Didanosine

ជាទូទៅ ឱសថនេះប្រើនៅក្នុងការព្យាបាលជំងឺឆ្លងវីរុសហ៊ីវ (HIV) ដោយប្រើរួមជាមួយឱសថប្រឆាំងវីរុសហ៊ីវផ្សេងទៀត។

ថ្នាំលេប：

・ទម្ងន់60kgឡើងទៅ：លេប1ថ្ងៃ1ដង 400mg នៅចន្លោះពេលបរិភោគអាហារ (ពោះទទេ)។

・ទម្ងន់ក្រោម60kg：លេប1ថ្ងៃ1ដង 250mg នៅចន្លោះពេលបរិភោគអាហារ (ពោះទទេ)។

・អ្នកដែលមានជំងឺរលាកក្រពេញលំពែង - អាចធ្វើអោយអាការៈកាន់តែធ្ងន់ធ្ងរ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ (ប្រសិនបើចាំបាច់ខ្លាំងត្រូវប្រើឱសថនេះ ត្រូវតាមដានផលរំខាននៃការកើនឡើងអាស៊ីតឡាក់តិចក្នុងឈាមអោយបានដិតដល់)

ផលរំខានរួមមាន រាករូស ចង់ក្អួត ស្ពឹក ឡើងកន្ទួលក្រហម ឈឺពោះ បាត់បង់ចំណង់អាហារ កើតជំងឺឆ្លងផ្សេងៗ ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ឈឺផ្នែកខាងលើនៃពោះខ្លាំង ឈឺបរិវេណចង្កេះនិងខ្នង ក្ដៅខ្លួន (រលាកលំពែង)

- អស់កម្លាំង ថយទម្ងន់ (រោគសញ្ញាអាស៊ីតឡាក់តិចក្នុងឈាមកើនឡើង(Lactic acidosis))

- អស់កម្លាំង ក្ដៅខ្លួន (ខ្លាញ់រុំថ្លើម ជំងឺសម្ពាធកើនឡើងនៅសរសៃឈាមពីពោះវៀនទៅថ្លើម(Portal hypertension))

- គំហើញនៃភ្នែកថយចុះ ស្រវាំងភ្នែក (រលាកសរសៃចក្ខុវិញាណជាដើម)

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថPentamidine, Sulfonamide, Zalcitabine, thalidomide, គ្រឿងស្រវឹង ឱសថប្រភេទAdrenocorticoids ឱសថប្រឆាំងមេរោគរបេង ឱសថប្រភេទH2 antagonist - អាចធ្វើអោយផលរំខានឱសថកាន់តែងាយកើតឡើង។

・ឱសថGanciclovir - អាចធ្វើអោយផលរំខានឱសថកាន់តែងាយកើតឡើង។

・ឱសថAllopurinol - អាចធ្វើអោយផលរំខានឱសថកាន់តែងាយកើតឡើង។

・ឱសថRibavirin - អាចធ្វើអោយផលរំខានប៉ះពាល់ដល់ថ្លើម លំពែង និងអាស៊ីតឡាក់តិចក្នុងឈាម កាន់តែងាយកើតឡើង។

・ឱសថTenofovir disoproxil fumarate - អាចធ្វើអោយផលរំខានឱសថកាន់តែងាយកើតឡើង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ - អាចបង្កផលរំខាននៃការកើនឡើងអាស៊ីតឡាក់តិចក្នុងឈាម(Lactic acidosis)ធ្ងន់ធ្ងរ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។ ម្យ៉ាងទៀត វីរុសហ៊ីវអាចឆ្លងទៅទារកតាមទឹកដោះម្ដាយ ដូច្នេះ ស្ត្រីដែលមានផ្ទុកវីរុសហ៊ីវមិនគួរបំបៅទឹកដោះដល់ទារកនោះទេ។

・ឱសថនេះអាចបង្កអោយរលាកក្រពេញលំពែង ដូច្នេះ ត្រូវតាមដានមុខងារលំពែងរបស់អ្នកជំងឺតាមការពិនិត្យឈាមអោយបានជាប្រចាំ។

・ឱសថនេះមានប្រសិទ្ធិភាពត្រឹមទប់ទល់នឹងការកើនឡើងនៃវីរុសហ៊ីវក្នុងរាងកាយ ប៉ុន្តែមិនអាចកម្ចាត់វីរុសហ៊ីវអស់ទាំងស្រុងនោះទេ។

ជាឱសថប្រឆាំងវីរុសហ៊ីវ(HIV)ប្រភេទNRTI ដោយមានប្រសិទ្ធិភាពបង្អាក់សកម្មភាពរបស់អង់ស៊ីម HIV-1 Reverse transcriptaseនិងសកម្មភាពផលិតDNAរបស់វីរុស ធ្វើអោយវីរុសមិនអាចកើនចំនួនបាន។