Letrozole

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • ការប្រុងប្រយ័ត្នជាពិសេស
    • សកម្មភាពឱសថ
    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលជំងឺមហារីកសុដន់ចំពោះស្ត្រីអស់រដូវ។

    • កម្រិតប្រើប្រាស់

      ថ្នាំលេប:

      ជាទូទៅ មនុស្សពេញវ័យ លេប1ថ្ងៃ1ដង2.5mg។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

      ・ស្ត្រីដែលកំពុងបំបៅដោះកូន។

    • ផលរំខាន

      ផលរំខានរួមមាន ឈឺសន្លាក់ ក្ដៅច្រាល ឡើងកន្ទួលក្រហម ឈឺក្បាល ចង់ក្អួត រមាស់ វិលមុខ ងងុយគេង។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - ពិបាកដកដង្ហើម ថប់ទ្រូងខ្លាំង ស្ពឹកដៃជើងនិងមុខ (ជំងឺស្ទះកំណកឈាមក្នុងសួត ជំងឺស្ទះសរសៃឈាមក្នុងបេះដូងឬខួរក្បាល)

      - ហើមនិងឈឺនៅតាមជើង (ជំងឺស្ទះកំណកឈាមនៅសរសៃឈាមអាកទែរ ជំងឺរលាកសរសៃវ៉ែនដោយមានកំណកឈាម)

      - ពិបាកដកដង្ហើម ឈឺទ្រូង អារម្មណ៍ថប់ក្នុងទ្រូង (មុខងារបេះដូងចុះខ្សោយ ជំងឺត្បៀតសរសៃឈាម)

      - ក្តៅខ្លួន ស្បែកឡើងក្រហម ឈឺសន្លាក់ (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome) ជាដើម)

      - ភ្នែកនិងស្បែកប្រែពណ៌លឿង អស់កម្លាំង បាត់បង់ចំណង់អាហារ(មុខងារថ្លើមថយចុះ ខាន់លឿង)។

    • អន្តរប្រតិកម្ម

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថដែលទប់ស្កាត់សកម្មភាពCYP2A6 (Methoxsalen ជាដើម) - អាចធ្វើអោយកំហាប់ក្នុងឈាមនៃLetrozoleកើនឡើង។

      ・ឱសថដែលទប់ស្កាត់សកម្មភាពCYP3A4 (ឱសថប្រឆាំងមេរោគផ្សិតប្រភេទAzole ជាដើម) - អាចធ្វើអោយកំហាប់ក្នុងឈាមនៃLetrozoleកើនឡើង។

      ・ឱសថដែលជម្រុញសកម្មភាពCYP3A4 (Tamoxifen, Rifampicin ជាដើម) - អាចធ្វើអោយកំហាប់ក្នុងឈាមនៃLetrozoleថយចុះ។

    • ស្ត្រីមានផ្ទៃពោះ និង ស្ត្រីបំបៅដោះកូន

      ឱសថនេះប្រើនៅក្នុងការព្យាបាលជំងឺមហារីកសុដន់ចំពោះស្ត្រីអស់រដូវតែប៉ុណ្ណោះ ដូច្នេះ មិនមានទិន្នន័យគ្រប់គ្រាន់បញ្ជាក់អំពីសុវត្ថិភាពនៅក្នុងការប្រើឱសថនេះចំពោះស្ត្រីមានផ្ទៃពោះឬស្ត្រីបំបៅដោះកូននោះទេ។ សម្រាប់ស្ត្រីបំបៅដោះកូន ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

    • ការប្រុងប្រយ័ត្នជាពិសេស

      ・ឱសថនេះអាចផ្ដល់ផលរំខាន ដូចជា ងងុយគេង អស់កម្លាំង វិលមុខ ជាដើម ដូច្នេះ ក្នុងអំឡុងពេលប្រើប្រាស់ឱសថនេះ គួរចៀសវាងការបើកបរឬបញ្ជាម៉ាស៊ីនដែលមានគ្រោះថ្នាក់។

    • សកម្មភាពឱសថ

      ឱសថនេះមានប្រសិទ្ធិភាពបង្អាក់សកម្មភាពរបស់អង់ស៊ីមAromatase ដែលជាអង់ស៊ីមមានតួនាទីបំលែងអរម៉ូនAndrogenទៅជាអរម៉ូនEstrogenនៅក្នុងរាងកាយ។ អរម៉ូនEstrogenមានឥទ្ធិពលទៅលើជំងឺមហារីកសុដន់ ដោយអរម៉ូននេះនឹងជម្រុញការបំបែកខ្លួន(ការកើនចំនួន)នៃកោសិកាមហារីក។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp