Disopyramide phosphate

ករណីថ្នាំលេប：

ជាទូទៅ ឱសថនេះប្រើនៅក្នុងការព្យាបាលជំងឺទាក់ទងនឹងចង្វាក់បេះដូងកើនឡើងខុសប្រក្រតី (Tachyarrhythmia) ករណីមិនអាចប្រើឱសថផ្សេងទៀតបានឬមិនមានប្រសិទ្ធិភាព។

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជំងឺបេះដូងកន្ត្រាក់ខុសចង្វាក់នៅផ្នែកខាងលើថតក្រោម ឬ នៅថតក្រោមនៃបេះដូង(Supraventricular extrasystole និង Ventricular extrasystole)

- អាការៈកន្ត្រាក់ញាប់នៃបេះដូងដែលកើតឡើងម្ដងៗនៅផ្នែកខាងលើថតក្រោម ឬ នៅថតក្រោមនៃបេះដូង (Supraventricular tachycardia និង Ventricular tachycardia)

- អាការៈញ័រថតលើនៃបេះដូង(Atrial fibrillation និង Atrial flutter)ដែលកើតឡើងម្ដងៗ។

ករណីថ្នាំលេប：

<ប្រភេទរយៈពេលសកម្មភាពវែង (R)>

មនុស្សពេញវ័យ：លេប1ដង150mg 1ថ្ងៃ2ដង។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញារបស់អ្នកជំងឺ។

ករណីថ្នាំចាក់：

មនុស្សពេញវ័យ：ប្រើ1ដង50～100mg (1～2mg/kg) ចាក់ក្នុងសរសៃវ៉ែនយឺតៗរយៈពេលយ៉ាងហោចណាស់5នាទី។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញារបស់អ្នកជំងឺ។ អាចលាយនៅក្នុងសេរ៉ូមគ្លុយកូសជាដើមទៅតាមការចាំបាច់។

ករណីថ្នាំលេប：

・អ្នកដែលមានបញ្ហាទាក់ទងនឹងការបញ្ជូនសញ្ញរវាងថតនៅក្នុងបេះដូង(ជំងឺAtrioventricular block ជំងឺSinoatrial block)កម្រិតធ្ងន់ធ្ងរ។

・អ្នកដែលមានជំងឺខ្សោយបេះដូងប៉ះពាល់ដល់ចរន្តឈាមក្នុងរាងកាយ(Congestive heart failure)។

・អ្នកដែលមានបញ្ហាមុខងារតម្រងនោមកម្រិតធ្ងន់ធ្ងរ រួមទាំងអ្នកដែលទទួលការលាងឈាមជាប្រចាំ។

・អ្នកដែលមានបញ្ហាមុខងារថ្លើមធ្ងន់ធ្ងរ។

・អ្នកដែលកំពុងប្រើប្រាស់ឱសថដូចខាងក្រោម : ឱសថSparfloxacin ឱសថMoxifloxacin hydrochloride ឱសថToremifene citrate ឱសថVardenafil hydrochloride ឱសថAmiodarone hydrochloride(ថ្នាំចាក់) ឱសថEliglustat tartrate ឱសថFingolimod hydrochloride។

・អ្នកដែលមានជំងឺក្លូកូមប្រភេទបិទ (Closed-angle glaucoma)។

・អ្នកដែលងាយកើតអាការៈមិនបញ្ចេញទឹកនោម។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ករណីថ្នាំចាក់：

・អ្នកដែលមានបញ្ហាទាក់ទងនឹងការបញ្ជូនសញ្ញរវាងថតនៅក្នុងបេះដូង(ជំងឺAtrioventricular block ជំងឺSinoatrial block)កម្រិតធ្ងន់ធ្ងរ។

・អ្នកដែលមានជំងឺខ្សោយបេះដូងប៉ះពាល់ដល់ចរន្តឈាមក្នុងរាងកាយ(Congestive heart failure)កម្រិតធ្ងន់ធ្ងរ។

・អ្នកដែលកំពុងប្រើប្រាស់ឱសថSparfloxacin ឱសថMoxifloxacin hydrochloride ឱសថToremifene citrate ឱសថVardenafil hydrochloride ឱសថAmiodarone hydrochloride(ថ្នាំចាក់) ឱសថEliglustat tartrate ឱសថFingolimod hydrochloride។

・អ្នកដែលមានជំងឺក្លូកូមប្រភេទបិទ (Closed-angle glaucoma)។

・អ្នកដែលងាយកើតអាការៈមិនបញ្ចេញទឹកនោម។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ដោយសារឱសថនេះមានសកម្មភាពប្រឆាំងកូលីន វាផ្ដល់ផលរំខានជាញឹកញាប់ ដូចជា ស្ងួតក ពិបាកបញ្ចេញទឹកនោម។ ក្រៅពីនេះ នៅមានផលរំខានដូចជា រោគសញ្ញាក្រពះពោះវៀន សម្ពាធឈាមចុះទាប វិលមុខ ស្ទះការបញ្ជូនសញ្ញារវាងថតលើនិងថតក្រោមនៃបេះដូង(AV block)។ល។

・ប្រើជាជម្រើសទីមួយនៅក្នុងការព្យាបាលជំងឺចង្វាក់បេះដូងខុសប្រក្រតីដែលទាក់ទងនឹងថតក្រោមនៃបេះដូង(Ventricular)និងផ្នែកខាងលើនោះ(Supraventricular)ផងដែរ។ ម្យ៉ាងទៀត ក៏ប្រើចំពោះអាការៈញ័រថតលើនៃបេះដូង(Atrial fibrillation)នៃរោគសញ្ញាWPW។

・សម្រាប់ឱសថDisopyramide ត្រូវប្រុងប្រយ័ត្នចំពោះរោគសញ្ញានៃមុខងារបេះដូងចុះខ្សោយ។

មានសកម្មភាពទៅលើសាច់ដុំនៃថតលើនិងថតក្រោមនៃបេះដូង។ ឱសថនេះទប់ស្កាត់គ្រឿងចម្លងសូដ្យូម(Na channel)ចូលទៅក្នុងកោសិកានៃសាច់ដុំបេះដូង ព្រមទាំងបន្ថយល្បឿននៃការបញ្ជូនសញ្ញាភ្ញោច(ប៉ូតង់ស្យែលសកម្ម) និងអូសបន្លាយរយៈពេលមិនចម្លងប៉ូតង់ស្បែល(Refractory period)។