Pindolol

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

- ជំងឺលើសសម្ពាធឈាមដែលគ្មានជំងឺផ្សេងជាដើមហេតុ (កម្រិតស្រាល～កម្រិតមធ្យម)

- ជំងឺត្បៀតសរសៃឈាមក្នុងបេះដូង(Angina pectoris)

- ជំងឺចង្វាក់បេះដូងកើនឡើងដោយសារបញ្ហាបញ្ជូនសញ្ញា (Sinus tachycardia)។

ថ្នាំលេប：

＜ប្រភេទធម្មតា＞

・ករណីជំងឺលើសសម្ពាធឈាមដែលគ្មានជំងឺផ្សេងជាដើមហេតុ (កម្រិតស្រាល～កម្រិតមធ្យម)：

មនុស្សពេញវ័យ：លេប1ដង5mg, 1ថ្ងៃ3ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីជំងឺត្បៀតសរសៃឈាមក្នុងបេះដូង(Angina pectoris)：

មនុស្សពេញវ័យ：លេប1ដង5mg, 1ថ្ងៃ3ដង។ ករណីប្រសិទ្ធិភាពមិនគ្រប់គ្រាន់ អាចបង្កើនកម្រិតដល់1ថ្ងៃ30mg។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីជំងឺចង្វាក់បេះដូងកើនឡើងដោយសារបញ្ហាបញ្ជូនសញ្ញា (Sinus tachycardia)：

មនុស្សពេញវ័យ：លេប1ដង1～5mg, 1ថ្ងៃ3ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

＜ប្រភេទរយៈពេលសកម្មភាពវែង (L)＞

ជំងឺលើសសម្ពាធឈាមដែលគ្មានជំងឺផ្សេងជាដើមហេតុ (កម្រិតស្រាល～កម្រិតមធ្យម)：មនុស្សពេញវ័យ លេប1ថ្ងៃ1ដង15mg ក្រោយអាហារពេលព្រឹក។ អាចបង្កើនឬបន្ថយកម្រិតប្រើប្រាស់ទៅតាមអាយុ ទម្ងន់ និងរោគសញ្ញា។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ ឱសថប្រភេទទប់ស្កាត់គ្រឿងទទួលបេតា(β-blockers)។

・អ្នកដែលអាចកើតមានអាការៈហឺត ឬ អាការៈទងសួតកន្ត្រាក់។

・អ្នកដែលកំពុងមានរោគសញ្ញានៃការកើនឡើងសារធាតុកេតូននៅក្នុងរាងកាយ(Ketosis)ដោយសារជំងឺទឹកនោមផ្អែម ឬ រោគសញ្ញានៃការកើនឡើងកម្រិតអាស៊ីតនៅក្នុងឈាមដោយសារមេតាបូលីស(Metabolic acidosis)។

・អ្នកដែលកំពុងមានរោគសញ្ញានៃជីពចរចុះខ្សោយធ្ងន់ធ្ងរឬមានបញ្ហាទាក់ទងនឹងការបញ្ជូនសញ្ញាក្នុងបេះដូង (ជំងឺA-V blockកម្រិតIIនិងIII ជំងឺSinoatrial block ជំងឺSick sinus syndrome)។

・អ្នកដែលកំពុងមានអាការៈប្រតិកម្មធ្ងន់ធ្ងរដោយសារបញ្ហាបេះដូង(Cardiogenic shock)។

・អ្នកដែលមានជំងឺខ្សោយមុខងារថតខាងស្ដាំនៃបេះដូងដោយសារជំងឺលើសសម្ពាធឈាមក្នុងអាកទែរសួត។

・អ្នកដែលមានជំងឺខ្សោយបេះដូងប៉ះពាល់ដល់ចរន្តឈាមក្នុងរាងកាយ(Congestive heart failure)​។

・អ្នកដែលមានជំងឺត្បៀតសរសៃឈាមក្នុងបេះដូងប្រភេទVariant angina។

・អ្នកដែលមានសម្ពាធឈាមទាប។ (ករណីថ្នាំប្រភេទធម្មតាឬប្រភេទរយៈពេលសកម្មភាពខ្លីប៉ុណ្ណោះ)

・អ្នកដែលកំពុងមានរោគសញ្ញានៃផលប៉ះពាល់សរសៃប្រសាទតាមអវៈយវៈ (អាការៈស្លាប់និងរលួយជាលិកា(Gangrene)ជាដើម)។

・អ្នកជំងឺមហារីកPheochromocytomaដែលមិនទាន់ទទួលការព្យាបាល។

・អ្នកដែលកំពុងប្រើប្រាស់ឱសថThioridazine។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・ទាក់ទងនឹងគ្រឿងទទួល β1

ជីពចរចុះខ្សោយ មុខងារបេះដូងចុះខ្សោយនិងធ្វើអោយមានអាការៈហើមរាងកាយ។

・ទាក់ទងនឹងគ្រឿងទទួល β2

អាការៈហឺត ប៉ះពាល់សរសៃឈាមនៅតាមអវៈយវៈ ប៉ះពាល់មេតាបូលីសខ្លាញ់។

・ផ្សេងៗ

គេងមិនលក់ រោគសញ្ញាក្រពះពោះវៀន កម្លាំងសាច់ដុំចុះខ្សោយ ឆាប់ហត់។

・ដោយសារឱសថនេះមានសកម្មភាពកន្ត្រាក់សរសៃឈាម ដូច្នេះ គេពិបាកប្រើចំពោះជំងឺត្បៀតសរសៃឈាមបេះដូងប្រភេទឈឺនៅពេលនៅស្ងៀម(Rest angina)ឬប្រភេទមិននឹងនរ(Unstable angina)។ ម្យ៉ាងទៀត ករណីប្រើប្រាស់ឱសថនេះរយៈពេលយូរអង្វែងមក ហើយបញ្ឈប់ការប្រើប្រាស់ឱសថនេះភ្លាមៗ អាចធ្វើអោយមានគ្រោះថ្នាក់ ដូច្នេះ ត្រូវកាត់បន្ថយបរិមាណប្រើប្រាស់បន្តិចម្ដងៗដោយប្រើរយៈពេលយ៉ាងហោចណាស់1សប្ដាហ៍។

・មានសកម្មភាពបញ្ចុះសម្ពាធឈាមយឺតៗ និង អាចប្រើប្រាស់ចំពោះជំងឺចាប់ពីកម្រិតស្រាលដល់កម្រិតធ្ងន់។ មានប្រសិទ្ធិភាពការពារសាច់ដុំបេះដូង និងត្រូវបានប្រើប្រាស់ជាញឹកញាប់នៅក្រៅប្រទេស។

・ត្រូវប្រុងប្រយ័ត្នចំពោះឥទ្ធិពលនៃឱសថចំពោះមេតាបូលីសខ្លាញ់ក្នុងរាងកាយ និង ចំពោះផលរំខានធ្វើអោយមុខងារបេះដូងចុះខ្សោយ ប៉ះពាល់ដល់ផ្លូវដង្ហើមឬប្រព័ន្ធចរន្តឈាម។

・ករណីប្រើរួមជាមួយឱសថClonidine hydrochloride ប្រសិនបើបញ្ឈប់ការប្រើប្រាស់ឱសថClonidine hydrochlorideមុន នោះនឹងអាចកើតមានរោគសញ្ញាផ្សេងៗ ដូច្នេះ ត្រូវបញ្ឈប់ការប្រើប្រាស់ឱសថទប់ស្កាត់គ្រឿងទទួលβជាមុន។

ម្យ៉ាងទៀត ប្រសិនបើបញ្ឈប់ការប្រើប្រាស់ឱសថប្រភេទនេះភ្លាមៗ អាចធ្វើអោយកើតមានអាការៈស្ទះសរសៃឈាមបេះដូងឬស្លាប់ភ្លាមៗ ដូច្នេះ ត្រូវបន្ថយកម្រិតប្រើប្រាស់បន្តិចម្ដងៗ។

・ហាមប្រើចំពោះអ្នកដែលមានជំងឺហឺត(Bronchial asthma) ឬ រោគសញ្ញានៃការកើនឡើងកម្រិតអាស៊ីតនៅក្នុងឈាមដោយសារជំងឺទឹកនោមផ្អែម(Diabetic acidosis) ឬ អាការៈជីពចរលោតយឺត ឬ ជំងឺស្ទះការបញ្ជូនសញ្ញរវាងថតលើនិងថតក្រោមនៃបេះដូង(Atrioventricular block, AV block) ឬ ជំងឺស្ទះការបញ្ជូនសញ្ញនៅក្នុងថតលើនៃបេះដូង(Sinoatrial block, SA block)។

・បន្ថយបរិមាណឈាមច្របាច់ចេញពីបេះដូង

・ទប់ស្កាត់ការបញ្ចេញសារធាតុរេនីន(Renin)

・ទប់ស្កាត់សកម្មភាពនៃសរសៃប្រសាទស៊ីមប៉ាសេទិច (Sympathetic system) តាមរយៈប្រព័ន្ធប្រសាទកណ្ដាល

・បង្កើនភាពងាយទទួលរំញោចនៃគ្រឿងទទួលសម្ពាធ(Baroreceptor) ឬ កំណត់កម្រិតទាប

・ទប់ស្កាត់សកម្មភាពភ្ញោចគ្រឿងទទួលβដែលស្ថិតនៅមុខស៊ីណាប់(Presynaptic β receptors)

・ជម្រុញការផលិតសារធាតុប្រូស្តាក្លង់ឌីន (Prostaglandin)។