Procaine hydrochloride

ជាទូទៅ ឱសថនេះប្រើនៅក្នុងបម្រើបម្រាស់ដូចខាងក្រោម៖

- បង្កអាការៈស្ពឹកនៅតាមផ្នែកនៃរាងកាយ (Spinal anesthesia (Lumbar anesthesia), Epidural anesthesia, Conduction anesthesia, Infiltration anesthesia)។

- បង្កអាការៈស្ពឹកនៅក្នុងការព្យាបាលមាត់ធ្មេញ (Conduction anesthesia, Infiltration anesthesia)។

សូមពិនិត្យព័ត៌មានលម្អិតនៅក្នុងបរិយាយប័ណ្ណនៃឱសថនីមួយៗ។

・អ្នកដែលមានជំងឺMethemoglobinemia។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះឬថ្នាំស្ពឹកប្រភេទបេនហ្សូអាត(Benzoate)។

ករណីEpidural anesthesia：

・អ្នកដែលកំពុងមានអាការៈបាត់បង់ឈាមច្រើនឬអាការៈប្រតិកម្មធ្ងន់ធ្ងរ(Shock)។

・អ្នកដែលមានអាការៈរលាកនៅកន្លែងចាក់ឬបរិវេណនោះ។

・អ្នកដែលកំពុងមានអាការៈប្រតិកម្មធ្ងន់ធ្ងរប្រឆាំងនឹងការឆ្លងមេរោគចូលក្នុងឈាម(Sepsis)។

ករណីប្រើចំពោះអ្នកជំងឺដូចខាងក្រោម មិនត្រូវបន្ថែមសារធាតុកន្ត្រាក់សរសៃឈាម(Adrenaline, Noradrenaline)នោះទេ៖

・អ្នកដែលធ្លាប់កើតមានរោគប្រតិកម្មជាមួយនឹងសារធាតុកន្ត្រាក់សរសៃឈាម(Adrenaline, Noradrenaline)។

・អ្នកដែលមានជំងឺលើសសម្ពាធឈាម ឬ ជំងឺរឹងសរសៃឈាម(Arteriosclerosis)។

・អ្នកដែលមានជំងឺខ្សោយបេះដូង(Heart failure)។

・អ្នកដែលមានជំងឺមុខងារក្រពេញទីរ៉ូអ៊ីតកើនឡើង(Hyperthyroidism)

・អ្នកជំងឺទឹកនោមផ្អែម។

・អ្នកដែលមានអាការៈកន្ត្រាក់សរសៃឈាម។

・ប្រើនៅក្នុងការធ្វើអោយស្ពឹកនៅត្រចៀក ម្រាមដៃម្រាមជើង ឬ ប្រដាប់ភេទបុរស។

ផលរំខានរួមមាន ភ្លេចភ្លាំង វិលមុខ ងងុយគេង ភ្នែកព្រិល អារម្មណ៍មិនស្ងប់ ស្មារតីកើនឡើងហួសហេតុ អារម្មណ៍ស្ពឹក ក្អួតចង្អោរ ហើម ជំងឺMethemoglobinemia។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ជីពចរដើរយឺត សម្ពាធឈាមធ្លាក់ចុះ ទឹកមុខស្លេកស្លាំង (អាការៈប្រតិកម្មធ្ងន់ធ្ងរ(Shock))

- ស្មារតីដឹងខ្លួនធ្លាក់ចុះ ញ័រដៃជើង សាច់ដុំកន្ត្រាក់ (បាត់បង់ស្មារតី ប្រកាច់)។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។ ជាពិសេស ត្រូវប្រុងប្រយ័ត្ននៅពេលប្រើចំពោះស្ត្រីដែលស្ថិតនៅដំណាក់កាលចុងក្រោយនៃការមានផ្ទៃពោះ។

ឱសថនេះមានសកម្មភាពទប់ស្កាត់ផ្នែកមួយនៃគ្រឿងចម្លងអ៊ីយ៉ុងសូដ្យូម(Na+ Channel) ធ្វើអោយអ៊ីយ៉ុងសូដ្យូមមិនអាចហូរចូលក្នុងកោសិកាសរសៃប្រសាទបាន និងអាចទប់ស្កាត់ការកើតឡើងនៃប៉ូតង់ស្យែលសកម្ម(Action potential)នៅតាមសរសៃប្រសាទ បង្កជាអាការៈស្ពឹក។ ដោយសារឱសថនេះនឹងប្រតិកម្មទៅជាសារធាតុដែលមានសកម្មភាពពង្រីកសរសៃឈាម ដូច្នេះ អាចមានករណីដែលត្រូវការប្រើរួមជាមួយសារធាតុកន្ត្រាក់សរសៃឈាម(Adrenaline, Noradrenaline)។