Crisantaspase

ជាទូទៅ ឱសថនេះប្រើនៅក្នុងការព្យាបាលជំងឺដូចខាងក្រោម៖

- ជំងឺមហារីកគ្រាប់ឈាមសលក្ខណៈស្រួចស្រាវ (Acute leukemia) រួមទាំង ដំណាក់កាលស្រួចស្រាវនៃជំងឺមហារីកគ្រាប់ឈាមសរ៉ាំរ៉ៃ។

- ជំងឺមហារីកMalignant lymphoma។

ប៉ុន្តែ គេប្រើឱសថនេះក្នុងករណីអ្នកជំងឺមានរោគប្រតិកម្មទៅនឹងឱសថL-asparaginaseតែប៉ុណ្ណោះ។

ថ្នាំចាក់：

ប្រើរួមជាមួយឱសថប្រឆាំងមហារីកប្រភេទផ្សេងទៀត ក្នុងកម្រិត1ថ្ងៃ1ដង 25000 U/1m2នៃផ្ទៃរាងកាយ 3ដងក្នុង1សប្ដាហ៍ ចាក់ក្នុងសាច់ដុំ។

・អ្នកដែលធ្លាប់មានរោគប្រតិកម្មធ្ងន់ធ្ងរជាមួយនឹងសារធាតុនៅក្នុងឱសថនេះ។

・អ្នកដែលធ្លាប់កើតមានរោគសញ្ញារលាកលំពែងធ្ងន់ធ្ងរដោយសារការប្រើឱសថL-asparaginase។

・អ្នកដែលធ្លាប់កើតមានរោគសញ្ញាកំណកឈាម(Thrombosis)ធ្ងន់ធ្ងរដោយសារការប្រើឱសថL-asparaginase។

・អ្នកដែលធ្លាប់កើតមានអាការៈហូរឈាមធ្ងន់ធ្ងរដោយសារការប្រើឱសថL-asparaginase។

ផលរំខានរួមមាន រោគប្រតិកម្ម កម្រិតជាតិស្ករក្នុងឈាមកើនឡើង ក្ដៅខ្លួន រលាកលំពែង ប្រតិកម្មនៅកន្លែងចាក់ ក្អួតចង្អោរ រោគសញ្ញាកំណកឈាម សារធាតុប៊ីលីរូប៊ីនក្នុងឈាមកើនឡើង(Hyperbilirubinemia) ឈឺឬអារម្មណ៍មិនស្រួលនៅផ្នែកពោះ ។ល។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះ ក្នុងករណីចាំបាច់ប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ការប្រើឱសថនេះត្រូវស្ថិតក្រោមការគ្រប់គ្រងម៉ត់ចត់ពីវេជ្ជបណ្ឌិតដែលមានបទពិសោធន៍ច្រើនក្នុងការព្យាបាលជំងឺមហារីកសរីរាង្គផលិតគ្រាប់ឈាម។

ឱសថនេះជាអង់ស៊ីមAsparaginaseដែលបានពីErwinia chrysanthemi ដោយវាមានសកម្មភាពបំលែងAsparagineទៅជាAspartic acidនិងAmmonia ធ្វើអោយបរិមាណAsparagineនៅក្នុងឈាមថយចុះ។ ឱសថនេះមានប្រសិទ្ធភាពសម្លាប់កោសិកាមហារីកគ្រាប់ឈាមសដែលពឹងផ្អែកលើAsparagineពីក្រៅរាងកាយនៅក្នុងការសំយោគនិងមេតាបូលីសនៃប្រូតេអ៊ីន ដោយសារកោសិកាទាំងនេះខ្វះអង់ស៊ីមAsparagine synthetase សម្រាប់ការសំយោគAsparagine។ ឱសថនេះនឹងបំបែកAsparagine ធ្វើអោយសារធាតុនេះកាន់តែខ្សត់សម្រាប់ផ្គត់ផ្គង់ទៅអោយកោសិកាមហារីកទាំងនោះ។