាធឈាមធ្ងន់ធ្ងរ ជំងឺទឹកនោមផ្អែមធ្ងន់ធ្ងរ ជាដើម)។

      ・អ្នកដែលមានបញ្ហាតម្រងនោមធ្ងន់ធ្ងរ។

      ・អ្នកដែលមានបញ្ហាថ្លើមធ្ងន់ធ្ងរ។

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

    • ផលរំខាន

      ALTនិងASTកើនឡើង ហូរឈាម។

    • ការប្រុងប្រយ័ត្នជាពិសេស

      ・គេក៏ប្រើនៅក្នុងការព្យាបាលអាការៈពិបាកស្ដាប់លឺដែលកើតឡើងភ្លាមៗផងដែរ។

      ・ប្រសិនបើកំហាប់ក្នុងឈាមនៃហ្វីប្រ៊ីនមិនថយចុះនោះទេ ត្រូវបញ្ឈប់ការប្រើប្រាស់ឱសថនេះ។

    • សកម្មភាពឱសថ

      បន្ថយកំហាប់ក្នុងឈាមនៃហ្វីប្រ៊ីនណូជេន (Fibrinogen)។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp