Tiotropium bromide hydrate

ករណីថ្នាំបាញ់ស្រូបតាមមាត់：

ជាទូទៅ ឱសថនេះប្រើនៅក្នុងការកាត់បន្ថយអាការៈពិបាកដកដង្ហើមបណ្ដាលមកពីការស្ទះផ្លូវដង្ហើម ដែលកើតមាននៅក្នុងជំងឺដូចខាងក្រោម ៖

- ជំងឺហឺត(Bronchial asthma)

- ជំងឺសួតលក្ខណៈស្ទះផ្លូវដង្ហើមរ៉ាំរ៉ៃ (COPD) រួមមាន ជំងឺរលាកទងសួតរ៉ាំរ៉ៃ និង ជំងឺខ្យល់ដក់ក្នុងសួត (Pulmonary emphysema)។

ករណីថ្នាំកាប់ស៊ុល：

ជាទូទៅ ឱសថនេះប្រើនៅក្នុងការកាត់បន្ថយអាការៈពិបាកដកដង្ហើមបណ្ដាលមកពីការស្ទះផ្លូវដង្ហើម ដែលកើតមាននៅក្នុងជំងឺសួតលក្ខណៈស្ទះផ្លូវដង្ហើមរ៉ាំរ៉ៃ (COPD) រួមមាន ជំងឺរលាកទងសួតរ៉ាំរ៉ៃ និង ជំងឺខ្យល់ដក់ក្នុងសួត (Pulmonary emphysema)។

ករណីថ្នាំបាញ់ស្រូបតាមមាត់：

・ករណីជំងឺហឺត(Bronchial asthma)：

មនុស្សពេញវ័យ： ប្រើ1ថ្ងៃ1ដង2.5μg ដោយបាញ់ដើម្បីស្រូបតាមមាត់។ ករណីរោគសញ្ញាធ្ងន់ធ្ងរ អាចបង្កើនកម្រិតដល់1ថ្ងៃ1ដង5μg។

・ករណីជំងឺរលាកទងសួតរ៉ាំរ៉ៃ និង ជំងឺខ្យល់ដក់ក្នុងសួត (Pulmonary emphysema)：

មនុស្សពេញវ័យ：ប្រើ1ថ្ងៃ1ដង5μg ដោយបាញ់ដើម្បីស្រូបតាមមាត់។

ករណីថ្នាំកាប់ស៊ុល：

មនុស្សពេញវ័យ：ប្រើ1ថ្ងៃ1ដង18μg ដោយប្រើឧបករណ៍ដែលផលិតសម្រាប់ប្រើជាមួយឱសថនេះ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះឬឱសថប្រភេទAtropine។

・អ្នកដែលមានជំងឺក្លូកូមប្រភេទបិទជិត(Angle-closure glaucoma))។

・អ្នកដែលមានបញ្ហាផ្នែកមុខងារបញ្ចេញទឹកនោម ដូចជា ជំងឺក្រពេញប្រូស្តាតរីកធំ(Prostatomegaly) ជាដើម។

ផលរំខានរួមមាន ស្ងួតក សម្លេងស្អក ឡើងកន្ទួលក្រហម រមាស់ស្បែក កន្ទាលត្រអាក វិលមុខ បេះដូងលោតញាប់ ចង្វាក់បេះដូងលោតញាប់។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ពិបាកដកដង្ហើមនៅពេលទម្រេតខ្លួនជាងនៅពេលអង្គុយ បេះដូងលោតញាប់ ឈឺទ្រូង (មុខងារបេះដូងចុះខ្សោយ ញ័រថតលើនៃបេះដូង ជាដើម)

- ហើមពោះ ក្អួតចង្អោរ ទល់លាមក (ស្ទះពោះវៀន(Ileus))

- មើលមិនសូវច្បាស់ ឈឺភ្នែក ឈឺក្បាល ភ្នែកក្រហម (ជំងឺក្លូកូមប្រភេទបិទជិទ(Angle-closure glaucoma))

- ហើមបំពង់ក កន្ទាលត្រអាក រោគសញ្ញានៃការហើមប៉ោងនៅស្រទាប់ក្រោមនៃស្បែក(Angioedema) ពិបាកដកដង្ហើម (រោគប្រតិកម្មធ្ងន់ធ្ងរ)។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ករណីប្រើឱសថនេះរួមជាមួយឱសថបំបាត់ការរលាកទងសួត(ឱសថស្តេរ៉ូអ៊ីត) ទោះជាអាការៈពិបាកដកដង្ហើមបានធូរស្រាលភ្លាមៗបន្ទាប់ពីប្រើឱសថនេះក៏ដោយ ក៏អ្នកជំងឺមិនគួរឈប់ប្រើឱសថបំបាត់ការរលាកជាប្រចាំនោះដែរ។

・ឱសថនេះមិនមានប្រសិទ្ធិភាពបំបាត់អាការៈហឺតដែលកើតឡើងភ្លាមៗនោះទេ ប៉ុន្តែ វាមានប្រសិទ្ធិភាពកាត់បន្ថយអាការៈងាយប្រតិកម្មរបស់បំពង់ខ្យល់ជាដើម ដោយគេច្រើនប្រើឱសថនេះសម្រាប់ការបង្ការកុំអោយកើតមានអាការៈហឺត។ ឱសថនេះត្រូវការរយៈពេលយូរបន្តិចមុននឹងបង្ហាញប្រសិទ្ធិភាព។

ឱសថនេះនឹងទៅភ្ជាប់ជាមួយនឹងគ្រឿងទទួលប្រភេទមូស្កាលីន(Muscarine receptor)នៃសារធាតុអាសេទីលកូលីន(Acetylcholine) ធ្វើអោយសារធាតុអាសេទីលកូលីនមិនអាចភ្ជាប់ទៅនឹងគ្រឿងទទួលរបស់វាបាន ជាលទ្ធផល សកម្មភាពកន្ត្រាក់ទងសួតនៃសារធាតុនេះត្រូវបានទប់ស្កាត់ ហើយទងសួតក៏រីកធំទូលាយ សម្រួលដល់ការដកដង្ហើម។