Magnesium citrate

ជាទូទៅ ឱសថនេះប្រើនៅក្នុងបម្រើបម្រាស់ដូចខាងក្រោម៖

- សម្អាតពោះវៀននៅមុនពេលធ្វើការពិនិត្យពោះវៀនធំ (ការថតកាំរស្មីអ៊ិច ឬ អង់ដូស្កូប)។

- បញ្ចុះលាមកនៅមុនពេលធ្វើការវះកាត់នៅផ្នែកពោះ។

ករណីថ្នាំលេប ទម្រង់ជាថ្នាំទឹក：

ជាទូទៅ សូលុយស្យុង250mL រួមមាន Magnesium citrate 34g។

・ករណីសម្អាតពោះវៀននៅមុនពេលធ្វើការពិនិត្យពោះវៀនធំដោយការថតកាំរស្មីអ៊ិច និង នៅមុនពេលធ្វើការវះកាត់នៅផ្នែកពោះ：

＜ប្រើជាសូលុយស្យុងអ៊ីពែតូនិច(Hypertonic solution)＞

ពិសារ1ដង27～34g (200～250mL) នៅ10～15ម៉ោងមុនពេលអនុវត្តការពិនិត្យ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីសម្អាតពោះវៀននៅមុនពេលធ្វើការពិនិត្យពោះវៀនធំដោយប្រើអង់ដូស្កូប：

＜ប្រើជាសូលុយស្យុងអ៊ីពែតូនិច(Hypertonic solution)＞

ពិសារ1ដង27～34g (200～250mL) នៅ10～15ម៉ោងមុនពេលអនុវត្តការពិនិត្យ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

＜ប្រើជាសូលុយស្យុងអ៊ីសូតូនិច(Isotonic solution)＞

ប្រើដោយលាយឱសថនេះ68g (500mL) នៅក្នុងទឹក អោយបានចំណុះ1800mL។ មនុស្សពេញវ័យ ពិសារសូលុយស្យុងនេះ 1ដង1800mL ដោយពិសារម្ដង200mL រហូតអស់ក្នុងរយៈពេល1ម៉ោង អោយបានយ៉ាងហោចណាស់4ម៉ោងមុនពេលអនុវត្តការពិនិត្យ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ មិនត្រូវប្រើលើសពី2400mLនោះទេ។

ករណីថ្នាំលេប ទម្រង់ជាថ្នាំម្សៅ：

ជាទូទៅ ថ្នាំម្សៅ50g រួមមាន Magnesium citrate 34g។

・ករណីសម្អាតពោះវៀននៅមុនពេលធ្វើការពិនិត្យពោះវៀនធំដោយការថតកាំរស្មីអ៊ិច និង នៅមុនពេលធ្វើការវះកាត់នៅផ្នែកពោះ：

＜ប្រើជាសូលុយស្យុងអ៊ីពែតូនិច(Hypertonic solution)＞

លាយឱសថនេះក្នុងកម្រិត34g (ថ្នាំម្សៅត្រូវនឹង50g) នៅក្នុងទឹក អោយបានចំណុះសរុប180mL។ មនុស្សពេញវ័យ ពិសារសូលុយស្យុងនេះ1ដង144～180mL នៅ10～15ម៉ោងមុនពេលអនុវត្តការពិនិត្យ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីសម្អាតពោះវៀននៅមុនពេលធ្វើការពិនិត្យពោះវៀនធំដោយប្រើអង់ដូស្កូប：

＜ប្រើជាសូលុយស្យុងអ៊ីពែតូនិច(Hypertonic solution)＞

លាយឱសថនេះក្នុងកម្រិត34g (ថ្នាំម្សៅត្រូវនឹង50g) នៅក្នុងទឹក អោយបានចំណុះសរុប180mL។ មនុស្សពេញវ័យ ពិសារសូលុយស្យុងនេះ1ដង144～180mL នៅ10～15ម៉ោងមុនពេលអនុវត្តការពិនិត្យ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

＜ប្រើជាសូលុយស្យុងអ៊ីសូតូនិច(Isotonic solution)＞

លាយឱសថនេះក្នុងកម្រិត68g (ថ្នាំម្សៅត្រូវនឹង100g) នៅក្នុងទឹក អោយបានចំណុះសរុប1800mL។ មនុស្សពេញវ័យ ពិសារសូលុយស្យុងនេះ 1ដង1800mL ដោយពិសារម្ដង200mL រហូតអស់ក្នុងរយៈពេល1ម៉ោង អោយបានយ៉ាងហោចណាស់4ម៉ោងមុនពេលអនុវត្តការពិនិត្យ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ មិនត្រូវប្រើលើសពី2400mLនោះទេ។

・អ្នកដែលកំពុងមានឬសង្ស័យថាមានអាការៈស្ទះនៅប្រដាប់រំលាយអាហារ។

・អ្នកដែលមានអាការៈលាមករឹងកម្រិតធ្ងន់ធ្ងរ។

・អ្នកដែលសង្ស័យថាមានបណ្ដុំរោគសញ្ញាពោះលក្ខណៈស្រួចស្រាវ(Acute abdomen)។

・អ្នកដែលមានបញ្ហាតម្រងនោម។

・អ្នកដែលមានអាការៈពោះវៀនធំរីកប៉ោងលក្ខណៈពុល(Toxic megacolon)។

ផលរំខានរួមមាន ហើមពោះ ឈឺពោះ ចង់ក្អួត ក្អួត អស់កម្លាំង វិលមុខ ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ឈឺពោះ ហើមពោះ ក្អួតចង្អោរ (ស្ទះពោះវៀន ធ្លាយពោះវៀន)

- ឈឺពោះ លាមកមានឈាម ក្អួតចង្អោរ (រលាកពោះវៀនធំដោយសារបញ្ហាចរន្តឈាម)

- ជីពចរខ្សោយ សាច់ដុំមិនសូវមានកម្លាំង ស្មារតីដឹងខ្លួនធ្លាក់ចុះ (រោគសញ្ញានៃការកើនឡើងកម្រិតម៉ាញ៉េស្យូមក្នុងឈាម)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថប្រឆាំងបាក់តេរីប្រភេទTetracycline(Minocycline, Doxycycline, Tetracyclineជាដើម), ឱសថប្រឆាំងបាក់តេរីប្រភេទNew quinolone(Enoxacin hydrate, Norfloxacin, Ofloxacin ជាដើម) - អាចធ្វើអោយការស្រូបនៃសារធាតុឱសថទាំងនេះថយចុះក៏ដូចជាប្រសិទ្ធិភាពនៃឱសថទាំងនេះ។ ដូច្នេះ គួរចៀសវាងប្រើប្រាស់ឱសថទាំងនេះក្នុងពេលតែមួយ។

・ឱសថដែលមានលក្ខណៈអាស៊ីត(Salicylic acid ជាដើម) - អាចធ្វើអោយប្រសិទ្ធិភាពនៃឱសថទាំងនេះថយចុះ។

・ឱសថដែលមានលក្ខណៈបាស(Methamphetamine ជាដើម) - អាចធ្វើអោយប្រសិទ្ធិភាពនៃឱសថទាំងនេះកើនឡើង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនគួរប្រើប្រាស់ឱសថនេះទេ ព្រោះអាចធ្វើអោយស្បូនកន្ត្រាក់និងរលូតកូនក្នុងផ្ទៃ។

・ដោយសារឱសថនេះមានផ្ទុកសារធាតុម៉ាញ៉េស្យូមច្រើន គេប្រើវានៅក្នុងការពិនិត្យឬការវះកាត់ប៉ុណ្ណោះ។

ឱសថនេះជាប្រភេទអំបិលម៉ាញ៉េស្យូម ដោយស្រូបយកជាតិទឹកចូលទៅក្នុងពោះវៀនធំ ធ្វើអោយរីកមាឌ ដើម្បីជម្រុញចលនាពោះវៀនធំក្នុងការបញ្ចេញលាមក។