Procaterol hydrochloride hydrate

ករណីថ្នាំលេប(ថ្នាំគ្រាប់ ថ្នាំម្សៅ ថ្នាំទឹក)：

ជាទូទៅ ឱសថនេះប្រើនៅក្នុងការកាត់បន្ថយអាការៈពិបាកដកដង្ហើមបណ្ដាលមកពីការស្ទះផ្លូវដង្ហើម ដែលកើតមាននៅក្នុងជំងឺដូចខាងក្រោម ៖

- ជំងឺហឺត(Bronchial asthma)

- ជំងឺរលាកទងសួតស្រួចស្រាវ

- ជំងឺរលាកទងសួតរ៉ាំរ៉ៃ

- ជំងឺខ្យល់ដក់ក្នុងសួត (Pulmonary emphysema)

- ជំងឺរលាកទងសួតស្រដៀងនឹងហឺត។

ករណីថ្នាំទឹកលាយសម្រាប់ស្រូបតាមមាត់ និង ថ្នាំទម្រង់ជាឧបករណ៍បាញ់ស្រូបតាមមាត់：

ជាទូទៅ ឱសថនេះប្រើនៅក្នុងការកាត់បន្ថយអាការៈពិបាកដកដង្ហើមបណ្ដាលមកពីការស្ទះផ្លូវដង្ហើម ដែលកើតមាននៅក្នុង ជំងឺហឺត(Bronchial asthma) ជំងឺរលាកទងសួតរ៉ាំរ៉ៃ និង ជំងឺខ្យល់ដក់ក្នុងសួត (Pulmonary emphysema)។

ករណីថ្នាំលេប(ថ្នាំគ្រាប់និងថ្នាំម្សៅ)：

- មនុស្សពេញវ័យ：លេប1ដង50μg(ថ្នាំម្សៅ0.01%ត្រូវនឹង0.5gឬថ្នាំម្សៅ0.005%ត្រូវនឹង1g) 1ថ្ងៃ1ដងមុនពេលចូលគេង ឬ 1ថ្ងៃ2ដងពេលព្រឹកនិងមុនពេលចូលគេង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

- កុមារអាយុចាប់ពី6ឆ្នាំឡើងទៅ：លេប1ដង25μg (ថ្នាំម្សៅ0.01%ត្រូវនឹង0.25gឬថ្នាំម្សៅ0.005%ត្រូវនឹង0.5g) 1ថ្ងៃ1ដងមុនពេលចូលគេង ឬ 1ថ្ងៃ2ដងពេលព្រឹកនិងមុនពេលចូលគេង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

- កុមារអាយុក្រោម6ឆ្នាំ：លេប1ដង1.25μg/kg (ថ្នាំម្សៅ0.01%ត្រូវនឹង0.0125g/kgឬថ្នាំម្សៅ0.005%ត្រូវនឹង0.025g/kg) 1ថ្ងៃ2ដងពេលព្រឹកនិងមុនពេលចូលគេង ឬ 1ថ្ងៃ3ដងពេលព្រឹក ពេលថ្ងៃនិងមុនពេលចូលគេង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីថ្នាំលេប ទម្រង់ជាថ្នាំទឹក(5μg/mL)：

- មនុស្សពេញវ័យ：ពិសារ1ដង50μg (ត្រូវនឹង10mL) 1ថ្ងៃ1ដងមុនពេលចូលគេង ឬ 1ថ្ងៃ2ដងពេលព្រឹកនិងមុនពេលចូលគេង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

- កុមារអាយុចាប់ពី6ឆ្នាំឡើងទៅ：ពិសារ1ដង25μg (ត្រូវនឹង5mL) 1ថ្ងៃ1ដងមុនពេលចូលគេង ឬ 1ថ្ងៃ2ដងពេលព្រឹកនិងមុនពេលចូលគេង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

- កុមារអាយុក្រោម6ឆ្នាំ：ពិសារ1ដង1.25μg/kg (ត្រូវនឹង0.25mL/kg) 1ថ្ងៃ2ដងពេលព្រឹកនិងមុនពេលចូលគេង ឬ 1ថ្ងៃ3ដងពេលព្រឹក ពេលថ្ងៃនិងមុនពេលចូលគេង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីថ្នាំទឹកលាយសម្រាប់ស្រូបតាមមាត់(0.01%)：

- មនុស្សពេញវ័យ：ប្រើ1ដង30～50μg (ត្រូវនឹង0.3～0.5mL) ស្រូបដោយប្រើឧបករណ៍ណេប៊ុឡាយហ្សឺ(Nebulizer)និងដកដង្ហើមវែងៗ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

- កុមារ：ប្រើ1ដង10～30μg (ត្រូវនឹង0.1～0.3mL)) ស្រូបដោយប្រើឧបករណ៍ណេប៊ុឡាយហ្សឺ(Nebulizer)និងដកដង្ហើមវែងៗ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីថ្នាំទម្រង់ជាឧបករណ៍បាញ់ស្រូបតាមមាត់：

- មនុស្សពេញវ័យ：ប្រើ1ដង20μg ស្រូបតាមមាត់ នៅពេលកើតមានអាការៈហឺត។ អាចប្រើដល់4ដងក្នុង1ថ្ងៃ។

- កុមារ：ប្រើ1ដង10μg ស្រូបតាមមាត់ នៅពេលកើតមានអាការៈហឺត។ អាចប្រើដល់4ដងក្នុង1ថ្ងៃ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។