Pentazocine hydrochloride

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • ការប្រុងប្រយ័ត្នជាពិសេស
    • សកម្មភាពឱសថ
    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការបំបាត់អាការៈឈឺចាប់ដែលកើតមាននៅក្នុងជំងឺមហារីកគ្រប់ប្រភេទ។

    • កម្រិតប្រើប្រាស់

      ថ្នាំលេប:

      មនុស្សពេញវ័យ:លេប1ដង25~50mg (Pentazocine)។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ ករណីត្រូវប្រើឱសថនេះម្ដងទៀត ត្រូវទុកគម្លាតរយៈពេល3~5ម៉ោង។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថPentazocine ឬ ឱសថNaloxone។

      ・អ្នកដែលមានរបួសផ្នែកក្បាល ឬ អ្នកដែលកំពុងមានអាការៈឡើងសម្ពាធក្នុងក្បាល។

      ・អ្នកដែលកំពុងមានបញ្ហាផ្នែកប្រព័ន្ធដំណកដង្ហើមធ្ងន់ធ្ងរ ឬ អ្នកដែលកំពុងស្ថិតក្នុងស្ថានភាពរាងកាយចុះខ្សោយធ្ងន់ធ្ងរ។

    • ផលរំខាន

      ផលរំខានរួមមាន ចង់ក្អួត ក្អួត វិលមុខ បែកញើស ងងុយគេង ឡើងកន្ទួលក្រហម ។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - ទឹកមុខស្លេកខៀវ បែកញើស ងងឹតមុខពេលក្រោកឈរ (រោគប្រតិកម្មធ្ងន់ធ្ងរ)

      - ពិបាកដកដង្ហើម (ប៉ះពាល់ប្រព័ន្ធដំណកដង្ហើម)

      - មិនអាចបញ្ឈប់ការប្រើប្រាស់ឱសថបាន (រោគសញ្ញាញៀនឱសថ)

      - ឈឺបំពង់ក ឈឺក្បាល ឈឺសាច់ដុំ (រោគសញ្ញានៃការថយចុះចំនួនគ្រាប់ឈាមសប្រភេទAgranulocytosis)។

    • អន្តរប្រតិកម្ម

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថMorphine - អាចធ្វើអោយសកម្មភាពនៃPentazocineកើនឡើង។

      ・ឱសថបំបាត់ការឈឺចាប់តាមប្រព័ន្ធប្រសាទកណ្ដាល(Buprenorphine hydrochloride, Eptazocine hydrobromide, Butorphanol tartrate ជាដើម), ឱសថប្រភេទBenzodiazepineនិងឱសថរំងាប់អារម្មណ៍ផ្សេងទៀត (Diazepam, Nitrazepam, Medazepam ជាដើម), ឱសថប្រភេទBarbiturate (Phenobarbital ជាដើម), គ្រឿងស្រវឹង - អាចធ្វើអោយសកម្មភាពនៃPentazocineកើនឡើង។

      ・ឱសថព្យាបាលជំងឺបាក់ទឹកចិត្តដែលមានសកម្មភាពភ្ញោចសរសៃប្រសាទសេរ៉ូតូនីន (Amitriptyline hydrochloride, Safrazine hydrochloride ជាដើម) - អាចធ្វើអោយសកម្មភាពនៃឱសថទាំងនេះកើនឡើង ធ្វើអោយកើតមានអាការៈដូចជា អារម្មណ៍មិនស្ងប់ ចង់ក្អួត បែកញើស ជាដើម។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

    • ការប្រុងប្រយ័ត្នជាពិសេស

      ・នៅក្នុងអំឡុងពេលប្រើប្រាស់ឱសថនេះ អាចធ្វើអោយកើតមានអាការៈដូចជា ងងុយគេង វិលមុខ ជាដើម ដូច្នេះ គួរចៀសវាងការបើកបររថយន្តឬបញ្ជាម៉ាស៊ីនដែលមានគ្រោះថ្នាក់។

      ・គ្រឿងស្រវឹងអាចធ្វើអោយកើតមានផលរំខានពីឱសថនេះ ដូច្នេះ គួរចៀសវាងការពិសាគ្រឿងស្រវឹងនៅក្នុងអំឡុងពេលប្រើប្រាស់ឱសថនេះ។

    • សកម្មភាពឱសថ

      ឱសថនេះមានសកម្មភាពទប់ស្កាត់គន្លងនៃការបញ្ជូនសញ្ញាភ្ញោចនៃប្រព័ន្ធប្រសាទកណ្ដាល ដើម្បីបំបាត់អាការៈឈឺចាប់។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp