Clozapine

ជាទូទៅ ឱសថនេះប្រើនៅក្នុងការព្យាបាលជំងឺវិកលចរឹត (Schizophrenia)ដែលពិបាកព្យាបាល។

ថ្នាំលេប：

មនុស្សពេញវ័យ：នៅថ្ងៃដំបូង លេប1ថ្ងៃ1ដង12.5mg។ នៅថ្ងៃទី2 លេប1ថ្ងៃ1ដង 25mg។ ចាប់ពីថ្ងៃទី3ទៅ អាចបង្កើនកម្រិតបន្តិចម្ដងៗគឺ25mg/ថ្ងៃ ដោយប្រើរយៈពេល3សប្ដាហ៍ដើម្បីបង្កើនកម្រិតដល់1ថ្ងៃ200mg។ ករណីកម្រិតប្រើក្នុង1ថ្ងៃលើសពី50mg ត្រូវបែងចែកជា2～3ដងក្នុង1ថ្ងៃ។

កម្រិតប្រើជាប្រចាំគឺ1ថ្ងៃ200～400mg បែងចែកជា2～3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា ប៉ុន្តែ ត្រូវទុកគម្លាតរយៈពេល4ថ្ងៃឬច្រើនជាងនេះសម្រាប់ការបង្កើនកម្រិតម្ដងៗ ហើយមិនត្រូវបង្កើនម្ដងអោយហួសពី100mg/ថ្ងៃនោះទេ។ កម្រិតអតិបរមាប្រើក្នុង1ថ្ងៃគឺ600mg។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានចំនួនគ្រាប់ឈាមសក្រោម4,000/mm³ឬចំនួនកោសិកាNeutrophilក្រោម2,000/mm³ នៅក្នុងការពិនិត្យឈាមមុនពេលអ្នកជំងឺចុះឈ្មោះនៅCPMS (អំឡុងពេល4សប្ដាហ៍)។

・អ្នកដែលមិនអាចអនុវត្តទៅតាមការកំណត់នៅក្នុងCPMS។

・អ្នកដែលធ្លាប់ត្រូវបានបញ្ឈប់ការប្រើឱសថនេះ ដោយសារយោងទៅតាមការកំណត់នៅក្នុងCPMS។

・អ្នកដែលមានរោគសញ្ញាAgranulocytosis ឬ រោគសញ្ញាថយចុះចំនួនកោសិកាណឺត្រូហ្វីល(Neutropenia)កម្រិតធ្ងន់ធ្ងរ។

・អ្នកដែលមានបញ្ហាមុខងារខួរឆ្អឹង។

・អ្នកដែលកំពុងប្រើប្រាស់ឱសថដែលអាចប៉ះពាល់ដល់មុខងារផលិតគ្រាប់ឈាមរបស់ខួរឆ្អឹង ឬ កំពុងទទួលការព្យាបាលដែលអាចប៉ះពាល់ដល់មុខងារផលិតគ្រាប់ឈាមរបស់ខួរឆ្អឹងដូចជាការបាញ់កាំរស្មីឬការព្យាបាលជំងឺមហារីកដោយគីមីជាដើម។

・អ្នកដែលកំពុងប្រើប្រាស់ឱសថព្យាបាលជំងឺទាក់ទងនឹងស្មារតីលក្ខណៈបន្តសកម្មភាពយូរ (ថ្នាំចាក់Haloperidol decanoate ថ្នាំចាក់Fluphenazine decanoate ថ្នាំចាក់Risperidone ថ្នាំចាក់Paliperidone palmitate ថ្នាំចាក់Aripiprazole hydrate)។

・អ្នកដែលមានជំងឺរួមមានរោគសញ្ញាកន្ត្រាក់សាច់ដុំកម្រិតធ្ងន់ធ្ងរ ឬ អ្នកជំងឺប្រកាច់ដែលមិនទាន់អាចគ្រប់គ្រងអាការៈបានតាមរយៈការព្យាបាល។

・អ្នកដែលមានអាការៈពុលលក្ខណៈស្រួចស្រាវឬបាត់បង់ស្មារតី(Coma)ដោយសារគ្រឿងស្រវឹងឬសារធាតុឱសថ។

・អ្នកដែលកំពុងស្ថិតក្នុងស្ថានភាពដែលប្រព័ន្ធចរន្តឈាមចុះខ្សោយ ឬ ស្ថានភាពខ្សោយប្រព័ន្ធសរសៃប្រសាទ។

・អ្នកដែលមានជំងឺបេះដូងកម្រិតធ្ងន់ធ្ងរ។

・អ្នកដែលមានបញ្ហាមុខងារតម្រងនោមកម្រិតធ្ងន់ធ្ងរ។

・អ្នកដែលមានបញ្ហាមុខងារថ្លើមកម្រិតធ្ងន់ធ្ងរ។

・អ្នកដែលមានជំងឺស្ទះពោះវៀនលក្ខណៈស្ពឹក (Paralytic ileus)។

・អ្នកជំងឺដែលកំពុងប្រើប្រាស់ឱសថភ្ញោចគ្រឿងទទួលអាដ្រេណាលីន (Adrenaline, Noradrenaline)(លើកលែងករណីដែលត្រូវប្រើឱសថAdrenalineសម្រាប់ព្យាបាលរោគប្រតិកម្មធ្ងន់ធ្ងរAnaphylaxisជាបន្ទាន់)។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・អ្នកដែលកំពុងមានឬធ្លាប់មានជំងឺទឹកនោមផ្អែម។

គេងមិនលក់ គេងលក់មួយភាំងៗ កម្រិតជាតិស្ករកើនឡើង ALT/ASTកើនឡើង ជីពចរលោតញាប់ សម្ពាធឈាមចុះទាបនៅពេលក្រោកឈរ កើនទម្ងន់។

・ហាមប្រើចំពោះអ្នកជំងឺទឹកនោមផ្អែម។

ទប់ស្កាត់ការភ្ញោចគ្រឿងទទួលដូប៉ាមីន(D2 receptor) និង គ្រឿងទទួលសេរ៉ូតូនីន5-HT2(5-HT2 receptor) ព្រមទាំងគ្រឿងទទួលផ្សេងៗទៀតនៅក្នុងខួរក្បាល។