Mirtazapine

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • ការប្រុងប្រយ័ត្នជាពិសេស
    • សកម្មភាពឱសថ
    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលជំងឺឬអាការៈបាក់ទឹកចិត្ត (Depression)។

    • កម្រិតប្រើប្រាស់

      ថ្នាំលេប:

      មនុស្សពេញវ័យ:ចាប់ផ្ដើមលេបពីកម្រិត1ថ្ងៃ1ដង15mg មុនពេលចូលគេង និង អាចប្រើជាប្រចាំក្នុងកម្រិត1ថ្ងៃ1ដង15~30mg មុនពេលចូលគេង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាក្នុង1ថ្ងៃគឺ45mg។ ត្រូវទុកគម្លាតយ៉ាងហោចណាស់1សប្ដាហ៍រវាងការបង្កើនកម្រិតប្រើប្រាស់ម្ដងៗ និង ត្រូវបង្កើនម្ដង15mg/ថ្ងៃ។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

      ・អ្នកដែលកំពុងប្រើប្រាស់ឬស្ថិតក្នុងអំឡុងពេល2សប្ដាហ៍បន្ទាប់ពីបញ្ឈប់ការប្រើប្រាស់ឱសថប្រភេទMonoamine oxidase inhibitors (Selegiline hydrochloride, Rasagiline mesilate)។

    • ផលរំខាន

      ផលរំខានរួមមាន ងងុយគេង ស្ងួតក អស់កម្លាំង ទល់លាមក កើនទម្ងន់ វិលមុខ ឈឺក្បាល ។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - អារម្មណ៍មិនស្ងប់ វង្វេងវង្វាន់ បែកញើស (បណ្ដុំរោគសញ្ញាសេរ៉ូតូនីន(Serotonin syndrome))

      - ក្ដៅខ្លួន ឈឺបំពង់ក ឈឺសាច់ដុំ (រោគសញ្ញានៃការថយចុះចំនួនគ្រាប់ឈាមស)

      - សាច់ដុំកន្ត្រាក់

      - អស់កម្លាំង បាត់បង់ចំណង់អាហារ ភ្នែកនិងស្បែកប្រែពណ៌លឿង (មុខងារថ្លើមមានបញ្ហា ខាន់លឿង)

      - សាច់ដុំកន្ត្រាក់ កើនទម្ងន់ភ្លាមៗដោយមិនមានអាការៈហើម បាត់បង់ស្មារតី ឈឺក្បាល (SIADH)

      - ក្ដៅខ្លួនខ្លាំង ពងទឹកលើស្បែក រលាត់ភ្នាសនៅភ្នែកឬមាត់ អស់កម្លាំង (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome ឬ StevensJohnson syndrome ជាដើម)

      - ឈឺទ្រូង មិនស្រួលក្នុងទ្រូង បេះដូងលោតញាប់ (QTនៃចង្វាក់បេះដូងអូសបន្លាយ ថតក្រោមនៃបេះដូងកន្ត្រាក់ញាប់)។

    • អន្តរប្រតិកម្ម

      ・ឱសថប្រភេទMonoamine oxidase inhibitors ((Selegiline hydrochloride) - អាចធ្វើអោយកើតមានអាការៈបែកញើស នៅមិនស្ងៀម សាច់ដុំកន្ត្រាក់ពេញខ្លួន ក្ដៅខ្លួន បាត់បង់ស្មារតី ជាដើម។ ដូច្នេះ ហាមប្រើរួមគ្នា ដោយគួរទុកគម្លាតពីគ្នាយ៉ាងហោចណាស់14ថ្ងៃ។

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថដែលទប់ស្កាត់សកម្មភាពរបស់អង់ស៊ីមCYP3A4 (ឱសថប្រឆាំងវីរុសហ៊ីវប្រភេទProtease inhibitors, ឱសថប្រឆាំងមេរោគផ្សិតប្រភេទAzole(Ketoconazole ជាដើម), ឱសថErythromycin ជាដើម) - អាចធ្វើអោយសកម្មភាពនៃMirtazapineកើនឡើង។

      ・ឱសថដែលបង្កើនសកម្មភាពរបស់អង់ស៊ីមCYP3A4 (ឱសថCarbamazepine, ឱសថPhenytoin, ឱសថRifampicin ជាដើម) - អាចធ្វើអោយសកម្មភាពនៃMirtazapineថយចុះ។

      ・ឱសថCimetidine - អាចធ្វើអោយសកម្មភាពនៃMirtazapineកើនឡើង។

      ・ឱសថរំងាប់អារម្មណ៍ (ឱសថប្រភេទBenzodiazepine ជាដើម) - អាចធ្វើអោយសកម្មភាពនៃឱសថទាំងនេះកើនឡើង។

      ・គ្រឿងស្រវឹង - អាចធ្វើអោយសកម្មភាពរំងាប់អារម្មណ៍កើនឡើង។

      ・ឱសថដែលមានសកម្មភាពភ្ញោចសេរ៉ូតូនីន (ឱសថប្រភេទSSRI, ឱសថដែលមានផ្ទុកL-Tryptophan, ឱសថប្រភេទTriptan (Sumatriptan ជាដើម), ឱសថTramadol hydrochloride, ឱសថLinezolid, ឱសថMethylthioninium chloride hydrate, ឱសថLithium carbonate, អាហារបំប៉នដែលមានផ្ទុកសារធាតុSt.John’ s Wort, ) - អាចធ្វើអោយសកម្មភាពនៃសេរ៉ូតូនីនកើនឡើង បង្កជាបណ្ដុំរោគសញ្ញាសេរ៉ូតូនីន ជាដើម។

      ・ឱសថWarfarin - អាចអូសបន្លាយរយៈពេលនៃអាការៈហូរឈាម។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

      ・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

    • ការប្រុងប្រយ័ត្នជាពិសេស

      ・នៅក្នុងអំឡុងពេលប្រើប្រាស់ឱសថនេះ អាចធ្វើអោយកើតមានអាការៈដូចជា ងងុយគេង វិលមុខ ជាដើម ដូច្នេះ គួរចៀសវាងការបើកបររថយន្តឬបញ្ជាម៉ាស៊ីនដែលមានគ្រោះថ្នាក់។

      ・គ្រឿងស្រវឹងអាចធ្វើអោយសកម្មភាពឬផលរំខានរបស់ឱសថកើនឡើង ដូច្នេះ គួរចៀសវាងការពិសាគ្រឿងស្រវឹងនៅក្នុងអំឡុងពេលប្រើប្រាស់ឱសថនេះ។

      ・ឱសថនេះបង្ហាញប្រសិទ្ធិភាពឆាប់រហ័ស ប៉ុន្តែ វាត្រូវការរយៈពេលយ៉ាងហោចណាស់24សប្ដាហ៍ដើម្បីរក្សាប្រសិទ្ធិភាពអោយមានលំនឹង។

    • សកម្មភាពឱសថ

      ឱសថនេះមានសកម្មភាពដូចខាងក្រោម៖

      - ទប់ស្កាត់ដំណើរការនៃគ្រឿងទទួលα2 ដើម្បីបង្កើនសកម្មភាពបញ្ជូនសញ្ញានៃប្រព័ន្ធសរសៃប្រសាទសេរ៉ូតូនីន(Serotonin)និងរអាដ្រេណាលីន(Noradrenaline)។

      - ទប់ស្កាត់ដំណើរការនៃគ្រឿងទទួល 5-HT2 និង 5-HT3 ដែលធ្វើអោយសកម្មភាពបញ្ជូនសញ្ញានៃប្រព័ន្ធសរសៃប្រសាទសេរ៉ូតូនីន(Serotonin) ក៏ដូចជា សកម្មភាពនៃគ្រឿងទទួល 5-HT1 កើនឡើង។

      - ជម្រុញការបញ្ចេញសារធាតុសេរ៉ូតូនីននិងសារធាតុន័រអាដ្រេណាលីន។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp