Mosapride citrate hydrate

ផលិតផល: 

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

      - អាការៈទាក់ទងនឹងប្រដាប់រំលាយអាហារដែលកើតមាននៅក្នុងជំងឺរលាកក្រពះរ៉ាំរ៉ៃ (ក្រហាយទ្រូង ចង់ក្អួត ក្អួត)

      - ប្រើជាជំនួយនៅពេលប្រើប្រាស់ឱសថលេបដើម្បីលាងសម្អាតពោះវៀន នៅមុនពេលថតកាំរស្មីXដោយចាក់បញ្ចូលសារធាតុបារ៉្យូមតាមពោះវៀន។

    • កម្រិតប្រើប្រាស់

      ថ្នាំលេប：

      ・ករណីព្យាបាលអាការៈទាក់ទងនឹងប្រដាប់រំលាយអាហារដែលកើតមាននៅក្នុងជំងឺរលាកក្រពះរ៉ាំរ៉ៃ (ក្រហាយទ្រូង ចង់ក្អួត ក្អួត)：

      មនុស្សពេញវ័យ：លេប1ថ្ងៃ15mg បែងចែកជា3ដងក្នុង1ថ្ងៃ មុនឬក្រោយបរិភោគអាហារ។

      ・ករណីប្រើជាជំនួយនៅពេលប្រើប្រាស់ឱសថលេបដើម្បីលាងសម្អាតពោះវៀន នៅមុនពេលថតកាំរស្មីXដោយចាក់បញ្ចូលសារធាតុបារ៉្យូមតាមពោះវៀន：

      មនុស្សពេញវ័យ：នៅពេលចាប់ផ្ដើមប្រើឱសថលេបដើម្បីលាងសម្អាតពោះវៀន ប្រើឱសថMosapride citrate 20mg ដោយពិសារជាមួយឱសថលាងសម្អាតពោះវៀន(ប្រហែល180mL)នោះតែម្ដង។ ក្រោយពេលលេបឱសថលាងសម្អាតពោះវៀនរួចរាល់ហើយ ត្រូវប្រើឱសថMosapride citrate 20mgទៀតដោយពិសារជាមួយទឹកបន្តិច។

    • ផលរំខាន

      ផលរំខានរួមមាន រាករូសឬទល់លាមក ស្ងួតក ឈឺពោះ អស់កម្លាំង ឡើងកន្ទួលក្រហម កន្ទាលត្រអាក ចង់ក្អួត ហើមពោះ ឈឺក្បាល។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - អស់កម្លាំង បាត់បង់ចំណង់អាហារ ភ្នែកនិងស្បែកប្រែពណ៌លឿង (មុខងារថ្លើមមានបញ្ហា ខាន់លឿង រលាកថ្លើម)។

    • អន្តរប្រតិកម្ម

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថប្រឆាំងសកម្មភាពសារធាតុAcetylcholine (Atropine sulfate hydrate, Scopolamine butylbromide, Tiquizium bromide, Timepidium bromide hydrate ជាដើម) - អាចធ្វើអោយប្រសិទ្ធិភាពនៃឱសថMosaprideថយចុះ។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

      ・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

    • សកម្មភាពឱសថ

      ឱសថនេះមានសកម្មភាពភ្ញោចគ្រឿងទទួល5-HT4 នៃសារធាតុសេរ៉ូតូនីន(Serotonin)ដែលស្ថិតនៅតាមប្រដាប់រំលាយអាហារ ធ្វើអោយការបញ្ចេញសារធាតុអាសេទីលកូលីន(Acetylcholine)កើនឡើង ដើម្បីជម្រុញចលនានៃប្រដាប់រំលាយអាហារទាំងផ្នែកខាងលើនិងផ្នែកខាងក្រោម។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល