Tegafur

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • ការប្រុងប្រយ័ត្នជាពិសេស
    • សកម្មភាពឱសថ
    • ប្រសិទ្ធិភាពព្យាបាល

      ករណីថ្នាំលេប:

      ជាទូទៅ ឱសថនេះប្រើនៅក្នុងការកាត់បន្ថយរោគសញ្ញានៃ ជំងឺមហារីកក្រពះ ជំងឺមហារីកផ្នែកColonឬផ្នែកRectumនៃពោះវៀនធំ និង មហារីកសុដន់។

      ករណីសុលតាមទ្វារធំ:

      ជាទូទៅ ឱសថនេះប្រើនៅក្នុងការកាត់បន្ថយរោគសញ្ញានៃ ជំងឺមហារីកផ្នែកក្បាលនិងក ជំងឺមហារីកក្រពះ ជំងឺមហារីកផ្នែកColonឬផ្នែកRectumនៃពោះវៀនធំ ជំងឺមហារីកសុដន់ និង ជំងឺមហារីកប្លោកនោម។

      ករណីថ្នាំចាក់:

      ជាទូទៅ ឱសថនេះប្រើនៅក្នុងការកាត់បន្ថយរោគសញ្ញានៃ ជំងឺមហារីកផ្នែកក្បាលនិងក និង ជំងឺមហារីកប្រដាប់រំលាយអាហារ(មហារីកក្រពះ មហារីកផ្នែកColonឬផ្នែកRectumនៃពោះវៀនធំ)។

    • កម្រិតប្រើប្រាស់

      ករណីថ្នាំលេប:

      ជាទូទៅ លេប1ថ្ងៃ800~1200mg ដោយបែងចែកជា2~4ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ ករណីប្រើឱសថនេះរួមជាមួយឱសថប្រឆាំងមហារីកផ្សេងទៀតឬរួមជាមួយការព្យាបាលដោយវិទ្យុសកម្ម ត្រូវបន្ថយកម្រិតប្រើប្រាស់ដោយផ្អែកលើកម្រិតប្រើក្នុងករណីប្រើឱសថនេះតែឯង។

      ករណីថ្នាំសុលតាមទ្វារធំ:

      ជាទូទៅ ប្រើ1ថ្ងៃ750~2000mg បែងចែកជា1~2ដងក្នុង1ថ្ងៃ ដោយសុលតាមទ្វារធំ។ កម្រិតប្រើក្នុង1ដងគឺ 500~1000mg។

      ករណីថ្នាំចាក់:

      ជាទូទៅ ប្រើ1ថ្ងៃ20mg/kg ចាក់តាមសរសៃវែនដោយផ្ទាល់ឬលាយនៅក្នុងសេរ៉ូមប្រៃឬសេរ៉ូមស្ករ5%បរិមាណ300~500mLរួចព្យួរសេរ៉ូមតាមសរសៃវ៉ែន។

    • ហាមប្រើ

      ករណីថ្នាំលេប ថ្នាំសុលតាមទ្វារធំ ថ្នាំចាក់:

      ・អ្នកដែលធ្លាប់មានរោគប្រតិកម្មធ្ងន់ធ្ងរជាមួយនឹងសារធាតុនៅក្នុងឱសថនេះ។

      ・អ្នកដែលកំពុងប្រើប្រាស់ឱសថTegafur/Gimeracil/Oteracil potassium ឬ ស្ថិតក្នុងអំឡុងពេល7ថ្ងៃបន្ទាប់ពីឈប់ប្រើឱសថTegafur/Gimeracil/Oteracil potassium។

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ ។

    • ផលរំខាន

      ករណីថ្នាំលេប ថ្នាំសុលតាមទ្វារធំ ថ្នាំចាក់:

      ផលរំខានរួមមាន មិនឃ្លានអាហារ ក្អួតចង្អោរ រាករូស រលាកក្នុងមាត់ រួយខ្លួន ស្បែកប្រែពណ៌ កន្ទួលក្រហមលើស្បែក។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - ការហូរឈាមមិនងាយឈប់ រួយខ្លួន ឈឺបំពង់ក ក្ដៅខ្លួន (ប៉ះពាល់មុខងារផលិតគ្រាប់ឈាមរបស់ខួរឆ្អឹង)

      - ស្ងួតក បរិមាណទឹកនោមថយចុះ ហើមខ្លួននិងជើង ហើមភ្នែក រួយខ្លួន ឆាប់ហត់ (រោគសញ្ញាខ្វះជាតិទឹក មុខងារតម្រងនោមចុះខ្សោយស្រួចស្រាវ)

      - អស់កម្លាំង បាត់បង់ចំណីអាហារ ភ្នែកនិងស្បែកឡើងពណ៌លឿង (ប៉ះពាល់មុខងារថ្លើមធ្ងន់ធ្ងរ)

      - ឈឺពោះខ្លាំង ឈាមក្នុងលាមក ក្អួតចង្អោរ ហើមពោះ (រលាកពោះវៀនធ្ងន់ធ្ងរ)

      - វិលមុខ ភ្លេចភ្លាំង ពិបាកនិយាយ ងងឹតមុខពេលដើរ ស្មារតីដឹងខ្លួនធ្លាក់ចុះ ពិបាកគ្រប់គ្រងចលនាមាត់ កាយវិការយឺត (ប៉ះពាល់សរសៃប្រសាទស្មារតីធ្ងន់ធ្ងរ)

      - ក្ដៅខ្លួន ក្អកស្ងួត ពិបាកដកដង្ហើម (ជំងឺរលាកសួតប្រភេទInterstitial pneumonia)

      - ឈឺខ្លាំងនៅចង្កេះនិងខ្នង ក្ដៅខ្លួន ក្អួតចង្អោរ មិនឃ្លានអាហារ (រលាកលំពែងស្រួចស្រាវ)

      - ច្រមុះហិតមិនដឹងក្លិន (ប៉ះពាល់ឃានវិញាណ)។

    • អន្តរប្រតិកម្ម

      ករណីថ្នាំលេប ថ្នាំសុលតាមទ្វារធំ ថ្នាំចាក់:

      ・ឱសថTegafur/Gimeracil/Oteracil potassium (TS-1) - អាចបង្កជាផលរំខានធ្ងន់ធ្ងរទាក់ទងនឹងប្រព័ន្ធឈាមនិងប្រព័ន្ធរំលាយអាហារ ដូច្នេះ ហាមប្រើរួមគ្នា។ ម្យ៉ាងទៀត ក្នុងអំឡុងពេល7ថ្ងៃបន្ទាប់ពីឈប់ប្រើឱសថTegafur/Gimeracil/Oteracil potassium ក៏មិនត្រូវប្រើឱសថFluorouracilនេះដែរ។

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថPhenytoin, Warfarin, Trifluridine/Tipiracil hydrochloride - អាចធ្វើអោយសកម្មភាពឱសថទាំងនេះកើនឡើង បង្កជាផលរំខានផ្សេងៗ។

      ・ឱសថប្រឆាំងមហារីកផ្សេងទៀតឬការព្យាបាលដោយវិទ្យុសកម្ម - អាចធ្វើអោយផលរំខានទាក់ទងនឹងខួរឆ្អឹងនិងប្រព័ន្ធរំលាយអាហារកើនឡើង។

    • ស្ត្រីមានផ្ទៃពោះ និង ស្ត្រីបំបៅដោះកូន

      ករណីថ្នាំលេប ថ្នាំសុលតាមទ្វារធំ ថ្នាំចាក់:

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើឱសថនេះទេ ព្រោះអាចប៉ះពាល់ដល់ទារកក្នុងផ្ទៃ។

      ・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

    • ការប្រុងប្រយ័ត្នជាពិសេស

      ករណីថ្នាំលេប ថ្នាំសុលតាមទ្វារធំ ថ្នាំចាក់:

      ・ឱសថនេះអាចបង្កជាផលប៉ះពាល់ថ្លើមធ្ងន់ធ្ងរ ដូច្នេះ អ្នកជំងឺត្រូវទទួលការពិនិត្យមុខងារថ្លើមជាទៀតងទាត់ (ជាពិសេសក្នុងអំឡុងពេល2ខែបន្ទាប់ពីចាប់ផ្ដើមប្រើឱសថនេះ គួរអនុវត្តការពិនិត្យយ៉ាងហោចណាស់1ដងក្នុង1ខែ)។

      ・មិនត្រូវប្រើឱសថនេះ រួមជាមួយឱសថTegafur/Gimeracil/Oteracil potassium (TS-1)នោះទេ ព្រោះអាចបង្កជាផលប៉ះពាល់ធ្ងន់ធ្ងរទៅលើប្រព័ន្ធឈាមនៃរាងកាយ។

    • សកម្មភាពឱសថ

      ឱសថនេះនឹងបំលែងទៅជា5-FUដោយយឺតៗក្រោយពេលចូលដល់ក្នុងរាងកាយ។ 5-FU នឹងបំលែងបន្តទៅជាFdUMP ដែលមានសកម្មភាពបង្អាក់ដំណើរការសំយោគDNAរបស់កោសិកាមហារីកតាមរយៈការរារាំងសកម្មភាពរបស់អង់ស៊ីមThymidylate synthase។ ម្យ៉ាងទៀត 5-FU ក៏នឹងបំលែងទៅជាFUTP ដែលមានសកម្មភាពរំខានដល់មុខងាររបស់RNAនៅក្នុងកោសិកាមហារីក។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp