Miriplatin hydrate

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • ស្ត្រីមានផ្ទៃពោះ និង ស្ត្រីបំបៅដោះកូន
    • ការប្រុងប្រយ័ត្នជាពិសេស
    • សកម្មភាពឱសថ
    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលជំងឺមហារីកកោសិកាថ្លើមដោយវិធីLipodorization។

    • កម្រិតប្រើប្រាស់

      ថ្នាំចាក់:

      លាយឱសថនេះ70mg នៅក្នុងទឹកសម្រាប់លាយដែលភ្ជាប់មកជាមួយឱសថនេះបរិមាណ3.5mL រួចចាក់បញ្ចូលទៅក្នុងសរសៃអាកទែរបស់ថ្លើមតាមសរសៃលួសCatheter។ បន្តបញ្ចូលឱសថនេះរហូតដល់ពេញសរសៃឈាមនៅក្នុងជាលិកាមហារីក ប៉ុន្តែ កម្រិតអតិបរមានៃការបញ្ចូលក្នុង1ដងគឺ6mL (ស្មើនឹងMiriplatin 120mg )។ ករណីត្រូវចាក់បញ្ចូលបន្តទៀត ត្រូវទុកចន្លោះរវាងការចាក់ម្ដងៗរយៈពេលយ៉ាងហោចណាស់4សប្ដាហ៍។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ ឱសថដែលមានផ្ទុកសារធាតុប្លាទីន(Pt)ឬឱសថប្រភេទអ៊ីយ៉ូត(I)ផ្សេងទៀត។

      ・អ្នកដែលមានជំងឺទាក់ទងនឹងក្រពេញទីរ៉ូអ៊ីតធ្ងន់ធ្ងរ។

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

      ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

      ・អ្នកដែលមានកម្រិតប៊ីលីរូប៊ីនក្នុងឈាមសរុប(Total bilirubin value)ចាប់ពី3mg/dLឡើងទៅ ឬ អ្នកដែលមានបញ្ហាថ្លើមកម្រិតC។

    • ផលរំខាន

      ផលរំខានរួមមាន ក្ដៅខ្លួន ក្អួតចង្អោរ ឈឺចាប់នៅកន្លែងចាក់ មិនឃ្លានអាហារ អស់កម្លាំង រងាញាក់ ឈឺខ្នង កន្ទួលក្រហមលើស្បែក ឈឺពោះ ទល់លាមក។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - ភ្នែកនិងស្បែកប្រែពណ៌លឿង អស់កម្លាំង បាត់បង់ចំណង់អាហារ (រលាកថ្លើម មុខងារថ្លើមធ្លាក់ចុះ ខាន់លឿង)

      - រងាញាក់ ក្ដៅខ្លួនខ្លាំងភ្លាមៗនិងញ័រខ្លួន ជីពចរលឿន (ជំងឺឆ្លង)

      - រោគសញ្ញាខ្វះឈាម ក្ដៅខ្លួន ងាយហូរឈាម (ប៉ះពាល់មុខងារផលិតគ្រាប់ឈាមរបស់ខួរឆ្អឹង)

      - បរិមាណទឹកនោមថយចុះ ហើមមុខនិងដៃជើង ឈឺក្បាល (មុខងារតម្រងនោមថយចុះ)

      - ឡើងកន្ទួលក្រហម ទឹកមុខស្លេកស្លាំង ហើម ពិបាកដកដង្ហើម (រោគប្រតិកម្មធ្ងន់ធ្ងរ)

      - ក្ដៅខ្លួន ក្អក ពិបាកដកដង្ហើម (ជំងឺរលាកសួតប្រភេទInterstitial pneumonia)។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើឱសថនេះទេ ព្រោះអាចប៉ះពាល់ដល់ទារកក្នុងផ្ទៃ។

      ・ស្ត្រីដែលអាចមានផ្ទៃពោះ គួរប្រើឱសថនេះក្នុងករណីចាំបាច់ប៉ុណ្ណោះ។

      ・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

    • ការប្រុងប្រយ័ត្នជាពិសេស

      ・ការប្រើឱសថនេះត្រូវស្ថិតក្រោមការគ្រប់គ្រងម៉ត់ចត់ពីវេជ្ជបណ្ឌិតដែលមានបទពិសោធន៍ច្រើនក្នុងការព្យាបាលជំងឺមហារីកដោយគីមីនិងជំងឺមហារីកកោសិកាថ្លើម។

      ・1សប្ដាហ៍បន្ទាប់ពីការប្រើឱសថនេះ អ្នកជំងឺអាចនឹងមានអាការៈក្ដៅខ្លួន។

    • សកម្មភាពឱសថ

      ឱសថនេះមានសកម្មភាពភ្ជាប់ទៅនឹងDNAនៅក្នុងកោសិកាមហារីកដោយបង្កើតសម្ព័ន្ធភ្ជាប់Pt-DNA ដើម្បីបង្អាក់ដំណើរការកើនចំនួននៃកោសិកាមហារីក។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp