Sodium picosulfate hydrate

ករណីថ្នាំលេប ទម្រង់ជាថ្នាំគ្រាប់：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- អាការៈទល់លាមកគ្រប់ប្រភេទ។

- ជំនួយដល់ការបញ្ចេញលាមកនៅក្រោយការវះកាត់។

- ជម្រុញការបញ្ចេញលាមកក្រោយប្រើប្រាស់សារធាតុប៉ារ្យ៉ូម(Barium sulfate)។

ករណីថ្នាំលេប ទម្រង់ជាថ្នាំទឹក：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- អាការៈទល់លាមកគ្រប់ប្រភេទ។

- ជំនួយដល់ការបញ្ចេញលាមកនៅក្រោយការវះកាត់។

- ជម្រុញការបញ្ចេញលាមកក្រោយប្រើប្រាស់សារធាតុប៉ារ្យ៉ូម(Barium sulfate)។

- សម្អាតពោះវៀននៅមុនពេលធ្វើការវះកាត់។

- សម្អាតពោះវៀននៅមុនពេលធ្វើការពិនិត្យពោះវៀនធំ (កាំរស្មីអ៊ិច ឬ អង់ដូស្កូប)។

ករណីថ្នាំលេប ទម្រង់ជាថ្នាំគ្រាប់：

・ករណីអាការៈទល់លាមកគ្រប់ប្រភេទ：

- មនុស្សពេញវ័យ：លេប1ថ្ងៃ1ដង 5～7.5mg។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

- កុមារអាយុ7～15ឆ្នាំ：លេប1ថ្ងៃ1ដង5mg។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីប្រើជាជំនួយដល់ការបញ្ចេញលាមកនៅក្រោយការវះកាត់ ឬ ជម្រុញការបញ្ចេញលាមកក្រោយប្រើប្រាស់សារធាតុប៉ារ្យ៉ូម(Barium sulfate)：

មនុស្សពេញវ័យ：លេប1ថ្ងៃ1ដង 5～7.5mg។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីថ្នាំលេប ទម្រង់ជាថ្នាំទឹក (0.75%)：

ក្នុងឱសថនេះ1mL រួមមាន Sodium picosulfate hydrate 7.5mg។

・ករណីអាការៈទល់លាមកគ្រប់ប្រភេទ：

- មនុស្សពេញវ័យ：ពិសារ1ថ្ងៃ1ដង 10～15តំណក់ (0.67～1mL)។

- ទារកអាយុ6ខែចុះក្រោម：ពិសារ1ថ្ងៃ1ដង 2តំណក់ (0.13mL)។

- ទារកអាយុ7ខែ～12ខែ：ពិសារ1ថ្ងៃ1ដង 3តំណក់ (0.2mL)។

- កុមារអាយុ1ឆ្នាំ～3ឆ្នាំ：ពិសារ1ថ្ងៃ1ដង 6តំណក់ (0.4mL)។

- កុមារអាយុ4ឆ្នាំ～6ឆ្នាំ：ពិសារ1ថ្ងៃ1ដង 7តំណក់ (0.46mL)។

- កុមារអាយុ7ឆ្នាំ～15ឆ្នាំ：ពិសារ1ថ្ងៃ1ដង 10តំណក់ (0.67mL)។

អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីប្រើជាជំនួយដល់ការបញ្ចេញលាមកនៅក្រោយការវះកាត់：

មនុស្សពេញវ័យ：ពិសារ1ថ្ងៃ1ដង 10～15តំណក់ (0.67～1mL)។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីប្រើនៅក្នុងការជម្រុញការបញ្ចេញលាមកក្រោយប្រើប្រាស់សារធាតុប៉ារ្យ៉ូម(Barium sulfate)：

មនុស្សពេញវ័យ：ពិសារ 6～15តំណក់ (0.4～1mL)។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីប្រើនៅក្នុងការសម្អាតពោះវៀននៅមុនពេលធ្វើការវះកាត់：

មនុស្សពេញវ័យ：ពិសារ 14តំណក់ (0.93mL)។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីប្រើនៅក្នុងការសម្អាតពោះវៀននៅមុនពេលធ្វើការពិនិត្យពោះវៀនធំ (កាំរស្មីអ៊ិច ឬ អង់ដូស្កូប)：

មនុស្សពេញវ័យ：ពិសារ 20mL នៅ10～15នាទីមុនការពិនិត្យ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលសង្ស័យថាមានបណ្ដុំរោគសញ្ញាពោះលក្ខណៈស្រួចស្រាវ(Acute abdomen)។

・អ្នកដែលកំពុងមានឬសង្ស័យថាមានអាការៈស្ទះពោះវៀន។(ករណីប្រើសម្រាប់មុនពេលពិនិត្យពោះវៀនធំ)

ផលរំខានរួមមាន ចង់ក្អួត ឈឺពោះ កន្ទាលត្រអាក ឡើងកន្ទួលក្រហម រាករូស ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ឈឺពោះខ្លាំង ចង់ក្អួត ក្អួត ហើមពោះ (ស្ទះពោះវៀន ធ្លាយពោះវៀន) (ករណីប្រើសម្រាប់មុនពេលពិនិត្យពោះវៀនធំ)

- ឈឺពោះខ្លាំង រាករូស លាមកមានឈាម (រលាកពោះវៀនធំដោយសារបញ្ហាចរន្តឈាម) (ករណីប្រើសម្រាប់មុនពេលពិនិត្យពោះវៀនធំ)។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ប្រើ1ថ្ងៃ1ដងនៅមុនពេលចូលគេង នឹងបង្ហាញប្រសិទ្ធិភាពល្អ។

・សារធាតុក្នុងថ្នាំលេប1គ្រាប់មានបរិមាណស្មើនឹង5តំណក់នៅក្នុងថ្នាំទឹក(សូលុយស្យុង0.75%)។

ឱសថនេះមិនមានសកម្មភាពនៅក្នុងក្រពះឬពោះវៀនតូចនោះទេ ប៉ុន្តែវាមានសកម្មភាពនៅក្នុងពោះវៀនធំ ដោយវាទទួលប្រតិកម្មពីអង់ស៊ីមArylsulfatase ដើម្បីបំលែងទៅជាសារធាតុសកម្មដែលមានប្រសិទ្ធិភាពជម្រុញចលនារបស់ពោះវៀន និង ទប់ស្កាត់ការស្រូបជាតិទឹកចេញពីពោះវៀនធំ។