D-mannitol

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • ស្ត្រីមានផ្ទៃពោះ និង ស្ត្រីបំបៅដោះកូន
    • ការប្រុងប្រយ័ត្នជាពិសេស
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

      - បញ្ចុះសម្ពាធក្នុងខួរក្បាល ឬ បង្រួមមាឌខួរក្បាល។

      - បញ្ចុះសម្ពាធក្នុងភ្នែក

      - បង្ការនិងព្យាបាលអាការៈខ្សោយតម្រងនោមស្រួចស្រាវនៅក្នុងពេលកំពុងឬក្រោយពេលវះកាត់ ក្រោយត្រូវរបួស ឬ នៅពេលពុលឱសថ។

    • កម្រិតប្រើប្រាស់

      ថ្នាំចាក់：

      ជាទូទៅ ប្រើ1ដង 1.0～3.0g/kg ដោយព្យួរសេរ៉ូមតាមសរសៃវ៉ែន។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ថ្ងៃគឺ 200g។ ល្បឿននៃការព្យួរសេរ៉ូមគឺ 100mL/3～10នាទី។

    • ហាមប្រើ

      ・អ្នកដែលមានជំងឺមិនអាចបំបែកស្ករហ្វ្រុកតូសលក្ខណៈតំណពូជ (Hereditary fructose intolerance)។

      ・អ្នកដែលមានអាការៈខ្សោះជាតិទឹកនិងកម្រិតសូដ្យូមក្នុងឈាមទាប។

      ・អ្នកដែលកំពុងកើតមានដុំឈាមនៅក្នុងខួរក្បាលលក្ខណៈស្រួចស្រាវ។

    • ផលរំខាន

      ផលរំខានរួមមាន ថប់ទ្រូង ឈឺក្បាល វិលមុខ ស្ងួតក ចង់ក្អួត ។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - បរិមាណទឹកនោមថយចុះ ហើម បាត់បង់ចំណង់អាហារ អស់កម្លាំង (ខ្សោយតម្រងនោមស្រួចស្រាវ)។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

    • ការប្រុងប្រយ័ត្នជាពិសេស

      ・ប្រសិនបើឱសថនេះកកដោយសារសីតុណ្ហភាពត្រជាក់ គួរកម្ដៅអោយរលាយវិញក្រោមសីតុណ្ហភាព40～50℃ រួចទុកអោយត្រជាក់រហូតធ្លាក់មកត្រឹមសីតុណ្ហភាពរាងកាយ។

    • សកម្មភាពឱសថ

      ឱសថនេះមិនទទួលឥទ្ធិពលពីប្រតិកម្មបំលែងផ្សេងៗនៅក្នុងរាងកាយនោះទេ។ នៅពេលសារធាតុឱសថនេះចូលទៅក្នុងឈាម វាធ្វើអោយកំហាប់អូស្មូសកើនឡើង ហើយជាតិទឹកនៅក្រៅសរសៃឈាមក៏ចាប់ផ្ដើមចូលទៅក្នុងសរសៃឈាម។ ដោយសារធាតុនេះអាចឆ្លងកាត់ការច្រោះនៃតម្រងនោមបានយ៉ាងងាយ ធ្វើអោយវាអាចចូលទៅក្នុងបំពង់តម្រងនោមដើម្បីបង្កើនកំហាប់អូស្មូសនៅទីនោះ ហើយអាចទប់ស្កាត់ការស្រូបចូលវិញនៃជាតិទឹកពីក្នុងបំពង់តម្រងនោម។ ជាលទ្ធផល ឱសថនេះបង្កើនបរិមាណបញ្ចេញចោលនៃសារធាតុអេឡិចត្រូឡាយនិងជាតិទឹកទៅតាមទឹកនោម ធ្វើអោយជាតិទឹកនៅតាមជាលិកាក្នុងរាងកាយថយចុះ ក៏ដូចជា សម្ពាធក្នុងខួរក្បាលឬក្នុងភ្នែកផងដែរ។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល