Filgrastim

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • ស្ត្រីមានផ្ទៃពោះ និង ស្ត្រីបំបៅដោះកូន
    • ការប្រុងប្រយ័ត្នជាពិសេស
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

      - ជម្រុញចលនានៃកោសិកាដើមសម្រាប់ផលិតគ្រាប់ឈាម(Hematopoietic stem cell, HSC)ចូលទៅក្នុងឈាមនៅតាមសរសៃឈាម។

      - ជម្រុញការបង្កើនចំនួនគ្រាប់ឈាមសណឺត្រូហ្វីល(Neutrophil)ចំពោះអ្នកជំងឺទទួលការវះកាត់ផ្លាស់ប្ដូរកោសិកាដើមសម្រាប់ផលិតគ្រាប់ឈាម(Hematopoietic stem cell transplantation)

      - ជម្រុញការបង្កើនចំនួនគ្រាប់ឈាមសណឺត្រូហ្វីល(Neutrophil)នៅពេលគ្រាប់ឈាមសណឺត្រូហ្វីលធ្លាក់ចុះទាបក្នុងករណីដូចជា (1)អ្នកជំងឺដែលទទួលការព្យាបាលជំងឺមហារីកដោយគីមី(Chemotherapy) (2)ការធ្លាក់ចុះនៃគ្រាប់ឈាមសណឺត្រូហ្វីលបង្កជាឧបសគ្គនៅក្នុងការព្យាបាលជំងឺឆ្លងវីវុសហ៊ីវ(HIV) (3)អ្នកជំងឺដែលការផលិតគ្រាប់ឈាមនៅក្នុងខួរឆ្អឹងខុសប្រក្រតី(Myelodysplastic syndrome) (4)អ្នកជំងឺខ្វះឈាមប្រភេទAplastic anemia (5)អ្នកជំងឺដែលគ្រាប់ឈាមសណឺត្រូហ្វីលធ្លាក់ចុះទាបពីកំណើត ឬ ដោយមិនដឹងមូលហេតុ។

    • កម្រិតប្រើប្រាស់

      សូមពិនិត្យខ្លឹមសារលម្អិតនៅក្នុងបរិយាយប័ណ្ណនៃឱសថនីមួយៗ។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ ឱសថប្រភេទG-CSFផ្សេងទៀត។

      ・អ្នកជំងឺមហារីកគ្រាប់ឈាមសប្រភេទខួរឆ្អឹង(Myelogenous leukemia)ដែលកោសិកាបង្កើតគ្រាប់ឈាម(Myeloblast)នៅក្នុងខួរឆ្អឹងមិនទាន់ថយចុះចំនួនច្រើន ឬ អ្នកជំងឺមហារីកគ្រាប់ឈាមសប្រភេទខួរឆ្អឹង(Myelogenous leukemia)ដែលពិនិត្យឃើញវត្តមាននៃកោសិកាបង្កើតគ្រាប់ឈាម(Myeloblast)នៅតាមសរសៃឈាម។

    • ផលរំខាន

      ផលរំខានរួមមាន ឈឺចង្អេះ ឈឺក្បាល ឈឺសន្លាក់ ក្ដៅខ្លួន ឈឺឆ្អឹង(ទ្រូង ចង្កេះ ត្រគាក ជាដើម) ប៉ះពាល់មុខងារថ្លើម។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - រងាញាក់ បេះដូងលោតញាប់ បែកញើសទាំងត្រជាក់ ទឹកមុខស្លេកស្លាំង (រោគប្រតិកម្មធ្ងន់ធ្ងរ)

      - ក្ដៅខ្លួន ក្អកស្ងួត ពិបាកដកដង្ហើម (រលាកសួតប្រភេទInterstitial pneumonia)

      - ដកដង្ហើមលឿននិងដោយពិបាក បបូរមាត់ពណ៌ខៀវ ក្រចកដៃជើងពណ៌ខៀវ (ជំងឺAcute respiratory distress syndrome)

      - ដង្ហក់ ក្ដៅខ្លួន រួយខ្លួន ងាយហូរឈាម វិលមុខ (កោសិកាបង្កើតគ្រាប់ឈាមកើនឡើង)

      - សម្ពាធឈាមចុះទាប ហើម កើនទម្ងន់ភ្លាមៗ (រោគសញ្ញានៃការជ្រាបចេញនូវសារធាតុផ្សេងៗពីសរសៃឈាម(Capillary leak syndrome))

      - ឈឺនៅផ្នែកខាងលើនៃពោះខាងឆ្វេង ហើមពោះ អាការៈខ្វះឈាម (ធ្លាយអណ្ដើក)

      - ក្ដៅខ្លួន រួយខ្លួន ឈឺក្បាល វិលមុខ(រលាកសរសៃឈាមធំៗ)។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនគួរប្រើប្រាស់ឱសថនេះទេ។

    • ការប្រុងប្រយ័ត្នជាពិសេស

      ・នៅក្នុងការប្រើប្រាស់ឱសថនេះ ត្រូវប្រុងប្រយ័ត្នចំពោះផលប៉ះពាល់ធ្វើអោយធ្លាយអណ្ដើក ដោយត្រូវសង្កេតមើលរោគសញ្ញាដូចជាឈឺនៅផ្នែកខាងលើនៃពោះខាងឆ្វេង ហើមពោះ អាការៈខ្វះឈាម និងអនុវត្តការពិនិត្យឈាមឬអេកូពោះជាដើមអោយបានដិតដល់។

    • សកម្មភាពឱសថ

      ឱសថនេះមានប្រសិទ្ធិភាពភ្ជាប់ទៅនឹងគ្រឿងទទួល(Receptor)នៅលើកោសិកាដើមនៃគ្រាប់ឈាមសណឺត្រូហ្វីល(Neutrophil) ដើម្បីជម្រុញការវិវត្តន៍នៃកោសិកាទាំងនេះអោយទៅជាគ្រាប់ឈាមសណឺត្រូហ្វីល(Neutrophil)ដែលមានមុខងារពេញលេញ។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល