Benzbromarone

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • ការប្រុងប្រយ័ត្នជាពិសេស
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

      - ជំងឺរលាកសន្លាក់ដោយសារការកើនឡើងនៃអាស៊ីតអ៊ុយរិច(Gout)។

      - ជំងឺលើសសម្ពាធឈាមដែលរួមមានរោគសញ្ញានៃការកើនឡើងអាស៊ីតអ៊ុយរិចក្នុងឈាម

    • កម្រិតប្រើប្រាស់

      ថ្នាំលេប：

      ・ជំងឺឈឺសន្លាក់ដោយសារការកើនឡើងនៃអាស៊ីតអ៊ុយរិច(Gout)：

      មនុស្សពេញវ័យ：ចាប់ផ្ដើមលេបពីកម្រិត1ថ្ងៃ1ដង 25mgឬ50mg។ បន្ទាប់ពីនោះ ប្រើជាប្រចាំក្នុងកម្រិត1ដង50mg 1ថ្ងៃ1～3ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

      ・ជំងឺលើសសម្ពាធឈាមដែលរួមមានរោគសញ្ញានៃការកើនឡើងអាស៊ីតអ៊ុយរិចក្នុងឈាម：

      មនុស្សពេញវ័យ：លេប1ដង50mg 1ថ្ងៃ1～3ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

    • ហាមប្រើ

      ・អ្នកដែលមានបញ្ហាថ្លើម។

      ・អ្នកដែលមានជំងឺក្រួសក្នុងតម្រងនោម ឬ មានបញ្ហាតម្រងនោមធ្ងន់ធ្ងរ។

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

    • ផលរំខាន

      រលាកថ្លើមស្រួចស្រាវ(Fulminant hepatitis) មុខក្រហម ឈឺក្រពះ អារម្មណ៍មិនស្រួលក្នុងក្រពះ រាករូស ។ល។

    • ការប្រុងប្រយ័ត្នជាពិសេស

      ・ត្រូវប្រុងប្រយ័ត្នជាពិសេសចំពោះផលរំខានធ្ងន់ធ្ងរនៃឱសថនេះប៉ះពាល់ដល់មុខងារថ្លើម ធ្វើអោយរលាកថ្លើមធ្ងន់ធ្ងរឬមុខងារថ្លើមចុះខ្សោយជាដើម ដែលរួមមានរោគសញ្ញាដូចជា ក្អួតចង្អោរ អស់កម្លាំង មិនឃ្លានអាហារ ឈឺពោះ រាករូស ក្ដៅខ្លួន ទឹកនោមមានពណ៌ដិត។ល។

      ・ដើម្បីដឹងអំពីការកើតមានរលាកថ្លើមស្រួចស្រាវ(Fulminant hepatitis) អ្នកជំងឺត្រូវទទួលការពិនិត្យមុខងារថ្លើមជាប្រចាំ ក្នុងអំឡុងពេល6ខែដំបូងបន្ទាប់ពីចាប់ផ្ដើមប្រើប្រាស់ឱសថនេះ។

    • សកម្មភាពឱសថ

      ទប់ស្កាត់ការស្រូបយកអាស៊ីតអ៊ុយរិចវិញពីបំពង់ផលិតទឹកនោម(Renal tubule) ក៏ដូចជាជម្រុញការបញ្ចេញចោលអាស៊ីតអ៊ុយរិចទៅតាមទឹកនោម។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល