Phenobarbital sodium

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- អាការៈកន្ត្រាក់សាច់ដុំចំពោះទារកទើបកើត

- អាការៈកន្ត្រាក់សាច់ដុំបន្តបន្ទាប់ (Status epilepticus)។

ករណីថ្នាំសុលតាមទ្វារធំ：

ជាទូទៅ ឱសថនេះប្រើចំពោះកុមារនៅក្នុងការព្យាបាលដូចខាងក្រោម៖

- អាការៈគេងមិនលក់

- អាការៈភ័យនិងអារម្មណ៍មិនស្ងប់ (ករណីចាំបាច់បន្ទាន់ប៉ុណ្ណោះ)

- អាការៈកន្ត្រាក់សាច់ដុំដោយសារជំងឺក្ដៅខ្លួនឬដែលកើតមាននៅក្នុងជំងឺប្រកាច់។

ករណីថ្នាំចាក់：

・អាការៈកន្ត្រាក់សាច់ដុំចំពោះទារកទើបកើត：

នៅលើកដំបូង ប្រើ20mg/kg ចាក់តាមសរសៃវ៉ែន។ ករណីមិនអាចគ្រប់គ្រងអាការៈបាន អាចចាក់បន្ថែមតាមសរសៃវ៉ែនក្នុងកម្រិតមិនអោយលើសពីកម្រិតប្រើលើកដំបូងនោះទេ។ សម្រាប់ការប្រើជាប្រចាំ ប្រើ1ថ្ងៃ1ដង2.5～5mg/kg ចាក់តាមសរសៃវ៉ែន។ ត្រូវចាក់ដោយយឺតៗ (5～10នាទី ឬ យឺតជាងនេះ)។

・អាការៈកន្ត្រាក់សាច់ដុំបន្តបន្ទាប់ (Status epilepticus)：

ប្រើក្នុងកម្រិត1ថ្ងៃ1ដង15～20mg/kg ចាក់តាមសរសៃវ៉ែនដោយយឺតៗ (យ៉ាងហោចណាស់10នាទី)។

ករណីថ្នាំសុលតាមទ្វារធំ：

កុមារ：ប្រើ1ថ្ងៃ4～7mg/kg សុលតាមទ្វារធំ។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញានិងគោលដៅនៃការប្រើប្រាស់។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះឬឱសថប្រភេទBarbiturate។

・អ្នកដែលមានជំងឺប៉ូហ្វីរីនប្រភេទAcute intermittent porphyria។

・អ្នកដែលកំពុងប្រើប្រាស់ឱសថដូចខាងក្រោម៖ Voriconazole, Tadalafil, Asunaprevir, Daclatasvir, Macitentan, Elbasvir, Grazoprevir, Ticagrelor, Artemether/Lumefantrine, Daclatasvir/Asunaprevir/Beclabuvir, Darunavir/Cobicistat, Rilpivirine, Rilpivirine/Tenofovir disoproxil/Emtricitabine, Rilpivirine/Tenofovir alafenamide/Emtricitabine, Bictegravir/Emtricitabine/Tenofovir alafenamide, Elvitegravir/Cobicistat/Emtricitabine/Tenofovir disoproxil, Elvitegravir/Cobicistat/Emtricitabine/Tenofovir alafenamide fumarate, Sofosbuvir/Velpatasvir, Dolutegravir/Rilpivirine។

ឈឺក្បាល វិលមុខ អស់កម្លាំង ចង់ក្អួត ប៉ះពាល់ក្រពះពោះវៀន ។ល។ នៅពេលប្រើក្នុងកម្រិតខ្ពស់ អាចធ្វើអោយប៉ះពាល់ដល់មុខងារដកដង្ហើម សម្ពាធឈាមចុះទាប ។ល។

・ឱសថនេះអាចបង្កើនសកម្មភាពនៃអង់ស៊ីមដែលធ្វើប្រតិកម្មទៅលើឱសថមួយចំនួន ធ្វើអោយប្រសិទ្ធិភាពនៃឱសថទាំងនោះថយចុះ។

・ជាប្រភេទឱសថដែលសកម្មភាពឱសថមានរយៈពេលវែង។

ទប់ស្កាត់សកម្មភាពនៃប្រព័ន្ធសរសៃប្រសាទកណ្ដាល។