Urokinase

ជាទូទៅ ឱសថនេះប្រើនៅក្នុងការព្យាបាលជំងឺដែលទាក់ទងនឹងការកកើតកំណកឈាមឬស្ទះកំណកឈាម ដូចខាងក្រោម ៖

・ជំងឺកំណកឈាមក្នុងខួរក្បាល (ក្នុងករណីស្ថិតក្នុងអំឡុងពេល5ថ្ងៃបន្ទាប់ពីកើតរោគសញ្ញា ហើយមិនមានការរកឃើញតាមរយៈការពិនិត្យCTថាមានការហូរឈាមនោះទេ)

・ជំងឺស្ទះសរសៃឈាមវ៉ែនឬអាកទែរនៅតាមអវៈយវៈ (ករណីស្ថិតក្នុងអំឡុងពេល10ថ្ងៃបន្ទាប់ពីកើតរោគសញ្ញា)

・ប្រើនៅក្នុងការរំលាយកំណកឈាមនៅសរសៃឈាមបេះដូងដែលកើតមាននៅក្នុងជំងឺស្ទះសរសៃឈាមបេះដូងស្រួចស្រាវ (ករណីស្ថិតក្នុងអំឡុងពេល6ម៉ោងបន្ទាប់ពីកើតរោគសញ្ញា)។

ថ្នាំចាក់：

・ករណីជំងឺកំណកឈាមក្នុងខួរក្បាល：

ប្រើ1ថ្ងៃ60,000ខ្នាត រយៈពេលប្រមាណ7ថ្ងៃ។ ប្រើឱសថនេះដោយលាយនៅក្នុងសេរ៉ូមប្រៃ10mL រួចចាក់តាមសរសៃវ៉ែន។ ឬ លាយនៅក្នុងសេរ៉ូមប្រៃឬសេរ៉ូមគ្លុយកូសដើម្បីព្យួរសេរ៉ូមតាមសរសៃវ៉ែន។

・ជំងឺស្ទះសរសៃឈាមវ៉ែនឬអាកទែរនៅតាមអវៈយវៈ：

នៅដំណាក់កាលដំបូង ប្រើ1ថ្ងៃ60,000～240,000ខ្នាត។ បន្ទាប់ពីនោះ បន្ថយកម្រិតប្រើប្រាស់បន្តិចម្ដងៗ ដោយប្រើរយៈពេលប្រមាណ7ថ្ងៃ។ ប្រើឱសថនេះដោយលាយនៅក្នុងសេរ៉ូមប្រៃ10mL រួចចាក់តាមសរសៃវ៉ែន។ ឬ លាយនៅក្នុងសេរ៉ូមប្រៃឬសេរ៉ូមគ្លុយកូសដើម្បីព្យួរសេរ៉ូមតាមសរសៃវ៉ែន។

・ករណីប្រើនៅក្នុងការរំលាយកំណកឈាមនៅសរសៃឈាមបេះដូងដែលកើតមាននៅក្នុងជំងឺស្ទះសរសៃឈាមបេះដូងស្រួចស្រាវ：

ប្រើឱសថនេះដោយលាយនៅក្នុងសេរ៉ូមប្រៃឬសេរ៉ូមគ្លុយកូសដើម្បីទទួលបានកំហាប់6000ខ្នាត/mL។ ប្រើ 48～960000 IU ចាក់បញ្ចូលក្នុងសរសៃអាកទែរបេះដូង ក្នុងល្បឿន24000 IU/4mL/នាទី។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

ករណីប្រើចំពោះជំងឺកំណកឈាមក្នុងខួរក្បាល និង ជំងឺស្ទះសរសៃឈាមវ៉ែនឬអាកទែរនៅតាមអវៈយវៈ：

・អ្នកដែលស្ថិតក្នុងស្ថានភាពពិបាកបញ្ឈប់ការហូរឈាម (ហូរឈាមក្នុងក្បាល កំហាកមានឈាម រោគសញ្ញាRetroperitoneal hemorrhage)។

・អ្នកដែលបានទទួលការវះកាត់ឬមានបញ្ហានៅក្នុងក្បាលឬខួរឆ្អឹង។

・អ្នកដែលមានជំងឺប៉ោងសរសៃអាកទែ (Aneurysm)។

・អ្នកដែលបាត់បង់ស្មារតីកម្រិតធ្ងន់ធ្ងរ។

・អ្នកដែលកំពុងមានឬសង្ស័យថាមានជំងឺស្ទះកំណកឈាមក្នុងខួរក្បាល (Cerebral embolism)។

・អ្នកដែលកំពុងប្រើប្រាស់ឱសថDefibrotide sodium។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・អ្នកដែលមានរោគសញ្ញាញ័រថតលើនៃបេះដូង (Atrial fibrillation)(ជាពិសេសអ្នកដែលមានជំងឺMitral stenosis) ឬ ជំងឺរលាកភ្នាសខាងក្នុងនៃបេះដូងដោយសារឆ្លងបាក់តេរី(Infectious endocarditis) ឬ ជំងឺស្ទះសរសៃឈាមបេះដូងលក្ខណៈរ៉ាំរ៉ៃក្រោយកើតមានអាការៈ(Old myocardial infarction, OMI) ឬ អ្នកដែលប្រើប្រាស់ប្រឺសបេះដូងសិប្បនិម្មិត។

ករណីប្រើចំពោះជំងឺស្ទះសរសៃឈាមបេះដូងស្រួចស្រាវ：

・អ្នកដែលកំពុងមានអាការៈហូរឈាម (ហូរឈាមក្នុងក្រពះឬពោះវៀន ហូរឈាមនៅផ្លូវនោម កំហាកមានឈាម ហូរឈាមក្នុងភ្នែក រោគសញ្ញាRetroperitoneal hemorrhage)។

・អ្នកដែលបានទទួលការវះកាត់ឬមានបញ្ហានៅក្នុងក្បាលឬខួរឆ្អឹង។

・អ្នកដែលមានជំងឺមហារីកក្នុងក្បាល ជំងឺសរសៃវ៉ែននិងអាកទែប្រែខុសទម្រង់ធម្មតា(Arteriovenous malformation) ឬ ជំងឺប៉ោងសរសៃអាកទែ (Aneurysm)

・អ្នកដែលងាយកើតមានអាការៈហូរឈាម។

・អ្នកដែលមានជំងឺលើសសម្ពាធឈាមធ្ងន់ធ្ងរ។

・អ្នកដែលកំពុងប្រើប្រាស់ឱសថDefibrotide sodium។

ហូរឈាម ចង្វាក់បេះដូងខុសប្រក្រតី ។ល។

・ប្រើក្នុងអំឡុងពេល6ម៉ោងបន្ទាប់ពីកើតមានអាការៈ។ ការប្រើនៅក្រោយរយៈពេល6ម៉ោងបន្ទាប់ពីកើតមានអាការៈ មិនសូវមានប្រសិទ្ធិភាពនោះទេ។

បំលែងសារធាតុផ្លាស្មីនណូជេន(Plasminogen)ទៅជាផ្លាស្មីន(Plasmin)។ ផ្លាស្មីនជាសារធាតុដែលមានសកម្មភាពរំលាយកំណកឈាម។