Pethidine hydrochloride

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ

    • ប្រសិទ្ធិភាពព្យាបាល

      ករណីថ្នាំលេប：

      ជាទូទៅ ឱសថនេះប្រើនៅក្នុងការបំបាត់អាការៈឈឺចាប់ អាការៈកន្ត្រាក់ និង រំងាប់អារម្មណ៍នៅពេលកើតមានអាការៈឈឺចាប់ខ្លាំង។

      ករណីថ្នាំចាក់：

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

      - បំបាត់អាការៈឈឺចាប់ អាការៈកន្ត្រាក់ និង រំងាប់អារម្មណ៍នៅពេលកើតមានអាការៈឈឺចាប់ខ្លាំង

      - បំបាត់អាការៈឈឺចាប់នៅពេលសម្រាលកូន

      - ប្រើនៅមុនពេលអនុវត្តការសណ្ដំ

      - ប្រើជាជំនួយនៅក្នុងការអនុវត្តការសណ្ដំ។

    • កម្រិតប្រើប្រាស់

      ករណីថ្នាំលេប：

      មនុស្សពេញវ័យ：លេប1ដង50mg 1ថ្ងៃ150mg ដោយអាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

      ករណីថ្នាំចាក់：

      ・ករណីប្រើនៅក្នុងការបំបាត់អាការៈឈឺចាប់ អាការៈកន្ត្រាក់ និង រំងាប់អារម្មណ៍នៅពេលកើតមានអាការៈឈឺចាប់ខ្លាំង:

      មនុស្សពេញវ័យ ប្រើក្នុងកម្រិត 1ដង35~50mg ដោយចាក់ក្រោមស្បែកឬចាក់ក្នុងសាច់ដុំ។ ប្រសិនបើចាំបាច់ អាចចាក់បន្ថែមទៀតនៅរៀងរាល់3~4ម៉ោង។ ករណីត្រូវការប្រសិទ្ធិភាពជាបន្ទាន់ អាចចាក់បញ្ចូលក្នុងសរសៃវ៉ែនដោយយឺតៗ។

      ・ករណីប្រើនៅមុនពេលអនុវត្តការសណ្ដំ:

      មនុស្សពេញវ័យ ប្រើក្នុងកម្រិត 50~100mg ដោយចាក់ក្រោមស្បែកឬចាក់ក្នុងសាច់ដុំ នៅ30~90នាទីមុនពេលអនុវត្តការសណ្ដំ។

      ・ករណីប្រើជាជំនួយនៅក្នុងការអនុវត្តការសណ្ដំ:

      ជាទូទៅ ប្រើឱសថនេះដោយពង្រាវជាមួយសេរ៉ូមគ្លុយកូស5%ឬសេរ៉ូមប្រៃ(Saline) ដើម្បីបានជាសូលុយស្យុងឱសថកំហាប់10mg/mL។ រួចចាក់បញ្ចូលឱសថនេះក្នុងកម្រិតម្ដង10~15mg។ អាចបង្កើនកម្រិតប្រើប្រាស់រហូតដល់50mg។

      ・ករណីប្រើនៅក្នុងការបំបាត់អាការៈឈឺចាប់នៅពេលសម្រាលកូន:

      ជាទូទៅ នៅពេលមាត់ស្បូនបើកបានប្រវែង2ម្រាមដៃឬបើកពេញលេញ ប្រើឱសថនេះក្នុងកម្រិត 70~100mg ដោយចាក់ក្រោមស្បែកឬចាក់ក្នុងសាច់ដុំ។ ប្រសិនបើចាំបាច់ អាចចាក់បន្ថែមទៀតក្នុងកម្រិត35~70mgនៅរៀងរាល់3~4ម៉ោងចំនួន1~2ដង។ ក្នុងករណីនេះ ដើម្បីបង្ការកុំអោយប៉ះពាល់ដល់ដំណកដង្ហើមរបស់ម្ដាយនិងទារក គួរប្រើឱសថនេះដោយលាយជាមួយឱសថLevallorphan tartrate ក្នុងអត្រា Pethidine hydrochloride100mg:Levallorphan tartrate1mg។

    • ហាមប្រើ

      ・អ្នកដែលមានរោគសញ្ញាចុះខ្សោយដំណកដង្ហើមកម្រិតធ្ងន់ធ្ងរ។

      ・អ្នកដែលមានបញ្ហាថ្លើមកម្រិតធ្ងន់ធ្ងរ។

      ・អ្នកដែលមានរោគសញ្ញាចុះខ្សោយមុខងារបេះដូងបន្តពីការកើតមានជំងឺសួតលក្ខណៈរ៉ាំរ៉ៃ។

      ・អ្នកដែលស្ថិតក្នុងអាការៈសាច់ដុំកន្ត្រាក់ (រួមមាន Status epilepticus, Tetanus, Strychnine poisoning)។

      ・អ្នកដែលកំពុងមានអាការៈពុលស្រាលក្ខណៈស្រួចស្រាវ។

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

      ・អ្នកដែលកំពុងប្រើប្រាស់ឱសថប្រភេទទប់ស្កាត់អង់ស៊ីមMAO។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល