Selegiline hydrochloride

ជាទូទៅ ឱសថនេះប្រើនៅក្នុងការព្យាបាលជំងឺប៉ាឃីនសុន(Parkinson's disease) សម្រាប់ករណីដូចខាងក្រោម៖

- ករណីអ្នកជំងឺប្រើរួមជាមួយឱសថដែលមានផ្ទុកLevodopa：ស្ថិតក្នុង Stage I～IV នៃការបែងចែកកម្រិតរោគសញ្ញាតាមវិធីYahr។

- ករណីអ្នកជំងឺមិនប្រើរួមជាមួយឱសថដែលមានផ្ទុកLevodopa：ស្ថិតក្នុង Stage I～III នៃការបែងចែកកម្រិតរោគសញ្ញាតាមវិធីYahr។

ថ្នាំលេប：

・ករណីប្រើរួមជាមួយឱសថដែលមានផ្ទុកLevodopa：

មនុស្សពេញវ័យ：ចាប់ផ្ដើមប្រើពីកម្រិត1ថ្ងៃ1ដង2.5mg ក្រោយអាហារពេលព្រឹក រួចបង្កើនកម្រិតម្ដង2.5mg/ថ្ងៃ រៀងរាល់2សប្ដាហ៍ ដើម្បីកំណត់កម្រិតដែលអាចប្រើជាប្រចាំបាន (ជាទូទៅគឺ 1ថ្ងៃ7.5mg)។ ករណីកម្រិតប្រើក្នុង1ថ្ងៃចាប់ពី5mgឡើងទៅ ត្រូវបែងចែកជា2ដងគឺក្រោយអាហារពេលព្រឹកនិងថ្ងៃត្រង់។ ករណីកម្រិតប្រើក្នុង1ថ្ងៃ7.5mg ត្រូវបែងចែកជា2ដងគឺ5mgក្រោយអាហារពេលព្រឹកនិង2.5mgក្រោយអាហារថ្ងៃត្រង់។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ថ្ងៃគឺ10mg។

・ករណីមិនប្រើរួមជាមួយឱសថដែលមានផ្ទុកLevodopa：

មនុស្សពេញវ័យ：ចាប់ផ្ដើមលេបពីកម្រិត 1ថ្ងៃ1ដង2.5mg ក្រោយអាហារពេលព្រឹក រួចបង្កើនកម្រិតម្ដង2.5mg/ថ្ងៃ រៀងរាល់2សប្ដាហ៍ រហូតដល់កម្រិត 1ថ្ងៃ10mg។ ករណីកម្រិតប្រើក្នុង1ថ្ងៃចាប់ពី5.0mgឡើងទៅ ត្រូវបែងចែកជា2ដងគឺក្រោយអាហារពេលព្រឹកនិងថ្ងៃត្រង់។ ករណីកម្រិតប្រើក្នុង1ថ្ងៃ7.5mg ត្រូវបែងចែកជា2ដងគឺ5mgក្រោយអាហារពេលព្រឹកនិង2.5mgក្រោយអាហារថ្ងៃត្រង់។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ថ្ងៃគឺ10mg។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលកំពុងប្រើប្រាស់ឱសថPethidine hydrochloride, ឱសថTramadol hydrochloride ឬ ឱសថTapentadol hydrochloride។

・អ្នកដែលកំពុងប្រើប្រាស់ឱសថប្រភេទNon-selective monoamine oxidase inhibitor (ឱសថSafrazine hydrochloride)។

・អ្នកដែលកំពុងឬធ្លាប់មានជំងឺវិកលចរិត(Integration dysfunction syndrom ឬ Schizophrenia)។

・អ្នកដែលកំពុងឬធ្លាប់មានអាការៈញៀនទៅនឹងថ្នាំភ្ញោចប្រព័ន្ធប្រសាទកណ្ដាល ដូចជា ថ្នាំញៀន សារធាតុកូកាអ៊ីន(Cocaine) ជាដើម។

・អ្នកដែលកំពុងប្រើប្រាស់ឱសថព្យាបាលជំងឺបាក់ទឹកចិត្តប្រភេទTricyclic antidepressant (Amitriptyline hydrochloride ជាដើម) ឬ ស្ថិតក្នុងអំឡុងពេល14ថ្ងៃបន្ទាប់ពីឈប់ប្រើប្រាស់ឱសថទាំងនេះ។

・អ្នកដែលកំពុងប្រើប្រាស់ឱសថប្រភេទSSRI (Fluvoxamine maleate ជាដើម), ឱសថប្រភេទSNRI (Milnacipran hydrochloride ជាដើម), ឱសថប្រភេទSelective noradrenaline re-uptake inhibitors (ឱសថAtomoxetine hydrochloride ជាដើម) ឬ ឱសថប្រភេទNaSSA(Mirtazapine ជាដើម)។

ផលរំខានរួមមាន ចង់ក្អួត ក្អួត បាត់បង់ចំណង់អាហារ ចលនាមិនអាចគ្រប់គ្រងបាន(ដៃជើងកម្រើកដោយឯកឯង) រវើរវាយ វិលមុខ ឡើងកន្ទួលក្រហម។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- មិនស្គាល់ទីកន្លែងឬពេលវេលា ឃើញរូបភាពឬស្ដាប់លឺសម្លេងដែលមិនមានពិត អស់កម្លាំង (វង្វេងវង្វាន់ រវើរវាយ ភ្លេចភ្លាំង)

- ឈឺទ្រូងឬទទួលអារម្មណ៍ដូចត្រូវគេសង្កត់ (ជំងឺត្បៀតសរសៃឈាមក្នុងបេះដូង)

- ក្ដៅខ្លួនខ្លាំង សាច់ដុំរឹង ញ័រដៃជើង សាច់ដុំកន្ត្រាក់ (Syndrome malin)

- វិលមុខ បាត់បង់ស្មារតី (កម្រិតជាតិស្ករក្នុងឈាមចុះទាប)

- ឈឺនៅចុងដង្ហើម ចង់ក្អួត ក្រហាយទ្រូង (ជំងឺដំបៅក្រពះ)។

・ឱសថPethidine hydrochloride, ឱសថTramadol hydrochloride, ឱសថTapentadol hydrochloride - អាចធ្វើអោយប៉ះពាល់ដល់ស្មារតីធ្ងន់ធ្ងរ។ ដូច្នេះ ហាមប្រើរួមគ្នា។ ករណីបញ្ឈប់ការប្រើប្រាស់ឱសថSelegiline ត្រូវទុករយៈពេលយ៉ាងហោចណាស់14ថ្ងៃមុននឹងចាប់ផ្ដើមប្រើប្រាស់ឱសថTramadol hydrochloride ឬ ឱសថTapentadol hydrochloride។ ម្យ៉ាងទៀត ករណីប្ដូរពីឱសថTramadol hydrochlorideទៅប្រើប្រាស់ឱសថSelegiline ត្រូវទុកគម្លាតប្រមាណពី2ទៅ3ថ្ងៃ។

・ឱសថប្រភេទNon-selective monoamine oxidase inhibitor (ឱសថSafrazine hydrochloride) - អាចធ្វើអោយកើតមានអាការៈសម្ពាធឈាមចុះទាបពេលក្រោកឈរកម្រិតធ្ងន់ធ្ងរ។ ដូច្នេះ ហាមប្រើរួមគ្នា។

・ឱសថព្យាបាលជំងឺបាក់ទឹកចិត្តប្រភេទTricyclic antidepressant (Amitriptyline hydrochloride ជាដើម) - អាចធ្វើអោយកើតមានផលរំខានទាក់ទងនឹងស្មារតី សម្ពាធឈាម ចលនារាងកាយ និងអាចឈានដល់គ្រោះថ្នាក់ដល់ជីវិត។ ដូច្នេះ ហាមប្រើរួមគ្នា និង ហាមប្រើនក្នុងករណីអ្នកជំងឺស្ថិតក្នុងអំឡុងពេល14ថ្ងៃបន្ទាប់ពីឈប់ប្រើប្រាស់ឱសថព្យាបាលជំងឺបាក់ទឹកចិត្តប្រភេទTricyclic antidepressant។

・ឱសថប្រភេទSSRI (Fluvoxamine maleate, Paroxetine, Sertraline hydrochloride, Escitalopram oxalate ជាដើម), ឱសថប្រភេទSNRI (Milnacipran hydrochloride, Duloxetine hydrochloride, Venlafaxine hydrochloride ជាដើម), ឱសថប្រភេទSelective noradrenaline re-uptake inhibitors (ឱសថAtomoxetine hydrochloride ជាដើម), ឱសថប្រភេទNaSSA(Mirtazapine ជាដើម)។ - អាចធ្វើអោយសកម្មភាពឱសថទាំងសងខាងកើនឡើង។ ដូច្នេះ ហាមប្រើរួមគ្នា។ ករណីបញ្ឈប់ការប្រើប្រាស់ឱសថSelegiline ត្រូវទុករយៈពេលយ៉ាងហោចណាស់14ថ្ងៃមុននឹងចាប់ផ្ដើមប្រើប្រាស់ឱសថទាំងនេះ។ ម្យ៉ាងទៀត ករណីប្ដូរពីឱសថទាំងនេះទៅប្រើប្រាស់ឱសថSelegiline ត្រូវទុកគម្លាតរយៈពេលប៉ុន្មានថ្ងៃទៅតាមប្រភេទឱសថនីមួយៗ។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថដែលទប់ស្កាត់សកម្មភាពអង់ស៊ីមCYP2D6និងCYP3A4 (Cimetidine, Quinidine sulfate, Propafenone hydrochloride, Haloperidol, Erythromycin, Josamycin, Clarithromycin, Itraconazole, Fluconazole, Miconazole, Clotrimazole, Ethinylestradiol, Verapamil hydrochloride, Diltiazem hydrochloride ជាដើម) - អាចធ្វើអោយសកម្មភាពនៃឱសថSelegilineកើនឡើង បង្កជាផលរំខានផ្សេងៗ។

・ឱសថប្រភេទReserpine, ឱសថប្រភេទPhenothiazines (

Prochlorperazine, Chlorpromazine, Perazine ជាដើម), ឱសថប្រភេទButyrophenones (Butyrophenones ជាដើម), ឱសថSulpiride, ឱសថMetoclopramide - អាចធ្វើអោយសកម្មភាពនៃឱសថSelegilineថយចុះ។

・ឱសថTrazodone hydrochloride - អាចធ្វើអោយកំហាប់ក្នុងឈាមនៃសេរ៉ូតូនីននៅក្នុងខួរក្បាលកើនឡើង។

・ឱសថដែលភ្ញោចប្រព័ន្ធសរសៃប្រសាទSympathetic (Ephedrine hydrochloride, Methylephedrine hydrochloride, Pseudoephedrine hydrochloride, Phenylpropanolamine hydrochloride) - អាចធ្វើអោយសម្ពាធឈាមកើនឡើង និង ជីពចរដើរលឿន ជាដើម។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・មានប្រសិទ្ធិភាពចំពោះអ្នកជំងឺដែលមិនទទួលបានប្រសិទ្ធិភាពគ្រប់គ្រាន់ពីការព្យាបាលដោយប្រើឱសថLevodopa។ ម្យ៉ាងទៀត នៅពេលប្រើរួមជាមួយឱសថLevodopa អាចធ្វើអោយផលរំខាននៃឱសថLevodopaកើនឡើង ដូច្នេះ ត្រូវចាប់ផ្ដើមប្រើឱសថនេះពីកម្រិតទាបទៅ។

・មិនត្រូវប្រើប្រាស់ឱសថនេះរួមជាមួយឱសថព្យាបាលជំងឺបាក់ទឹកចិត្តប្រភេទTricyclic antidepressants (Amitriptyline hydrochloride ជាដើម)នោះទេ ព្រោះអាចធ្វើអោយមានផលរំខានគ្រោះថ្នាក់ដល់ជីវិត។ ម្យ៉ាងទៀត ករណីបញ្ឈប់ការប្រើប្រាស់ឱសថនេះ រួចប្រើប្រាស់ឱសថព្យាបាលជំងឺបាក់ទឹកចិត្តប្រភេទTricyclic antidepressants ត្រូវទុកគម្លាតពីគ្នារយៈពេលយ៉ាងហោចណាស់14ថ្ងៃ។

・នៅពេលបង្កើនកម្រិតប្រើប្រាស់របស់ឱសថនេះ អាចធ្វើអោយកើតមានផលរំខានធ្ងន់ធ្ងរទាក់ទងនឹងសកម្មភាពទប់ស្កាត់អង់ស៊ីមMAOរបស់ឱសថ។ ទោះជាការបង្កើនកម្រិតប្រើប្រាស់មិនផ្ដល់ប្រសិទ្ធិភាពគ្រប់គ្រាន់ក៏ដោយ ក៏មិនត្រូវប្រើប្រាស់ហួស10mgក្នុង1ថ្ងៃនោះឡើយ។

・នៅក្នុងអំឡុងពេលប្រើប្រាស់ឱសថនេះ អាចធ្វើអោយកើតមានអាការៈដូចជា ងងុយគេង ពិបាកផ្ដុំអារម្មណ៍ ងាយធ្វេសប្រហែស ជាដើម ដូច្នេះ គួរចៀសវាងការបើកបររថយន្តឬបញ្ជាម៉ាស៊ីនដែលមានគ្រោះថ្នាក់។

ឱសថនេះមានប្រសិទ្ធិភាពទប់ស្កាត់សកម្មភាពរបស់អង់ស៊ីមMAO-B (Monoamine oxidase receptor type B) ដើម្បីបង្អាក់ដំណើរការនៃការបំបែកសារធាតុដូប៉ាមីន(Dopamine)នៅក្នុងខួរក្បាល។ ជាលទ្ធផល ឱសថនេះធ្វើអោយបរិមាណនៃសារធាតុដូប៉ាមីនកើនឡើងមកដល់កម្រិតប្រក្រតី ដើម្បីព្យាបាលរោគសញ្ញាផ្សេងៗនៃជំងឺប៉ាឃីនសុន(Parkinson's disease)