Sorafenib tosilate

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • ការប្រុងប្រយ័ត្នជាពិសេស
    • សកម្មភាពឱសថ
    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលជំងឺដូចខាងក្រោម៖

      - ជំងឺមហារីកកោសិកាតម្រងនោមដែលមិនអាចវះកាត់អោយជាសះស្បើយបាន ឬ ជាមហារីកដែលមានលក្ចណៈរាតត្បាតទៅផ្នែកផ្សេងទៀតនៃរាងកាយ។

      - ជំងឺមហារីកកោសិកាថ្លើមដែលមិនអាចវះកាត់បាន

      - ជំងឺមហារីកក្រពេញទីរ៉ូអ៊ីតដែលមិនអាចវះកាត់អោយជាសះស្បើយបាន។

    • កម្រិតប្រើប្រាស់

      ថ្នាំលេប:

      មនុស្សពេញវ័យ:លេប1ដង400mg 1ថ្ងៃ2ដង។ អាចបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ។

    • ហាមប្រើ

      ・អ្នកដែលធ្លាប់មានរោគប្រតិកម្មធ្ងន់ធ្ងរជាមួយនឹងសារធាតុនៅក្នុងឱសថនេះ។

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ ។

    • ផលរំខាន

      ផលរំខានរួមមាន បណ្ដុំរោគសញ្ញាដៃនិងជើង(ឈឺក្រហមនិងហើមនៅបាតដៃនិងបាតជើង របកស្បែក ពងទឹក) ជ្រុះរោមឬសក់ រាករូស ឡើងកន្ទួលក្រហម របកស្បែក អាការៈឈឺចាប់ សម្ពាធឈាមកើនឡើង អស់កម្លាំង ថយទម្ងន់ បាត់បង់ចំណង់អាហារ ដំបៅក្នុងមាត់ រមាស់ ចង់ក្អួត សម្លេងស្អក ស្បែកស្ងួត។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - ឈឺក្រហមនិងហើមនៅបាតដៃនិងបាតជើង របកស្បែក (ពងទឹកលើស្បែកបណ្ដុំរោគសញ្ញាដៃនិងជើង)

      - ភ្នែកក្រហម រលាត់ស្បេកនៅក្នុងមាត់ បបូរមាត់ជាដើម ឡើងកន្ទួលក្រហមនិងពងទឹកលើស្បេក ក្ដៅខ្លួន(ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome) ជំងឺស្លាប់កោសិកាស្បែក(Toxic Epidermal Necrolysis, TEN) ជាដើម)

      - ភ្នែកនិងស្បែកប្រែពណ៌លឿង ក្អួតចង្អោរ (រលាកថ្លើម មុខងារថ្លើមចុះខ្សោយ ជាដើម)

      - ក្ដៅខ្លួន ឈឺក្បាល ក្អកស្ងួត ពិបាកដកដង្ហើម (ប៉ះពាល់មុខងារសួត ជំងឺរលាកសួតប្រភេទInterstitial pneumonia)

      - សម្ពាធឈាមឡើងខ្ពស់ ស្មារតីដឹងខ្លួនធ្លាក់ចុះ ឈឺក្បាល (សម្ពាធឈាមឡើងខ្ពស់ខុសប្រក្រតី(Hypertensive crisis))

      - ឈឺទ្រូង ថប់ទ្រូង ពិបាកដកដង្ហើម (ស្ទះឬត្បៀតសរសៃឈាមក្នុងបេះដូង)

      - បត់ជើងឈាម ក្អួតឈាម ឈឺពោះ ហើមពោះ អាការៈខ្វះឈាម (ហូរឈាមនៅតាមបំពង់រំលាយអាហារ ធ្លាយក្រពះឬពោះវៀន ជាដើម)

      - ក្ដៅខ្លួន ឈឺផ្នែកខាងលើនៃពោះ ឈឺផ្នែកចង្កេះនិងខ្នង (រលាកល)

      - អស់កម្លាំង ក្អួតចង្អោរ បាត់បង់ស្មារតី - កម្រិតសូដ្យូមក្នុងឈាមធ្លាក់ចុះ

      - ឈឺសាច់ដុំ អស់កម្លាំង ទឹកនោមមានពណ៌ត្នោត (ជំងឺរលាយសាច់ដុំ(Rhabdomyolysis))

      - សាច់ដុំកន្ត្រាក់ឬប្រកាច់ គំហើញរបស់ភ្នែកមានបញ្ហា បាត់បង់ស្មារតី (ជំងឺPosterior reversible encephalopathy syndrome)

      - ឈឺពោះខ្លាំង រាករូស លាមកមានឈាម (រលាកពោះវៀនធ្ងន់ធ្ងរ)។

    • អន្តរប្រតិកម្ម

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថIrinotecan, Doxorubicin - អាចធ្វើអោយកំហាប់ក្នុងឈាមនៃឱសថទាំងនេះកើនឡើង។

      ・ឱសថដែលបង្កើនសកម្មភាពអង់ស៊ីមCYP3A4 (Phenytoin, Carbamazepine, Rifampicin, Phenobarbital, Dexamethasoneជាដើម), អាហារបំប៉នដែលមានផ្ទុកសារធាតុSt.John's Wort - អាចធ្វើអោយកំហាប់ក្នុងឈាមនៃSorafenibថយចុះ។

      ・ឱសថWarfarin - អាចធ្វើអោយកំហាប់ក្នុងឈាមនៃWarfarinកើនឡើង។

      ・ឱសថDocetaxel, Capecitabine - អាចធ្វើអោយកំហាប់ក្នុងឈាមនៃឱសថទាំងនេះlកើនឡើង។

      ・ឱសថPaclitaxel/Carboplatinl - អាចធ្វើអោយកំហាប់ក្នុងឈាមនៃPaclitaxelនិងSorafenibកើនឡើង។

      ・ឱសថFradiomycin - អាចធ្វើអោយកំហាប់ក្នុងឈាមនៃSorafenibថយចុះ។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើឱសថនេះទេ ព្រោះសារធាតុឱសថអាចប៉ះពាល់ដល់ទារកក្នុងផ្ទៃ។

      ・អ្នកជំងឺជាស្ត្រីដែលអាចមានផ្ទៃពោះ គួរប្រើប្រាស់វិធីពន្យារកំណើតក្នុងអំឡុងពេលប្រើប្រាស់និងក្រោយពេលប្រើប្រាស់ឱសថនេះយ៉ាងហោចណាស់2សប្ដាហ៍។

      ・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

    • ការប្រុងប្រយ័ត្នជាពិសេស

      ・អាហារដែលមានជាតិខ្លាញ់ច្រើន អាចធ្វើអោយកម្រិតចូលទៅក្នុងឈាមក៏ដូចជាប្រសិទ្ធិភាពនៃឱសថនេះធ្លាក់ចុះ ដូច្នេះ គួរចៀសវាងប្រើប្រាស់ឱសថនេះនៅក្នុងអំឡុងពេល1ម៉ោងមុនឬ2ម៉ោងក្រោយបរិភោគអាហារដែលមានជាតិខ្លាញ់ច្រើន។

      ・អ្នកជំងឺជាស្ត្រីដែលអាចមានផ្ទៃពោះ គួរប្រើប្រាស់វិធីពន្យារកំណើតក្នុងអំឡុងពេលប្រើប្រាស់និងក្រោយពេលប្រើប្រាស់ឱសថនេះយ៉ាងហោចណាស់2សប្ដាហ៍។

    • សកម្មភាពឱសថ

      ឱសថនេះមានប្រសិទ្ធិភាពបង្អាក់សកម្មភាពរបស់អង់ស៊ីមTyrosine kinaseនៅលើគ្រឿងទទួល(Receptor)ផ្សេងៗនៅក្នុងកោសិកាមហារីករួមទាំង VEGFR និង PDGFR ដើម្បីទប់ស្កាត់ដំណើរការកើនចំនួននៃកោសិកាមហារីកនិងការកកើតសរសៃឈាមថ្មីៗសម្រាប់ការពង្រីកជាលិកាមហារីក។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp