Procainamide hydrochloride

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • សកម្មភាពឱសថ
    • ប្រសិទ្ធិភាពព្យាបាល

      ករណីថ្នាំលេប:

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

      - ជំងឺបេះដូងកន្ត្រាក់ខុសចង្វាក់នៅផ្នែកខាងលើថតក្រោម ឬ នៅថតក្រោមនៃបេះដូង(Supraventricular extrasystole និង Ventricular extrasystole)

      - បង្ការអាការៈនៃចង្វាក់បេះដូងខុសប្រក្រតីដោយសារបញ្ហាថតក្រោមនៃបេះដូង ដែលកើតឡើងនៅក្នុងជំងឺស្ទះសរសៃឈាមក្នុងបេះដូងស្រួចស្រាវ

      - អាការៈញ័រថតលើនៃបេះដូង(Atrial fibrillation)ដែលទើបកើតឡើងថ្មីៗ

      - បង្ការនិងព្យាបាលអាការៈកន្ត្រាក់ញាប់នៃបេះដូងដែលកើតឡើងម្ដងៗនៅផ្នែកខាងលើថតក្រោម ឬ នៅថតក្រោមនៃបេះដូង (Supraventricular tachycardia និង Ventricular Tachycardia)

      - បង្ការអាការៈញ័រថតលើនៃបេះដូង(Atrial fibrillation)ដែលកើតឡើងម្ដងៗ

      - ប្រើរួមជាមួយការព្យាបាលដោយការឆក់អគ្គិសនី (Electroshock therapy)និងដើម្បីរក្សាស្ថានភាពបន្ទាប់ពីនោះ

      - បង្ការអាការៈចង្វាក់បេះដូងខុសប្រក្រតីនៅពេលវះកាត់និងនៅពេលអនុវត្តការសណ្ដំ

      - អាការៈញ័រថតលើនៃបេះដូង(Atrial fibrillation)ដែលកើតឡើងមួយរយៈពេលហើយ។

      ករណីថ្នាំចាក់:

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

      - ជំងឺបេះដូងកន្ត្រាក់ខុសចង្វាក់នៅផ្នែកខាងលើថតក្រោម ឬ នៅថតក្រោមនៃបេះដូង(Supraventricular extrasystole និង Ventricular extrasystole)

      - អាការៈកន្ត្រាក់ញាប់នៃបេះដូងដែលកើតឡើងម្ដងៗនៅផ្នែកខាងលើថតក្រោម ឬ នៅថតក្រោមនៃបេះដូង (Supraventricular tachycardia និង Ventricular Tachycardia)

      - អាការៈចង្វាក់បេះដូងខុសប្រក្រតីនៅពេលវះកាត់និងនៅពេលអនុវត្តការសណ្ដំ

      - អាការៈញ័រថតលើនៃបេះដូង(Atrial fibrillation)ដែលទើបកើតឡើងថ្មីៗ

      - អាការៈញ័រថតលើនៃបេះដូងប្រភេទAtrial flutter (ករណីចាក់តាមសរសៃវ៉ែនប៉ុណ្ណោះ)

      - អាការៈញ័រថតលើនៃបេះដូង(Atrial fibrillation)ដែលកើតឡើងមួយរយៈពេលហើយ។

    • កម្រិតប្រើប្រាស់

      ករណីថ្នាំលេប:

      មនុស្សពេញវ័យ:លេប1ដង0.25~0.5g, រៀងរាល់3~6ម៉ោង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

      ករណីថ្នាំចាក់:

      ជាទូទៅ គេប្រើក្នុងទម្រង់ជាថ្នាំចាក់ ក្នុងករណីបន្ទាន់តែប៉ុណ្ណោះ។

      ・ករណីចាក់តាមសរសៃវ៉ែន:

      មនុស្សពេញវ័យ:ប្រើក្នុកម្រិត0.2~1g ដោយចាក់តាមសរសៃវ៉ែនក្នុងល្បឿន50~100mg/នាទី។ ករណីចង្វាក់បេះដូងត្រឡប់មកប្រក្រតីវិញ ឬ ករណីកើតមានរោគសញ្ញាពុលឱសថ ឬ ករណីប្រើដល់កម្រិត1000mgហើយ ត្រូវបញ្ឈប់ការប្រើប្រាស់ឱសថនេះ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញារបស់អ្នកជំងឺ។

      ・ករណីចាក់ក្នុងសាច់ដុំ:

      មនុស្សពេញវ័យ:ប្រើក្នុងកម្រិត1ដង0.5mg ចាក់ក្នុងសាច់ដុំ រៀងរាល់4~6ម៉ោង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញារបស់អ្នកជំងឺ។

    • ហាមប្រើ

      ・អ្នកដែលមានបញ្ហាទាក់ទងនឹងការបញ្ជូនសញ្ញរវាងថតនៅក្នុងបេះដូង(Atrioventricular block ជាដើម)

      ・អ្នកដែលមានជំងឺខ្សោយបេះដូងប៉ះពាល់ដល់ចរន្តឈាមក្នុងរាងកាយ(Congestive heart failure)កម្រិតធ្ងន់ធ្ងរ

      ・អ្នកដែលកំពុងប្រើប្រាស់ឱសថMoxifloxacin hydrochloride, ឱសថVardenafil hydrochloride hydrate, ឱសថAmiodarone hydrochloride(ថ្នាំចាក់), ឱសថToremifene citrate

      ・អ្នកដែលមានជំងឺខ្សោយការបញ្ជាលើសាច់ដុំធ្ងន់ធ្ងរ(Myasthenia gravis)

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ

    • ផលរំខាន

      ផលរំខានរួមមាន ចង់ក្អួត បាត់បង់ចំណង់អាហារ រាករូស ឈឺក្បាល គេងមិនលក់ មើលឃើញឬលឺសម្លេងដែលមិនមានពិត ក្ដៅខ្លួន ឡើងកន្ទួលក្រហម ខ្វះឈាម ។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - បេះដូងលោតញាប់ ឈឺទ្រូង ដង្ហក់ វិលមុខ ឈឺទ្រូង បាត់បង់ស្មារតី (បញ្ហាចង្វាក់បេះដូងដោយសារថតក្រោមនៃបេះដូង)

      - ពិបាកដកដង្ហើម បែកញើស ហើម ទឹកដក់ក្នុងទ្រូងឬពោះ (ជំងឺខ្សោយបេះដូង)

      - ក្ដៅខ្លួន ឈឺសន្លាក់ រួយខ្លួន ស្នាមក្រហមលើស្បែក ឈឺទ្រូង រលាកស្រោមបេះដូង ទឹកដក់ក្នុងទ្រូង (រោគសញ្ញាស្រដៀងនឹងSLE)

      - ក្ដៅខ្លួន ឈឺបំពង់ក ឈឺសាច់ដុំ អស់កម្លាំង (ជំងឺAgranulocytosis)។

    • អន្តរប្រតិកម្ម

      ・ឱសថMoxifloxacin hydrochloride, ឱសថVardenafil hydrochloride hydrate, ឱសថAmiodarone hydrochloride(ថ្នាំចាក់), ឱសថToremifene citrate - អាចធ្វើអោយQTមានលក្ខណៈអូសបន្លាយ និង ចង្វាក់បេះដូងលោតញាប់។ ដូច្នេះ ហាមប្រើរួមគ្នា។

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថSunitinib malate - អាចធ្វើអោយQTមានលក្ខណៈអូសបន្លាយ និង ចង្វាក់បេះដូងលោតញាប់។

      ・ឱសថAmiodarone hydrochloride(ថ្នាំលេប) - អាចធ្វើអោយសកម្មភាពនៃProcainamideកើនឡើង។

      ・ឱសថប្រភេទBeta blockers - អាចធ្វើអោយសកម្មភាពបេះដូងថយចុះខ្លាំង។

      ・ឱសថCimetidine - អាចធ្វើអោយសកម្មភាពនៃProcainamideកើនឡើង។

      ・ឱសថប្រឆាំងបាក់តេរីប្រភេទSulfonamides - អាចធ្វើអោយសកម្មភាពនៃឱសថទាំងនេះថយចុះ។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

      ・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

    • សកម្មភាពឱសថ

      ឱសថនេះមានសកម្មភាពទប់ស្កាត់គ្រឿងចម្លងអ៊ីយ៉ុងសូដ្យូម(Na+ Channel) ធ្វើអោយអ៊ីយ៉ុងសូដ្យូមមិនអាចចូលទៅក្នុងកោសិកាបេះដូងបាន ជាលទ្ធផល ឱសថនេះមានប្រសិទ្ធិភាពធ្វើអោយល្បឿននិងកម្រិតនៃការកើនឡើងប៉ូតង់ស្យែលសកម្ម(Action potential)ថយចុះ ដើម្បីទប់ស្កាត់ការកើតឡើងនៃសញ្ញាបេះដូងខុសប្រក្រតី។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp