Fexofenadine hydrochloride + Pseudoephedrine hydrochloride

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • សកម្មភាពឱសថ
    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលជំងឺរលាកច្រមុះដោយសាររោគប្រតិកម្ម ករណីមានអាការៈតឹងច្រមុះកម្រិតមធ្យមឡើងទៅ។

    • កម្រិតប្រើប្រាស់

      ថ្នាំលេប:

      ក្នុងឱសថនេះ1គ្រាប់រួមមាន Fexofenadine hydrochloride 30mg និង Pseudoephedrine hydrochloride 60mg។

      មនុស្សពេញវ័យ និង កុមារអាយុ12ឆ្នាំឡើងទៅ:លេប1ដង 2គ្រាប់ 1ថ្ងៃ2ដង ពេលព្រឹកនិងពេលល្ងាច នៅពេលពោះទទេ។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ សារធាតុដែលមានម៉ូលេគុលស្រដៀងនឹងPseudoephedrine hydrochloride (Ephedrine hydrochloride, Methylephedrine hydrochlorideជាដើម)។

      ・អ្នកដែលមានជំងឺលើសសម្ពាធឈាមធ្ងន់ធ្ងរ។

      ・អ្នកដែលមានជំងឺទាក់ទងនឹងសរសៃឈាមបេះដូងធ្ងន់ធ្ងរ។

      ・អ្នកដែលមានជំងឺក្លូកូមប្រភេទបិទ (Angle-closure glaucoma)។

      ・អ្នកដែលមានអាការៈនោមមិនចេញ។

      ・អ្នកដែលធ្លាប់កើតមានអាការៈដូចជាគេងមិនលក់ វិលមុខ អស់កម្លាំង ញ័រដៃ ចង្វាក់បេះដូងខុសប្រក្រតីជាដើមដោយសារការប្រើប្រាស់ឱសថភ្ញោចប្រព័ន្ធប្រសាទ។

    • ផលរំខាន

      ផលរំខានរួមមាន ឈឺក្បាល ឡើងកន្ទួលក្រហម អស់កម្លាំង ស្ងួតក។ល។

      ប្រសិនបមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - សម្ពាធឈាមធ្លាក់ចុះ ពិបាកដកដង្ហើម ហើមនៅបំពង់ក ឈឺទ្រូង បាត់បង់ស្មារតី (រោគប្រតិកម្មធ្ងន់ធ្ងរ)

      - សាច់ដុំកន្ត្រាក់ឬប្រកាច់

      - បាត់បង់ចំណង់អាហារ អស់កម្លាំង ភ្នែកនិងស្បែកប្រែពណ៌លឿង (មុខងារថ្លើមចុះខ្សោយ ខាន់លឿង)

      - ក្ដៅខ្លួន ឈឺបំពង់ក ឈឺក្បាល ឈឺសាច់ដុំ រងាញាក់ (រោគសញ្ញានៃការធ្លាក់ចុះចំនួនគ្រាប់ឈាមស)។

    • អន្តរប្រតិកម្ម

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថបន្សាបជាតិអាស៊ីតក្នុងក្រពះដែលមានសារធាតុអាលុយមីញ៉ូមឬម៉ាញ៉េស្យូម - អាចធ្វើអោយសកម្មភាពនៃFexofenadineថយចុះ។ គួរចៀសវាងពិសាក្នុងពេលតែមួយ។

      ・ឱសថErythromycin - អាចធ្វើអោយកំហាប់ក្នុងឈាមនៃFexofenadineកើនឡើង។

      ・ឱសថភ្ញោចប្រព័ន្ធប្រសាទ - អាចធ្វើអោយងាយកើតមានផលរំខានប៉ះពាល់ដល់សរសៃឈាមបេះដូង។

      ・ឱសថSelegiline - អាចធ្វើអោយកើតមានផលរំខានដូចជា សម្ពាធឈាមកើនឡើង។ល។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

      ・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

    • សកម្មភាពឱសថ

      ឱសថនេះផ្សំឡើងដោយសារធាតុសកម្មចំនួន2ប្រភេទ ៖

      - Fexofenadine hydrochloride:មានប្រសិទ្ធិភាពជាចម្បងគឺបង្អាក់ដំណើរការនៃការភ្ជាប់សារធាតុហ៊ីស្តាមីនទៅនឹងគ្រឿងទទួលរបស់វា(H1 receptor)។ ម្យ៉ាងទៀត ឱសថនេះក៏មានប្រសិទ្ធិភាពទប់ស្កាត់ការបញ្ចេញChemical mediators និង ការផលិតសារធាតុCytokine ដែលសុទ្ធសឹងជាសារធាតុដែលត្រូវបានបញ្ចេញនៅពេលកើតមានរោគប្រតិកម្មដើម្បីបង្កជាអាការៈផ្សេងៗ។

      - Pseudoephedrine hydrochloride:មានប្រសិទ្ធិភាពភ្ញោចគ្រឿងទទួលα-Receptorដើម្បីបង្រួមសរសៃឈាមនៅក្នុងច្រមុះ ធ្វើអោយបរិមាណឈាមនៅក្នុងច្រមុះថយចុះនិងអាចបំបាត់អាការៈតឹងច្រមុះ។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp