Pramipexole hydrochloride hydrate

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជំងឺប៉ាឃីនសុន(Parkinson's disease)

- ជំងឺចលនាជើងនៅមិនស្ងៀម(Restless legs syndrome, RLS)ពីកម្រិតមធ្យមដល់កម្រិតធ្ងន់ធ្ងរ។

ថ្នាំលេប：

＜ប្រភេទរយៈពេលសកម្មភាពធម្មតា＞

・ករណីជំងឺប៉ាឃីនសុន(Parkinson's disease)：

មនុស្សពេញវ័យ：ចាប់ផ្ដើមលេបពីកម្រិត1ថ្ងៃ0.25mg ក្រោយបរិភោគអាហារ រយៈពេល1សប្ដាហ៍។ នៅសប្ដាហ៍ទី2 លេប1ថ្ងៃ0.5mg។ បន្ទាប់ពីនោះ អាចបង្កើនកម្រិតម្ដង0.5mg/ថ្ងៃ រៀងរាល់1សប្ដាហ៍ ដើម្បីកំណត់កម្រិតដែលអាចប្រើជាប្រចាំបាន (ជាទូទៅគឺ1ថ្ងៃ 1.5～4.5mg)។ ករណីកម្រិតប្រើក្នុង1ថ្ងៃក្រោម1.5mg ត្រូវបែងចែកជា2ដងគឺក្រោយអាហារពេលព្រឹកនិងអាហារពេលល្ងាច។ ករណីកម្រិតប្រើក្នុង1ថ្ងៃចាប់ពី1.5mgឡើងទៅ ត្រូវបែងចែកជា3ដង លេបក្រោយបរិភោគអាហារ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ថ្ងៃគឺ4.5mg។

・ករណីជំងឺចលនាជើងនៅមិនស្ងៀម(Restless legs syndrome, RLS)ពីកម្រិតមធ្យមដល់កម្រិតធ្ងន់ធ្ងរ：

មនុស្សពេញវ័យ：ជាទូទៅ លេប1ថ្ងៃ1ដង 0.25mg នៅ2～3ម៉ោងមុនពេលចូលគេង។ ចាប់ផ្ដើមលេបពីកម្រិត1ថ្ងៃ0.125mgទៅ និង អាចបង្កើនកម្រិតទៅតាមរោគសញ្ញា ប៉ុន្តែ មិនត្រូវប្រើលើសពីកម្រិត1ថ្ងៃ0.75mgនោះទេ។ ម្យ៉ាងទៀត ត្រូវទុកគម្លាតរយៈពេលយ៉ាងហោចណាស់1សប្ដាស៍សម្រាប់ការបង្កើនកម្រិតម្ដងៗ។

＜ប្រភេទរយៈពេលសកម្មភាពវែង (LA)＞

・ករណីជំងឺប៉ាឃីនសុន(Parkinson's disease)：

មនុស្សពេញវ័យ：ចាប់ផ្ដើមលេបពីកម្រិត1ថ្ងៃ1ដង0.375mg ក្រោយបរិភោគអាហារ រយៈពេល1សប្ដាហ៍។ នៅសប្ដាហ៍ទី2 លេប1ថ្ងៃ1ដង 0.75mg។ បន្ទាប់ពីនោះ អាចបង្កើនកម្រិតម្ដង0.75mg/ថ្ងៃ រៀងរាល់1សប្ដាហ៍ ដើម្បីកំណត់កម្រិតដែលអាចប្រើជាប្រចាំបាន (ជាទូទៅគឺ1ថ្ងៃ1ដង 1.5～4.5mg ក្រោយបរិភោគអាហារ)។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ថ្ងៃគឺ4.5mg។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានបញ្ហាមុខងារតម្រងនោមកម្រិតធ្ងន់ធ្ងរ (កម្រិតCreatinine clearance ក្រោម30mL/min) រួមទាំងអ្នកដែលកំពុងទទួលការលាងឈាម។ (ករណីប្រភេទរយៈពេលសកម្មភាពវែង (LA))

ចង់ក្អួត ក្អួត បាត់បង់ចំណង់អាហារ សម្ពាធឈាមចុះទាបពេលក្រោកឈរ វិលមុខ រវើរវាយ ។ល។

・សកម្មភាពនៃឱសថទាំងនេះមានលក្ខណៈខ្សោយជាងឱសថប្រភេទL-ដូប៉ា (L-dopa) ប៉ុន្តែ ការកើតមានការប្រែប្រួលរោគសញ្ញាចុះឡើងក្នុង1ថ្ងៃមានលក្ខណៈតិចតួចជាង។

・រោគសញ្ញាក្រពះពោះវៀនច្រើនកើតឡើងនៅពេលចាប់ផ្ដើមប្រើប្រាស់ឱសថនេះ ប៉ុន្តែ វានឹងបាត់ទៅវិញក្រោយរយៈពេលប៉ុន្មានថ្ងៃ។

ភ្ជាប់ទៅនឹងគ្រឿងទទួលដូប៉ាមីន និង បង្ហាញសកម្មភាពដូចទៅនឹងសារធាតុដូប៉ាមីនដែរ គឺធ្វើអោយការបញ្ជូនសញ្ញាតាមសរសៃប្រសាទមានលក្ខណៈរលូន។