Milnacipran hydrochloride

ជាទូទៅ ឱសថនេះប្រើនៅក្នុងការព្យាបាលជំងឺឬអាការៈបាក់ទឹកចិត្ត (Depression)។

ថ្នាំលេប：

- មនុស្សពេញវ័យ：ចាប់ផ្ដើមលេបពីកម្រិត1ថ្ងៃ25mg បែងចែកជា2～3ដងក្នុង1ថ្ងៃ ក្រោយបរិភោគអាហារ។ អាចបង្កើនកម្រិតបន្តិចម្ដងៗរហូតដល់1ថ្ងៃ 100mg បែងចែកជា2～3ដងក្នុង1ថ្ងៃ ក្រោយបរិភោគអាហារ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

- មនុស្សចាស់：ចាប់ផ្ដើមលេបពីកម្រិត1ថ្ងៃ25mg បែងចែកជា2～3ដងក្នុង1ថ្ងៃ ក្រោយបរិភោគអាហារ និង អាចបង្កើនកម្រិតបន្តិចម្ដងៗរហូតដល់1ថ្ងៃ 60mg បែងចែកជា2～3ដងក្នុង1ថ្ងៃ ក្រោយបរិភោគអាហារ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលកំពុងប្រើប្រាស់ឱសថប្រភេទMonoamine oxidase inhibitors (Selegiline hydrochloride)។

・អ្នកដែលមានអាការៈស្ទះផ្លូវទឹកនោម (ជំងឺទាក់ទងនឹងក្រពេញប្រូស្តាត ជាដើម)។

ផលរំខានរួមមាន ចង់ក្អួត ក្អួត ងងុយគេង ពិបាកនោម ទល់លាមក ឈឺពោះ ឈឺក្បាល ជីពចរដើរលឿន ស្ងួតក ឡើងកន្ទួលក្រហម រមាស់ស្បែក។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ក្ដៅខ្លួនភ្លាមៗ ពិបាកលេប រឹងសាច់ដុំ ជីពចរដើរលឿន(Syndrome malin)

- អារម្មណ៍មិនស្ងប់ ស្មារតីកើនឡើងខ្ពស់ ក្ដៅខ្លួន បែកញើស (បណ្ដុំរោគសញ្ញាសេរ៉ូតូនីន(Serotonin syndrome))

- ក្ដៅខ្លួនខ្លាំង ពងទឹកលើស្បែក រលាត់ភ្នាសនៅភ្នែកឬមាត់ (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome ឬ StevensJohnson syndrome)

- សាច់ដុំកន្ត្រាក់ កើនទម្ងន់ភ្លាមៗដោយមិនមានអាការៈហើម បាត់បង់ស្មារតី (SIADH)

- ឈឺក្បាល ដង្ហក់ ឈាមច្រមុះ អារម្មណ៍មិននឹងនរ (វិបត្តិនៃការកើនឡើងសម្ពាធឈាមខ្ពស់(Hypertensive crisis))។

・ឱសថប្រភេទMonoamine oxidase inhibitors ((Selegiline hydrochloride) - អាចធ្វើអោយកើតមានអាការៈបែកញើស នៅមិនស្ងៀម សាច់ដុំកន្ត្រាក់ពេញខ្លួន ក្ដៅខ្លួន បាត់បង់ស្មារតី ជាដើម។ ដូច្នេះ ហាមប្រើរួមគ្នា ដោយគួរទុកគម្លាតពីគ្នាយ៉ាងហោចណាស់14ថ្ងៃ ក្នុងករណីប្រើឱសថMilnacipranចំពោះអ្នកជំងឺដែលបានទទួលឱសថប្រភេទMonoamine oxidase inhibitors។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・គ្រឿងស្រវឹង - អាចបង្កើនសកម្មភាពឱសថព្យាបាលជំងឺបាក់ទឹកចិត្ត។

・ឱសថដែលមានសកម្មភាពទប់ស្កាត់ប្រព័ន្ធសរសៃប្រសាទ(ឱសថប្រភេទBarbiturates ជាដើម) - អាចធ្វើអោយសកម្មភាពនៃឱសថទាំងសងខាងកើនឡើង។

・ឱសថបញ្ចុះសម្ពាធឈាម(ឱសថClonidine hydrochloride ជាដើម) - អាចធ្វើអោយប្រសិទ្ធិភាពនៃឱសថបញ្ចុះសម្ពាធឈាមថយចុះ។

・ឱសថLithium carbonate - អាចធ្វើអោយសកម្មភាពនៃសេរ៉ូតូនីនកើនឡើង បង្កជាបណ្ដុំរោគសញ្ញាសេរ៉ូតូនីន ជាដើម។

・ឱសថប្រភេទTriptan (Sumatriptan ជាដើម) - អាចធ្វើអោយប៉ះពាល់ដល់សម្ពាធឈាមឬសរសៃឈាមបេះដូង។

・ឱសថMethylthioninium chloride hydrate - អាចធ្វើអោយកើតមានបណ្ដុំរោគសញ្ញាសេរ៉ូតូនីន(Serotonin syndrome)។

・ឱសថDigoxin - អាចធ្វើអោយកើតមានអាការៈសម្ពាធឈាមចុះទាបនៅពេលក្រោកឈរ និង ជីពចរដើរលឿន។

・ឱសថAdrenaline, ឱសថNoradrenaline - អាចធ្វើអោយសម្ពាធឈាមកើនឡើងខ្ពស់។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・នៅក្នុងអំឡុងពេលប្រើប្រាស់ឱសថនេះ អាចធ្វើអោយកើតមានអាការៈដូចជា ងងុយគេង វិលមុខ ជាដើម ដូច្នេះ គួរចៀសវាងការបើកបររថយន្តឬបញ្ជាម៉ាស៊ីនដែលមានគ្រោះថ្នាក់។

・គ្រឿងស្រវឹងអាចធ្វើអោយសកម្មភាពឬផលរំខានរបស់ឱសថកើនឡើង ដូច្នេះ គួរចៀសវាងការពិសាគ្រឿងស្រវឹងនៅក្នុងអំឡុងពេលប្រើប្រាស់ឱសថនេះ។

・ការប្រើប្រាស់ឱសថនេះ អាចធ្វើអោយសម្ពាធឈាមកើនឡើងខ្ពស់ ដូច្នេះ អ្នកដែលមានជំងឺលើសសម្ពាធឈាមឬជំងឺបេះដូង គួរធ្វើការវាស់សម្ពាធឈាមអោយបានទៀងទាត់។

・ដោយសារឱសថនេះមានសកម្មភាពទប់ស្កាត់ការស្រូបចូលវិញនៃសារធាតុន័រអាដ្រេណាលីន ត្រូវប្រុងប្រយ័ត្ននៅពេលប្រើឱសថនេះចំពោះអ្នកដែលមានជំងឺក្លូកូម(Glaucoma)ឬជំងឺរីកក្រពេញប្រូស្តាតជាដើម។

・ឱសថនេះបង្ហាញប្រសិទ្ធិភាពលឿនជាងឱសថSSRI ហើយអាការៈធូរស្បើយក៏ច្រើន។

ឱសថនេះមានសកម្មភាពទប់ស្កាត់ការស្រូបសារធាតុន័រអាដ្រេណាលីន(Noradrenaline) និង សារធាតុសេរ៉ូតូនីន(Serotonin)ដែលបញ្ចេញទៅក្នុងស៊ីណាប់(Synapse ដែលជាចន្លោះរវាងកោសិកាសរសៃប្រសាទ)ចូលទៅក្នុងកោសិកាសរសៃប្រសាទវិញ ធ្វើអោយបរិមាណសារធាតុប្រភេទម៉ូណូអាមីនទាំងនេះកើនឡើងនៅក្នុងស៊ីណាប់។