Sodium valproate = Valproic acid

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ព្យាបាលជំងឺប្រកាច់គ្រប់ប្រភេទ និង អាការៈឆាប់ខឹង អារម្មណ៍មិនល្អឬអាការៈផ្សេងៗទៀតដែលបណ្ដាលមកពីជំងឺប្រកាច់។

- ព្យាបាលជំងឺស្មារតីឡើងខ្ពស់ខុសប្រក្រតី (Mania)។

- ព្យាបាលអាការៈនៃស្មារតីឡើងខ្ពស់ខុសប្រក្រតីនៅក្នុងជំងឺបាក់ទឹកចិត្តប្រភេទរួមមានអាការៈស្មារតីឡើងខ្ពស់ម្ដងៗ(Manic-depressive psychosis)។

- បង្ការអាការៈប្រកាំង (Migraine)។

ថ្នាំលេប：

＜ប្រភេទរយៈពេលសកម្មភាពធម្មតា＞

・ករណីព្យាបាលជំងឺប្រកាច់គ្រប់ប្រភេទ និង អាការៈឆាប់ខឹង អារម្មណ៍មិនល្អឬអាការៈផ្សេងៗទៀតដែលបណ្ដាលមកពីជំងឺប្រកាច់ ជំងឺស្មារតីឡើងខ្ពស់ខុសប្រក្រតី (Mania) និង អាការៈនៃស្មារតីឡើងខ្ពស់ខុសប្រក្រតីនៅក្នុងជំងឺបាក់ទឹកចិត្តប្រភេទរួមមានអាការៈស្មារតីឡើងខ្ពស់ម្ដងៗ(Manic-depressive psychosis)：

ជាទូទៅ លេប1ថ្ងៃ 400～1200mg (ថ្នាំទឹក5%ត្រូវនឹង8～24mL) បែងចែកជា2～3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីបង្ការអាការៈប្រកាំង (Migraine)：

ជាទូទៅ លេប1ថ្ងៃ 400～800mg (ថ្នាំទឹក5%ត្រូវនឹង8～16mL) បែងចែកជា2～3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាក្នុង1ថ្ងៃគឺ1000mg (ថ្នាំទឹក5%ត្រូវនឹង20mL)។

＜ប្រភេទរយៈពេលសកម្មភាពវែង (R)＞

・ករណីព្យាបាលជំងឺប្រកាច់គ្រប់ប្រភេទ និង អាការៈឆាប់ខឹង អារម្មណ៍មិនល្អឬអាការៈផ្សេងៗទៀតដែលបណ្ដាលមកពីជំងឺប្រកាច់ ជំងឺស្មារតីឡើងខ្ពស់ខុសប្រក្រតី (Mania) និង អាការៈនៃស្មារតីឡើងខ្ពស់ខុសប្រក្រតីនៅក្នុងជំងឺបាក់ទឹកចិត្តប្រភេទរួមមានអាការៈស្មារតីឡើងខ្ពស់ម្ដងៗ(Manic-depressive psychosis)：

ជាទូទៅ លេប1ថ្ងៃ 400～1200mg បែងចែកជា1～2ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីបង្ការអាការៈប្រកាំងក្បាល (Migraine)：

ជាទូទៅ លេប1ថ្ងៃ 400～800mg បែងចែកជា1～2ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាក្នុង1ថ្ងៃគឺ1000mg។

・អ្នកដែលមានបញ្ហាថ្លើមធ្ងន់ធ្ងរ។

・អ្នកដែលកំពុងប្រើប្រាស់ឱសថប្រឆាំងបាក់តេរីប្រភេទCarbapenem (Panipenem/Betamipron, Meropenem hydrate, Imipenem hydrate/Cilastatin sodium, Biapenem, Doripenem hydrate, Tebipenem pivoxil)។

・អ្នកដែលមានជំងឺទាក់ទងនឹងវដ្ដអ៊ុយរេ (Urea cycle disorders)។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

ផលរំខានរួមមាន ងងុយគេង ចង់ក្អួត កើនទម្ងន់ ចលនាគ្មានលំនឹង។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- បាត់បង់ចំណង់អាហារ អស់កម្លាំង ភ្នែកនិងស្បែកប្រែពណ៌លឿង ចង់ក្អួត (មុខងារថ្លើមមានបញ្ហា រលាកថ្លើម)

- អស់កម្លាំង បាត់បង់ចំណង់អាហារ ងងុយគេង វិលមុខ (បាត់បង់ស្មារតីដោយសារកម្រិតអាម៉ូញ៉ាក់ក្នុងឈាមកើនឡើងខ្ពស់)

- ឈឺបំពង់ក ងាយហូរឈាម អាការៈខ្វះឈាម វិលមុខ (ជំងឺខ្វះឈាមប្រភេទAplastic anemia, បញ្ហាឈាមដូចជារោគសញ្ញានៃការថយចុះចំនួនគ្រាប់ឈាមស ជាដើម)

- ឈឺពោះខ្លាំង ក្ដៅខ្លួន ចង់ក្អួត (រលាកលំពែងស្រួចស្រាវ)

- ក្តៅខ្លួន ស្នាមក្រហមលើស្បែក ភ្នែកក្រហម (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome ឬ StevensJohnson syndrome) ជំងឺស្លាប់កោសិកាស្បែក(TEN))

- ក្អកស្ងួត ដង្ហក់ ក្ដៅខ្លួន (រលាកសួតប្រភេទInterstital pneumonia)

- ក្ដៅខ្លួន ឡើងកន្ទួលក្រហម ហើមកូនកណ្ដុរ (បណ្ដុំរោគសញ្ញានៃរោគប្រតិកម្មទៅនឹងឱសថ)

- ក្ដៅខ្លួន ឈឺសន្លាក់ ស្នាមក្រហមលើមុខរាងមេអំបៅ ឆាប់ហត់ (រោគសញ្ញាស្រដៀងSLE)

- ឈឺសាច់ដុំដៃនិងជើង ស្ពឹករឹង ទឹកនោមមានពណ៌ក្រហមត្នោត ( ជំងឺរលាយសាច់ដុំ(Rhabdomyolysis))។

・ឱសថប្រឆាំងបាក់តេរីប្រភេទCarbapenem (Panipenem/Betamipron, Meropenem hydrate, Imipenem hydrate/Cilastatin sodium, Biapenem, Doripenem hydrate, Tebipenem pivoxil) - អាចធ្វើអោយកើតមានអាការៈប្រកាច់រើឡើងវិញ។ ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថប្រភេទBarbiturates (Phenobarbital ជាដើម) - អាចធ្វើអោយសកម្មភាពនៃSodium valproateថយចុះ និង សកម្មភាពនៃឱសថប្រភេទBarbituratesកើនឡើង។

・ឱសថhenytoin, ឱសថCarbamazepine - អាចធ្វើអោយសកម្មភាពនៃឱសថទាំងនេះប្រែប្រួល និង សកម្មភាពនៃឱសថSodium valproateថយចុះ។

・ឱសថEthosuximide, Amitriptyline, Nortriptyline - អាចធ្វើអោយសកម្មភាពនៃឱសថទាំងនេះកើនឡើង។

・ឱសថClobazam - អាចធ្វើអោយសកម្មភាពនៃឱសថClobazamកើនឡើង។

・ឱសថLamotrigine - អាចធ្វើអោយការបញ្ចេញចោលនៃឱសថLamotrigineអូសបន្លាយ។

・ឱសថប្រភេទSalicylic acid (Aspirin ជាដើម) - អាចធ្វើអោយសកម្មភាពនៃSodium valproateកើនឡើង។

・ឱសថប្រភេទBenzodiazepine (Diazepam ជាដើម), ឱសថWarfarin - អាចធ្វើអោយសកម្មភាពនៃឱសថទាំងនេះកើនឡើង។

・ឱសថErythromycin, ឱសថCimetidine - អាចធ្វើអោយសកម្មភាពនៃSodium valproateកើនឡើង។

・ឱសថClonazepam - អាចធ្វើអោយកើតមានអាការៈប្រកាច់លក្ខណៈអូសបន្លាយ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・នៅក្នុងអំឡុងពេលប្រើប្រាស់ឱសថនេះ អាចធ្វើអោយកើតមានអាការៈដូចជា ងងុយគេង ពិបាកផ្ដុំអារម្មណ៍ ងាយធ្វេសប្រហែស ជាដើម ដូច្នេះ គួរចៀសវាងការបើកបររថយន្តឬបញ្ជាម៉ាស៊ីនដែលមានគ្រោះថ្នាក់។

・ឱសថនេះមានសកម្មភាពបង្កើនបរិមាណសារធាតុGABAនិងសារធាតុដូប៉ាមីន(Dopamine) ព្រមទាំង ជម្រុញប្រតិកម្មនៃសារធាតុសេរ៉ូតូនីន(Serotonin)នៅក្នុងខួរក្បាល។

・បង្អាក់សកម្មភាពនៃសារធាតុសេរ៉ូតូនីន ដើម្បីទប់ស្កាតការរីកនៃសរសៃឈាមនៅក្នុងខួរក្បាល។