Solifenacin succinate

ជាទូទៅ ឱសថនេះប្រើនៅក្នុងការព្យាបាលអាការៈចង់បត់ជើងតូចខ្លាំងទ្រាំមិនបាន អាការៈនោមញឹក ឬ អាការៈលេចនោមទ្រាំមិនបាន (Urinary urge incontinence) ដែលកើតមាននៅក្នុងជំងឺប្លោកនោមងាយភ្ញោចខុសប្រក្រតី(Overactive bladder, OAB)។

ថ្នាំលេប：

មនុស្សពេញវ័យ：លេប1ថ្ងៃ1ដង 5mg។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ថ្ងៃគឺ10mg។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានអាការៈស្ទះនោម។

・អ្នកដែលមានជំងឺក្លូកូមប្រភេទបិទជិទ(Angle-closure glaucoma)។

・អ្នកដែលមានអាការៈស្ទះនៅចុងក្រពះ(Pylorus) ឬ នៅគល់ពោះវៀនតូច(Duodenum) ឬ នៅតាមពោះវៀន។

・អ្នកដែលមានជំងឺខ្សោយសាច់ដុំក្រពះ(Gastric atony)ឬជំងឺខ្សោយសាច់ដុំពោះវៀន(Intestinal atony)។

・អ្នកដែលមានជំងឺខ្សោយការបញ្ជាលើសាច់ដុំធ្ងន់ធ្ងរ(Myasthenia gravis)។

・អ្នកដែលមានជំងឺបេះដូងកម្រិតធ្ងន់ធ្ងរ។

・អ្នកដែលមានបញ្ហាថ្លើមកម្រិតធ្ងន់ធ្ងរ (Child-Pugh ប្រភេទ C)។

ផលរំខានរួមមាន ស្ងួតក្នុងមាត់ ទល់លាមក ឈឺពោះ រំលាយអាហារមិនបានល្អ ស្រេកទឹក ពិបាកនោម ភ្នែកស្រវាំង ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ឡើងកន្ទាលត្រអាក ពិបាកដកដង្ហើម សម្ពាធឈាមធ្លាក់ចុះទាប (រោគប្រតិកម្មធ្ងន់ធ្ងរ)

- រួយខ្លួន បាត់បង់ចំណង់អាហារ ស្បែកនិងភ្នែកប្រែពណ៌លឿង (មុខងារថ្លើមមានបញ្ហា)

- នោមមិនចេញ ពិបាកនោម (ស្ទះនោម)

- ដង្ហក់ ឈឺទ្រូង វិលមុខ (QTអូសបន្លាយ ស្ទះការបញ្ជូនសញ្ញារវាងថតក្នុងបេះដូង ជីពចរខ្សោយកម្រិតធ្ងន់ធ្ងរ ជាដើម)

- ទល់លាមកខ្លាំង ហើមពោះ ឈឺពោះ (ស្ទះពោះវៀនលក្ខណៈស្ពឹក)

- ពិបាកផ្ដុំអារម្មណ៍គិត មិនស្គាល់ពេលវេលាឬទីកន្លែង ឃើញរូបភាពឬលឺសម្លេងដែលមិនមានពិត (រវើរវាយ ភ្លេចភ្លាំង)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថដែលមានសកម្មភាពប្រឆាំងអាសេទីលកូលីន, ឱសថព្យាបាលជំងឺបាក់ទឹកចិត្តប្រភេទTricyclic antidepressants, ឱសថប្រភេទPhenothiazines, ឱសថប្រភេទMAO inhibitors - អាចធ្វើអោយផលរំខាន ដូចជា ស្ងួតក្នុងមាត់ ទល់លាមក ពិបាកនោម ប៉ះពាល់ភ្នែក ជាដើម កើនឡើង។

・ឱសថប្រឆាំងមេរោគផ្សិតប្រភេទAzole(Itraconazole, Fluconazole, Miconazole ជាដើម) - អាចធ្វើអោយផលរំខាន ដូចជា ស្ងួតក្នុងមាត់ ទល់លាមក ពិបាកនោម ប៉ះពាល់ភ្នែក ជាដើម កើនឡើង។

・ឱសថRifampicin, ឱសថPhenytoin, ឱសថCarbamazepine - អាចធ្វើអោយប្រសិទ្ធិភាពនៃSolifenacinថយចុះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・នៅក្នុងអំឡុងពេលប្រើប្រាស់ឱសថនេះ អាចធ្វើអោយកើតមានអាការៈដូចជា ភ្នែកស្រវាំង វិលមុខ ងងុយគេង ជាដើម ដូច្នេះ គួរចៀសវាងការបើកបររថយន្តឬបញ្ជាម៉ាស៊ីនដែលមានគ្រោះថ្នាក់។

・ចំពោះមនុស្សចាស់ ឱសថនេះអាចធ្វើអោយកើតមានអាការៈស្រដៀងនឹងជំងឺភ្លេចភ្លាំង។

ឱសថនេះមានសកម្មភាពប្រជែងជាមួយនឹងសារធាតុអាសេទីលកូលីន(Acetylcholine) នៅក្នុងភ្ជាប់ទៅនឹង ក៏ដូចជា ភ្ញោចគ្រឿងទទួលមូស្ការីនM3(Muscarinic receptors)នៅក្នុងប្លោកនោម ដើម្បីទប់ស្កាត់ការកន្ត្រាក់នៃប្លោកនោម។