Adenosine triphosphate disodium hydrate

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • សកម្មភាពឱសថ
    • ប្រសិទ្ធិភាពព្យាបាល

      ករណីថ្នាំលេប:

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

      - រោគសញ្ញាផ្សេងៗបន្សល់ក្រោយពេលរបួសប៉ះទង្គិចក្បាល

      - ជំងឺខ្សោយបេះដូង (Heart failure)

      - អាការៈនឿយហត់ភ្នែកដោយសារមុខងារសម្រួលគំហើញមិនមានលំនឹង

      - ជំងឺរលាកក្រពះរ៉ាំរ៉ៃដែលមុខងារប្រដាប់រំលាយអាហារចុះខ្សោយ

      - អាការៈវិលមុខដែលបណ្ដាលមកពីជំងឺមេនីអេ(Meniere's disease) ឬ បញ្ហាទាក់ទងនឹងផ្នែកខាងក្នុងនៃត្រចៀក។

      ករណីថ្នាំចាក់:

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

      - រោគសញ្ញាផ្សេងៗបន្សល់ក្រោយពេលរបួសប៉ះទង្គិចក្បាល

      - ជំងឺខ្សោយបេះដូង (Heart failure)

      - ជំងឺខូចសាច់ដុំដោយសារសែន (Muscular dystrophy) ឬ ជំងឺក្នុងជំពូកនោះ

      - ជំងឺស្វិតជើង (Acute poliomyelitis)

      - ជំងឺស្ពឹកសាច់ដុំដោយសារការប៉ះពាល់ខួរក្បាល(Cerebral palsy)កើតនៅលើកុមារ (ប្រភេទបន្ធូរសាច់ដុំ)

      - ជំងឺស្វិតសាច់ដុំដោយសារបញ្ហាខួរឆ្អឹង (Spinal muscular atrophy)ក្នុងដំណាក់កាលវិវត្តន៍ ឬ ជំងឺក្នុងជំពូកនោះ

      - អាការៈហ៊ឹងត្រចៀក ឬ ពិបាកស្ដាប់លឺ

      - អាការៈនឿយហត់ភ្នែកដោយសារមុខងារសម្រួលគំហើញមិនមានលំនឹង

      - ជំងឺរលាកក្រពះរ៉ាំរ៉ៃដែលមុខងារប្រដាប់រំលាយអាហារចុះខ្សោយ

      - កែលម្អមុខងារថ្លើមនៅក្នុងជំងឺថ្លើមរ៉ាំរ៉ៃ។

    • កម្រិតប្រើប្រាស់

      ថ្នាំលេប:

      ជាទូទៅ លេប1ដង40~60mg 1ថ្ងៃ3ដង។ ចំពោះអាការៈវិលមុខដែលបណ្ដាលមកពីជំងឺមេនីអេ(Meniere's disease) ឬ បញ្ហាទាក់ទងនឹងផ្នែកខាងក្នុងនៃត្រចៀក ត្រូវលេប1ដង100mg 1ថ្ងៃ3ដង។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

      ថ្នាំចាក់:

      ・ករណីចាក់តាមសរសៃវ៉ែន:

      ជាទូទៅ ប្រើ1ដង5~40mg លាយនៅក្នុងសេរ៉ូមគ្លុយកូសប្រភេទអ៊ីសូតូនិចឬអ៊ីពែតូនិច ដើម្បីចាក់តាមសរសៃវ៉ែនយឺតៗ 1ថ្ងៃ1~2ដង។

      ・ករណីព្យួរសេរ៉ូមតាមសរសៃវ៉ែន:

      ជាទូទៅ ប្រើ1ថ្ងៃ1ដង40~80mg លាយនៅក្នុងសេរ៉ូមគ្លុយកូស5%បរិមាណ200~500mL រួចព្យួរសេរ៉ូមនោះតាមសរសៃវ៉ែនរយៈពេល30~60នាទី។

      ・ករណីចាក់ក្នុងសាច់ដុំឬក្រោមស្បែក:

      ជាទូទៅ ប្រើ1ដង5~40mg ចាក់ក្នុងសាច់ដុំឬក្រោមស្បែក 1ថ្ងៃ1~2ដង។

    • ហាមប្រើ

      ករណីថ្នាំចាក់:

      ・អ្នកដែលទើបកើតមានអាការៈហូរឈាមក្នុងខួរក្បាល។

    • ផលរំខាន

      ផលរំខានរួមមាន បញ្ហាក្រពះពោះវៀន ចង់ក្អួត រមាស់ស្បែក ឈឺក្បាល ងងុយគេង ហ៊ឹងត្រចៀក អារម្មណ៍មិនស្ងប់ ទល់លាមក ដំបៅក្នុងមាត់ ។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - ថប់ទ្រូង ចង់ក្អួត មុខក្រហម ក្អក ត្អើក អារម្មណ៍ក្ដៅ (រោគសញ្ញាស្រដៀងអាការៈប្រតិកម្មធ្ងន់ធ្ងរ(Shock))។ (ករណីថ្នាំចាក់:)

    • អន្តរប្រតិកម្ម

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថDipyridamole - អាចធ្វើអោយកំហាប់ក្នុងឈាមនៃAdenosineកើនឡើង។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនគួរប្រើឱសថនេះទេ។

    • សកម្មភាពឱសថ

      ឱសថនេះមានសកម្មភាពដូចខាងក្រោម៖

      - ពង្រីកសរសៃឈាមដើម្បីបង្កើនចរន្តឈាមរត់ទៅដល់សរីរាង្គនីមួយៗនៃរាងកាយ

      - បង្កើនសកម្មភាពនៃប្រតិកម្មផ្សេងៗនៅក្នុងរាងកាយ

      - បង្កើនកម្លាំងកន្ត្រាក់នៃសាច់ដុំ

      - ជម្រុញការបញ្ជូនសញ្ញានៅតាមកោសិកាសរសៃប្រសាទ។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp