Pirarubicin

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • សកម្មភាពឱសថ
    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការកាត់បន្ថយរោគសញ្ញាផ្សេងៗនៃជំងឺដូចខាងក្រោម៖

      - ជំងឺមហារីកផ្នែកក្បាលនិងក

      - ជំងឺមហារីកសុដន់

      - ជំងឺមហារីកក្រពះ

      - ជំងឺមហារីកនៅផ្លូវនោម (មហារីកប្លោកនោម មហារីកផ្នែកRenal pelvisនៃតម្រងនោមនិងបំពង់បង្ហូរទឹកនោម)

      - ជំងឺមហារីកក្រពេញអូវែរ

      - ជំងឺមហារីកស្បូន

      - ជំងឺមហារីកគ្រាប់ឈាមសលក្ខណៈស្រួចស្រាវ

      - ជំងឺមហារីកMalignant lymphoma។

    • កម្រិតប្រើប្រាស់

      សូមពិនិត្យព័ត៌មានលម្អិតនៅក្នុងបរិយាយប័ណ្ណនៃឱសថនីមួយៗ។

    • ហាមប្រើ

      ・អ្នកដែលធ្លាប់កើតមានរោគប្រតិកម្មធ្ងន់ធ្ងរជាមួយនឹងសារធាតុនៅក្នុងឱសថនេះ។

      ・អ្នកដែលកំពុងឬធ្លាប់កើតមានបញ្ហាទាក់ទងនឹងមុខងារបេះដូង។

      ・អ្នកដែលកំពុងទទួលការព្យាបាលដោយប្រើឱសថប្រឆាំងមហារីកដែលផ្ដល់ផលប៉ះពាល់ដល់បេះដូង (ឱសថប្រភេទAnthracyclineផ្សេងទៀតជាដើម) ដល់កម្រិតអតិបរមា (ឧទាហរណ៍ ចំពោះឱសថDoxorubicin hydrochloride កម្រិតអតិបរមាគឺ500mg/m2នៃផ្ទៃក្រឡារាងកាយ ហើយចំពោះឱសថDaunorubicin hydrochloride កម្រិតអតិបរមាគឺ25mg/kgនៃទម្ងន់រាងកាយ)។

    • ផលរំខាន

      ផលរំខានរួមមាន មិនឃ្លានអាហារ ក្អួត ចង្អោរ ជ្រុះរោមឬសក់ អស់កម្លាំងពេញខ្លួន ឈឺពេលនោម នោមញឹក អាការៈស្ទះពោះវៀន(Ileus) ។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - ហើម ឈឺទ្រូង រួយខ្លួន បេះដូងលោតញាប់ ដង្ហក់ (ប៉ះពាល់សាច់ដុំបេះដូង មុខងារបេះដូងថយចុះ)

      - ក្ដៅខ្លួន ឈាមច្រមុះ រួយខ្លួន រោគសញ្ញាខ្វះឈាម (ប៉ះពាល់មុខងារផលិតគ្រាប់ឈាមរបស់ខួរឆ្អឹង)

      - ទឹកមុខស្លេកស្លាំង បែកញើស ងងឹតមុខពេលក្រោកឈរ (ស្សុក(Shock))

      - ក្ដៅខ្លួន ក្អកស្ងួត ពិបាកដកដង្ហើម (ជំងឺរលាកសួតប្រភេទInterstitial pneumonia)

      - ឈឺពេលនោម នោមញឹក ក្ដៅខ្លួន (ប្លោកនោមរួមតួច)។

    • អន្តរប្រតិកម្ម

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ការប្រើវិទ្យុសកម្មទៅលើផ្នែកបេះដូងឬផ្នែកកណ្ដាលទ្រូង(Mediastinum)នៅមុនពេលប្រើឱសថDaunorubicin - អាចផ្ដល់ផលប៉ះពាល់ដល់សាច់ដុំបេះដូង។

      ・ឱសថប្រឆាំងមហារីកដែលផ្ដល់ផលប៉ះពាល់ដល់បេះដូង (ឱសថប្រភេទAnthracycline) - អាចផ្ដល់ផលប៉ះពាល់ដល់សាច់ដុំបេះដូង។

      ・ឱសថប្រឆាំងមហារីកផ្សេងទៀតឬការព្យាបាលដោយវិទ្យុសកម្ម - អាចធ្វើអោយផលរំខានទាក់ទងនឹងខួរឆ្អឹងកើនឡើង។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនគួរប្រើឱសថនេះទេ ព្រោះអាចប៉ះពាល់ដល់ទារកក្នុងផ្ទៃ។

      ・ស្ត្រីបំបៅដោះកូន មិនគួរប្រើប្រាស់ឱសថនេះទេ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

    • សកម្មភាពឱសថ

      ឱសថនេះនឹងចូលទៅក្នុងកោសិកាមហារីកយ៉ាងឆាប់រហ័ស រួចចូលទៅក្នុងណ្វៃយ៉ូដើម្បីបង្អាក់ដំណើរការសំយោគDNA ដោយបញ្ឈប់ដំណាក់កាលG2នៃវដ្ដកោសិកា ធ្វើអោយកោសិកាមហារីកមិនអាចរស់រានបាន។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp