Ramucirumab

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជំងឺមហារីកក្រពះដែលកំពុងវិវត្តឬរើឡើងវិញ ហើយមិនអាចព្យាបាលដោយវះកាត់អោយជាសះស្បើយបាន

- ជំងឺមហារីកនៅពោះវៀនធំ (Colorectal cancer) ដែលកំពុងវិវត្តឬរើឡើងវិញ ហើយមិនអាចព្យាបាលដោយវះកាត់អោយជាសះស្បើយបាន

- ជំងឺមហារីកសួតប្រភេទNon-small-cell lung carcinoma ដែលកំពុងវិវត្តឬរើឡើងវិញ ហើយមិនអាចព្យាបាលដោយវះកាត់បាន

- ជំងឺមហារីកកោសិកាថ្លើមដែលមិនអាចព្យាបាលដោយវះកាត់បាន និង មិនមានកម្រិតAFPក្នុងឈាមកើនឡើងបន្ទាប់ពីការព្យាបាលដោយគីមីដល់កម្រិតចាប់ពី400ng/mLឡើងទៅ។

ថ្នាំចាក់：

・ករណីជំងឺមហារីកក្រពះដែលកំពុងវិវត្តឬរើឡើងវិញ ហើយមិនអាចព្យាបាលដោយវះកាត់អោយជាសះស្បើយបាន និង ជំងឺមហារីកកោសិកាថ្លើមដែលមិនអាចព្យាបាលដោយវះកាត់បាន និង មិនមានកម្រិតAFPក្នុងឈាមកើនឡើងបន្ទាប់ពីការព្យាបាលដោយគីមីដល់កម្រិតចាប់ពី400ng/mLឡើងទៅ:

មនុស្សពេញវ័យ ប្រើ2សប្ដាហ៍ម្ដង។ កម្រិតប្រើក្នុង1ដងគឺ8mg/kg (ទម្ងន់រាងកាយ) ដោយព្យួរសេរ៉ូមតាមសរសៃវ៉ែនរយៈពេលប្រហែល60នាទី។ អាចបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ។

・ករណីជំងឺមហារីកនៅពោះវៀនធំ (Colorectal cancer) ដែលកំពុងវិវត្តឬរើឡើងវិញ ហើយមិនអាចព្យាបាលដោយវះកាត់អោយជាសះស្បើយបាន:

មនុស្សពេញវ័យ ប្រើ2សប្ដាហ៍ម្ដង។ កម្រិតប្រើក្នុង1ដងគឺ8mg/kg (ទម្ងន់រាងកាយ) ដោយព្យួរសេរ៉ូមតាមសរសៃវ៉ែនរយៈពេលប្រហែល60នាទី។ អាចបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ។ ប្រើឱសថនេះរួមជាមួយ ឱសថIrinotecan hydrochloride hydrate ឱសថLevofolinate និង ឱសថFluorouracil។

・ករណីជំងឺមហារីកសួតប្រភេទNon-small-cell lung carcinoma ដែលកំពុងវិវត្តឬរើឡើងវិញ ហើយមិនអាចព្យាបាលដោយវះកាត់បាន:

មនុស្សពេញវ័យ ប្រើ3សប្ដាហ៍ម្ដង។ កម្រិតប្រើក្នុង1ដងគឺ10mg/kg (ទម្ងន់រាងកាយ) ដោយព្យួរសេរ៉ូមតាមសរសៃវ៉ែនរយៈពេលប្រហែល60នាទី។ អាចបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ។ ប្រើឱសថនេះរួមជាមួយឱសថDocetaxel។

・អ្នកដែលធ្លាប់មានរោគប្រតិកម្មធ្ងន់ធ្ងរជាមួយនឹងសារធាតុនៅក្នុងឱសថនេះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

ផលរំខានរួមមាន ឈឺពោះ សម្ពាធឈាមកើនឡើង រាករូស គ្មានកម្លាំង ឈាមច្រមុះ រលាកក្នុងមាត់(ពងបែកក្នុងមាត់) ហើមដៃជើង ឈឺក្បាល ទឹកនោមប្រៃ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ធ្ងន់ក្បាល ឈឺក្បាល ងងឹតមុខ បែកញើសទាំងត្រជាក់ ស្ពឹកមួយចំហៀងខ្លួន វិលមុខ ស្មារតីដឹងខ្លួនធ្លាក់ចុះ ពិបាកនិយាយ គំហើញនៃភ្នែកធ្លាក់ចុះ ស្ពឹក ថប់ទ្រូង ឈឺទ្រូង ពិបាកដកដង្ហើម ក្អក ស្បែក បបូរមាត់និងក្រចកដៃជើងប្រែពណ៌ខៀវស្វាយឬស្វាយចាស់ (ជំងឺស្ទះដោយសារកំណកឈាម រួមមាន ស្ទះសរសៃឈាមក្នុងខួរក្បាលឬបេះដូង ត្បៀតសរសៃឈាមក្នុងខួរក្បាលឬបេះដូង ជាដើម)

- ឈឺជើងខ្លាំង ហើមជើង បែកញើស ក្ដៅខ្លួន ក្អក ស្មារតីដឹងខ្លួនធ្លាក់ចុះ ឈឺទ្រូង ពិបាកដកដង្ហើម (ជំងឺស្ទះនៅសរសៃឈាមវ៉ែនដោយសារកំណកឈាម)

- ពិបាកដកដង្ហើមភ្លាមៗ កន្ទាលត្រអាក សម្ពាធឈាមចុះទាប បាត់បង់ស្មារតី ហើមបបូរមាត់ អណ្ដាតនិងត្របកភ្នែក ក្ដៅខ្លួន រងាញាក់ ក្អក ចង់ក្អួត វិលមុខ បេះដូងលោតញាប់ (Infusion reaction)

- ឈឺពោះខ្លាំង ក្អួតចង្អោរ ក្ដៅខ្លួន ពិបាកដកដង្ហើម (ធ្លាយក្រពះឬពោះវៀន)

- ក្អួតឈាម ក្អួតចង្អោរ ឈឺពោះ លាមកលាយឈាម លាមកពណ៌ខ្មៅ (ហូរឈាមតាមក្រពះពោះវៀន)

- រួយខ្លួន ហើមពេញខ្លួន ចង់ក្អួត ពិបាកដកដង្ហើម ដង្ហក់ពេលធ្វើចលនា (ជំងឺមុខងារបេះដូងចុះខ្សោយ)

- របួសក្រជាសះស្បើយ

- សាច់ដុំកន្ត្រាក់ឬប្រកាច់ គំហើញរបស់ភ្នែកមានបញ្ហា បាត់បង់ស្មារតី (ជំងឺPosterior reversible encephalopathy syndrome)

- ហើមពេញខ្លួន បរិមាណទឹកនោមថយចុះ (ជំងឺតម្រងនោមNephrotic syndrome)

- ក្ដៅខ្លួន ក្អកស្ងួត ពិបាកដកដង្ហើម ដង្ហក់ (ជំងឺរលាកសួតInterstitial pneumonia)។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើឱសថនេះទេ ព្រោះសារធាតុឱសថអាចប៉ះពាល់ដល់ទារកក្នុងផ្ទៃ។

・អ្នកជំងឺជាស្ត្រីដែលអាចមានផ្ទៃពោះ គួរប្រើប្រាស់វិធីពន្យារកំណើតក្នុងអំឡុងពេលប្រើឱសថនេះនិងក្រោយពេលឈប់ប្រើប្រាស់មួយរយៈពេល។

・ស្ត្រីបំបៅដោះកូន គួរចៀសវាងការបំបៅដោះក្នុងអំឡុងពេលប្រើឱសថនេះ។

・ការប្រើឱសថនេះត្រូវស្ថិតក្រោមការគ្រប់គ្រងម៉ត់ចត់ពីវេជ្ជបណ្ឌិតដែលមានបទពិសោធន៍ច្រើនក្នុងការព្យាបាលជំងឺមហារីកដោយគីមី។

・នៅក្នុងការប្រើឱសថនេះ ត្រូវប្រុងប្រយ័ត្នជាពិសេសចំពោះផលប៉ះពាល់ដែលបង្កអោយមានជំងឺធ្លាយក្រពះឬពោះវៀន ជំងឺហូរឈាមក្នុងក្រពះពោះវៀនធ្ងន់ធ្ងរ ជំងឺស្ទះសរសៃឈាមនៅខួរក្បាលឬបេះដូងដោយសារកំណកឈាម ព្រោះវាអាចបណ្ដាលអោយមានគ្រោះថ្នាក់ដល់ជីវិតរបស់អ្នកជំងឺ។

ឱសថនេះជាអង់ទីករប្រឆាំងនឹងVEGFR-2 ដោយឱសថនេះរារាំងការភ្ជាប់នៃ VEGF-A, VEGF-C និង VEGF-D ទៅនឹងVEGFR-2 ដើម្បីទប់ស្កាត់ការភ្ញោចសកម្មភាពរបស់VEGFR-2។ ជាលទ្ធផល ឱសថនេះអាចរារាំងការកើនឡើង ការធ្វើចលនា និង ការរស់រានរបស់កោសិកាEndothelial cells ក៏ដូចជាការកើតឡើងនៃសរសៃឈាមថ្មីៗនៅក្នុងជាលិកាមហារីក។