Primaquine phosphate

ជាទូទៅ ឱសថនេះប្រើនៅក្នុងការព្យាបាលជំងឺគ្រុនចាញ់ដែលបង្កដោយប៉ារ៉ាស៊ីតគ្រុនចាញ់ប្រភេទPlasmodium vivax និង ប្រភេទPlasmodium ovale។

ជាទូទៅ គេប្រើឱសថនេះនៅក្នុងការកម្ចាត់ប៉ារ៉ាស៊ីតបង្កជំងឺគ្រុនចាញ់ដែលស្ថិតនៅជាទម្រង់Hypnozoite(ដំណាក់កាលសម្ងំ)ប៉ុណ្ណោះ ដូច្នេះ សម្រាប់ការកម្ចាត់ប៉ារ៉ាស៊ីតដែលស្ថិតនៅក្នុងគ្រាប់ឈាមក្រហម គេត្រូវប្រើឱសថផ្សេងទៀត។

ថ្នាំលេប：

- មនុស្សពេញវ័យ：លេប1ថ្ងៃ1ដង 30mg ក្រោយបរិភោគអាហារ រយៈពេល14ថ្ងៃ។

- កុមារ：លេប1ថ្ងៃ1ដង 0.5mg/kg ក្រោយបរិភោគអាហារ រយៈពេល14ថ្ងៃ។ កម្រិតអតិបរមានៃការប្រើឱសថនេះគឺ30mg។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានជំងឺកង្វះអង់ស៊ីមG6PD។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

ផលរំខានរួមមាន ឡើងកន្ទួលក្រហម រមាស់ ចង់ក្អួត ឈឺពោះ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- អស់កម្លាំង ងងឹតមុខពេលក្រោកឈរ ទឹកនោមមានពណ៌ត្នោត (ជំងឺខ្វះឈាមប្រភេទHemolytic anemia)។

- ក្ដៅខ្លួន រងាញាក់ ឈឺបំពង់ក (ជំងឺគ្រាប់ឈាមសធ្លាក់ចុះ)

- ទឹកមុខមិនសូវល្អ អស់កម្លាំង ធ្ងន់ក្បាល (ជំងឺMethemoglobinemia)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថដែលអាចផ្ដល់រំខានធ្វើអោយមានជំងឺខ្វះឈាមប្រភេទHemolytic anemia (ថ្នាំបំបាត់ការឈឺចាប់Ibuprofenជាដើម, ថ្នាំប្រឆាំងបាក់តេរីប្រភេទCephem antibiotic, ឱសថMethylthioninium chloride hydrate ជាដើម) - អាចធ្វើអោយហានិភ័យនៃការកើតមានផលរំខានជាជំងឺខ្វះឈាមប្រភេទHemolytic anemiaកើនឡើង។

・ឱសថដែលមានឥទ្ធិពលលើមុខងារខួរឆ្អឹង(ថ្នាំព្យាបាលជំងឺមហារីក , ថ្នាំទប់ស្កាត់ប្រព័ន្ធភាពស៊ាំPenicillamine, ថ្នាំមានផ្ទុកម៉ូលេគុលAu) - អាចធ្វើអោយហានិភ័យនៃការកើតមានផលរំខានប៉ះពាល់មុខងារខួរឆ្អឹងកើនឡើង។

・ឱសថដែលធ្វើអោយQTនៃចង្វាក់បេះដូងអូសបន្លាយវែង (Moxifloxacin, Levofloxacin, Quinidine, Procainamide, Amiodarone, Sotalol, Sulpiride, Imipramine, Pimozide, Haloperidol, Erythromycin, Solifenacin succinate ជាដើម) - អាចធ្វើអោយQTនៃចង្វាក់បេះដូងកាន់តែអូសបន្លាយវែង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើឱសថនេះទេ ព្រោះអាចប៉ះពាល់ដល់ទារកក្នុងផ្ទៃ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・អ្នកជំងឺជាស្ត្រីដែលអាចមានផ្ទៃពោះឬជាបុរសដែលដៃគូរបស់គាត់អាចមានផ្ទៃពោះ គួរប្រើប្រាស់វិធីពន្យារកំណើតក្នុងអំឡុងពេលប្រើឱសថនេះ។

・អ្នកជំងឺជាស្ត្រីដែលអាចមានផ្ទៃពោះឬជាបុរសដែលដៃគូរបស់គាត់អាចមានផ្ទៃពោះ គួរប្រើប្រាស់វិធីពន្យារកំណើតក្នុងអំឡុងពេលប្រើឱសថនេះ ព្រោះសារធាតុឱសថអាចធ្វើអោយប៉ះពាល់ដល់ទារកក្នុងផ្ទៃ។

ជាឱសថប្រឆាំងជំងឺគ្រុនចាញ់ ដែលសកម្មភាពនៃឱសថនេះនៅមិនទាន់មានទ្រឹស្ដីច្បាស់លាស់នៅឡើយទេ ប៉ុន្តែ មានការស្រាវជ្រាវមួយចំនួនបានបង្ហាញថា ឱសថនេះមានប្រសិទ្ធិភាពបង្អាក់សកម្មភាពរបស់មីតូកុងទ្រីនៅក្នុងកោសិកានិងធ្វើប្រតិកម្មអុកស៊ីតកម្មប្រឆាំងកោសិការបស់ប៉ារ៉ាស៊ីតបង្កជំងឺគ្រុនចាញ់។