Lactulose

ផលិតផល: 

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • ការប្រុងប្រយ័ត្នជាពិសេស
    • សកម្មភាពឱសថ
    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

      - រោគសញ្ញានៃសារធាតុអាម៉ូញ៉ាក់កើនឡើងខ្ពស់ក្នុងឈាម(Hyperammonemia):អាការៈទាក់ទងនឹងស្មារតីឬសរសៃប្រសាទ អាការៈញ័រដៃ ភាពខុសប្រក្រតីនៃរលកខួរក្បាល។

      - ជម្រុញការបញ្ចេញលាមកឬខ្យល់ក្នុងពោះវៀន នៅក្រោយការវះកាត់ផ្នែករោគស្ត្រី។

      - អាការៈទល់លាមករបស់កុមារ

      - អាការៈទល់លាមកលក្ខណៈរ៉ាំរ៉ៃ (លើកលែងអាការៈទល់លាមកដោយសារជំងឺដែលមានបញ្ហាសរីរាង្គ)។

    • កម្រិតប្រើប្រាស់

      ថ្នាំលេប:

      ・ករណីរោគសញ្ញានៃសារធាតុអាម៉ូញ៉ាក់កើនឡើងខ្ពស់ក្នុងឈាម(Hyperammonemia):

      មនុស្សពេញវ័យ:លេប1ថ្ងៃ 19.5~39.0g (ថ្នាំទឹ65%ត្រូវនឹង30~60mL ឬ ថ្នាំប្រភេទចាហួយ40.496%ត្រូវនឹង48.1~96.2g) ដោយបែងចែកជា3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

      ・ករណីជម្រុញការបញ្ចេញលាមកឬខ្យល់ក្នុងពោះវៀន នៅក្រោយការវះកាត់ផ្នែករោគស្ត្រី:

      មនុស្សពេញវ័យ:លេប1ថ្ងៃ 19.5~39.0g (ថ្នាំទឹ65%ត្រូវនឹង30~60mL ឬ ថ្នាំប្រភេទចាហួយ40.496%ត្រូវនឹង48.1~96.2g) ដោយបែងចែកជា2ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

      ・ករណីអាការៈទល់លាមករបស់កុមារ:

      កុមារ:លេប1ថ្ងៃ 0.33~1.3g/kg (ថ្នាំទឹ65%ត្រូវនឹង0.5~2mL/kg) ដោយបែងចែកជា3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមស្ថានភាពនៃការបន្ទោរបង់។

      ・ករណីអាការៈទល់លាមកលក្ខណៈរ៉ាំរ៉ៃ (លើកលែងអាការៈទល់លាមកដោយសារជំងឺដែលមានបញ្ហាសរីរាង្គ):

      មនុស្សពេញវ័យ:លេប1ដង13g 1ថ្ងៃ2ដង។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា ប៉ុន្តែ កម្រិតអតិបរមាប្រើក្នុង1ថ្ងៃគឺ39g។

    • ហាមប្រើ

      ・អ្នកដែលមានរោគសញ្ញានៃការកើនឡើងសារធាតុហ្កាឡាតូសក្នុងឈាម(Galactosemia)។

    • ផលរំខាន

      ផលរំខានរួមមាន រាករូស ចង់ក្អួត ក្អួត ឈឺពោះ ។ល។

    • អន្តរប្រតិកម្ម

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថប្រភេទα-glucosidase inhibitor (ឱសថAcarbose) - អាចធ្វើអោយកើតមានផលរំខានទាក់ទងនឹងប្រដាប់រំលាយអាហារ។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

    • ការប្រុងប្រយ័ត្នជាពិសេស

      ・ប្រសិនបើរោគសញ្ញាខួរក្បាលបណ្ដាលមកពីបញ្ហាថ្លើម(Hepatic encephalopathy)បាននិងកំពុងកើតឡើងហើយនោះ ត្រូវប្រើឱសថជាទម្រង់ចាក់បញ្ចូលតាមពោះវៀន។ មិនគួរប្រើរួមជាមួយឱសថNeomycinនិងឱសថKanamycinនោះទេ។

    • សកម្មភាពឱសថ

      ឱសថនេះនឹងបំលែងទៅជាអាស៊ីតសរីរាង្គ (អាស៊ីតឡាក់តិច(Lactic acid) អាស៊ីតអាសេទិច(Acetic acid) ជាដើម)នៅក្នុងពោះវៀន ធ្វើអោយpHនៅក្នុងពោះវៀនចុះទាប ដើម្បីទប់ស្កាត់ការផលិតនិងការស្រូបសារធាតុអាម៉ូញ៉ាក់ពីក្នុងពោះវៀន។ ជាលទ្ធផល កំហាប់អាម៉ូញ៉ាក់ក្នុងឈាមក៏ថយចុះ។ ម្យ៉ាងទៀត អាស៊ីតសរីរាង្គទាំងនេះក៏មានសកម្មភាពជម្រុញចលនានៃពោះវៀនផងដែរ។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp