Promethazine hydrochloride

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • ការប្រុងប្រយ័ត្នជាពិសេស
    • សកម្មភាពឱសថ
    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

      - អាការៈស្ពឹកញ័រ បណ្ដុំរោគសញ្ញាប៉ាឃីនសុន(Parkinsonism)

      - ប្រើប្រាស់នៅមុនពេលសណ្ដំ ឬ សម្រាប់ការធ្វើអោយគេងលក់លក្ខណៈសិប្បនិម្មិត(Artificial hibernation)

      - អាការៈកណ្ដាស់ ហូរសម្បោរ ក្អកជាដើមដោយសាររលាកផ្លូវដង្ហើមផ្នែកខាងលើ ដូចជា ជំងឺផ្ដាសាយជាដើម

      - ជំងឺរលាកច្រមុះដោយសាររោគប្រតិកម្ម

      - ជំងឺ Hay fever

      - អាការៈហើមដោយសារចលនាសរសៃឈាម

      - អាការៈរមាស់នៅក្នុងជំងឺស្បែកផ្សេងៗ (ជំងឺស្បែកដែលមានកន្ទួលក្រហមឬរលាក កន្ទួលក្រហមដោយសារប្រតិកម្មទៅនឹងឱសថឬសារធាតុគីមីផ្សេងៗ)

      - កន្ទាលត្រអាក

      - អាការៈពុលរថយន្ត ពុលយន្តហោះ ពុលទូក ជាដើម។

    • កម្រិតប្រើប្រាស់

      ករណីថ្នាំលេប:

      មនុស្សពេញវ័យ:លេប1ដង5~25mg (ថ្នាំម្សៅ10%ត្រូវនឹង0.05~0.25g) 1ថ្ងៃ1~3ដង។ ចំពោះអាការៈស្ពឹកញ័រ និង បណ្ដុំរោគសញ្ញាប៉ាឃីនសុន(Parkinsonism) លេប1ថ្ងៃ25~200mg (ថ្នាំម្សៅ10%ត្រូវនឹង0.25~2g) បែងចែកជាច្រើនដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

      ករណីថ្នាំចាក់:

      មនុស្សពេញវ័យ:ប្រើ1ដង5~50mg ចាក់ក្រោមស្បែកឬក្នុងសាច់ដុំ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងឱសថប្រភេទPhenothiazineឬឱសថស្រដៀងនេះផ្សេងទៀត។

      ・អ្នកដែលកំពុងស្ថិតក្នុងស្ថានភាពបាត់បង់ស្មារតី។

      ・អ្នកដែលកំពុងទទួលឥទ្ធិពលខ្លាំងពីឱសថដែលទប់ស្កាត់សកម្មភាពប្រព័ន្ធប្រសាទ(ថ្នាំប្រភេទBarbiturate, ថ្នាំស្ពឹកជាដើម)។

      ・អ្នកដែលមានជំងឺក្លូកូមប្រភេទបិទ (Angle-closure glaucoma)។

      ・អ្នកដែលមានជំងឺស្ទះនៅផ្លូវតម្រងនោមផ្នែកខាងក្រោម ដូចជា ជំងឺក្រពេញប្រូស្តាតរីកធំ។ល។

      ・ទារកអាយុក្រោម2ឆ្នាំ។

    • ផលរំខាន

      ផលរំខានរួមមាន ងងុយគេង ឡើងកន្ទួលក្រហម ស្ងួតក ឈឺក្បាល ស្បែកងាយប្រតិកម្មទៅនឹងពន្លឺព្រះអាទិត្យ បែកញើសច្រើន វិលមុខ។ល។

      ប្រសិនបមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - សាច់ដុំឡើងរឹងនិងស្ពឹក ជីពចរដើរលឿន ក្ដៅខ្លួន (ជំងឺNeuroleptic malignant syndromeឬSyndrome malin)

      - ឈប់ដកដង្ហើមនៅពេលគេងលក់ (ករណីប្រើប្រាស់នៅលើកុមារ ជាពិសេសទារកក្រោម2ឆ្នាំ) (អាចធ្វើអោយកុមារស្លាប់ភ្លាមៗ)។

    • អន្តរប្រតិកម្ម

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថដែលទប់ស្កាត់សកម្មភាពប្រព័ន្ធប្រសាទ(ថ្នាំប្រភេទBarbiturate, ថ្នាំស្ពឹក, ថ្នាំបំបាត់ឈឺចាប់លក្ខណៈស្ពឹក, ថ្នាំរំងាប់អារម្មណ៍ ថ្នាំងងុយគេង ជាដើម), គ្រឿងស្រវឹង - អាចធ្វើអោយសកម្មភាពនៃឱសថទាំងសងខាងកើនឡើង បង្កជាផលរំខានផ្សេងៗ។

      ・ឱសថដែលមានសកម្មភាពប្រឆាំងសារធាតុអាសេទីលកូលីន(Anticholinergic effect) (ឱសថប្រភេទPhenothiazine, ឱសថImipramine hydrochloride, ឱសថScopolamine butylbromide ជាដើម) - អាចធ្វើអោយសកម្មភាពនៃឱសថទាំងនេះកើនឡើង បង្កជាផលរំខានផ្សេងៗ។

      ・ឱសថបញ្ចុះសម្ពាធឈាម - អាចធ្វើអោយសកម្មភាពបញ្ចុះសម្ពាធឈាមកាន់តែខ្លាំង។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

    • ការប្រុងប្រយ័ត្នជាពិសេស

      ・ឱសថនេះអាចផ្ដល់ផលរំខានដូចជាងងុយគេងឬអស់កម្លាំង ដូច្នេះ គួរចៀសវាងការបើកបរឬការបញ្ជាម៉ាស៊ីនដែលមានគ្រោះថ្នាក់ ក្នុងអំឡុងពេលប្រើប្រាស់ឱសថនេះ។ ជាពិសេស គួរចៀសវាងពិសាគ្រឿងស្រវឹង។

    • សកម្មភាពឱសថ

      ឱសថនេះមានសកម្មភាពដូចខាងក្រោម ៖

      - បង្អាក់ដំណើរការនៃការភ្ជាប់សារធាតុហ៊ីស្តាមីន(Histamine)ទៅនឹងគ្រឿងទទួលរបស់វា(H1 receptor) នៅក្នុងការព្យាបាលអាការៈផ្សេងៗនៃរោគប្រតិកម្ម។

      - បង្អាក់សកម្មភាពរបស់គ្រឿងទទួលមូស្កាលីននៃសារធាតុអាសេទីលកូលីន(Muscarinic acetylcholine receptors, mAchR) នៅក្នុងការព្យាបាលអាការៈនៃជំងឺប៉ាឃីនសុន(Parkinsonism)។

      - បង្អាក់សកម្មភាពនៃគ្រឿងទទួលមូស្កាលីននៃសារធាតុអាសេទីលកូលីន(Muscarinic acetylcholine receptors, mAchR) និង មជ្ឈមណ្ឌលCTZ (chemoreceptor trigger zone)នៅក្នុងការព្យាបាលអាការៈក្អួតចង្អោរនិងវិលមុខ (នៅពេលពុលរថយន្ត។ល។)។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp