Gelatin

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ទប់ស្កាត់អាការៈហូរឈាមនៅក្នុងការវះកាត់

- ព្យាបាលដំបៅនៅលើស្បែកដែលមានបញ្ហាដោយសារការគេងសង្កត់រយៈពេលយូរឬហៅថាដំបៅគ្រែ(Bedsore)

- ទប់ស្កាត់ការស្អិតជាប់នៃជាលិកានៅក្រោយពេលវះកាត់សរសៃប្រសាទខួរក្បាល ការវះកាត់ផ្នែកទ្រូង និង ការវះកាត់ភ្នែក។

ថ្នាំបិទ：

・ករណីប្រើនៅក្នុងការទប់ស្កាត់អាការៈហូរឈាមនៅក្នុងការវះកាត់ និង ការព្យាបាលដំបៅគ្រែ(Bedsore)：

ប្រើក្នុងទម្រង់ស្ងួតដោយផ្ទាល់ ឬ ជ្រលក់នៅក្នុងសេរ៉ូមប្រៃឬសូលុយស្យុងត្រុំប៊ីន(Thrombin solution) រួចបិទនៅលើផ្ទៃនៃមុខរបួសនៅលើស្បែកឬសរីរាង្គ ដើម្បីស្រូបឈាមដែលជ្រាបចេញមក ហើយឱសថនេះនឹងកករឹង។

・ករណីប្រើនៅក្នុងការទប់ស្កាត់ការស្អិតជាប់នៃជាលិកានៅក្រោយពេលវះកាត់សរសៃប្រសាទខួរក្បាល ការវះកាត់ផ្នែកទ្រូង និង ការវះកាត់ភ្នែក：

ប្រដោយជ្រលក់នៅក្នុងសេរ៉ូមប្រៃធ្វើអោយទន់ជាមុនសិន សឹមយកទៅគ្របឬស៊កចូលទៅកន្លែងដែលមានបញ្ហា។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ឡើងកន្ទួលក្រហម ពិបាកដកដង្ហើម សម្ពាធឈាមធ្លាក់ចុះ (រោគប្រតិកម្មធ្ងន់ធ្ងរ)។

- Giant Cell Granuloma

・ប្រសិទ្ធិភាពឃាត់ឈាមរបស់ឱសថនេះមិនអាចជំនួសអោយការដេរភ្ជិតមុខរបួសបានឡើយ។

・ឱសថនេះមិនមានប្រសិទ្ធិភាពសម្លាប់មេរោគនៅមុខរបួសនោះទេ ដូច្នេះ ប្រសិនបើមុខរបួសអាចមានការឆ្លងមេរោគ ត្រូវបន្ថែមការព្យាបាលអោយបានសមស្រប។

ឱសថនេះមានសកម្មភាពភ្ជាប់ទៅនឹងស្រទាប់ខាងលើនៃមុខរបួស ដើម្បីបិទភ្ជិតមុខរបួស ដោយមានប្រសិទ្ធិភាពទប់ស្កាត់ការហូរឈាមដូចទៅនឹងបណ្ដុំនៃសរសៃហ្វីប្រ៊ីន(Fibrin))ដែរ។ ម្យ៉ាងទៀត ឱសថនេះមានប្រសិទ្ធិភាពស្រូបទឹករងៃពីរបួសផងដែរ។