Tiquizium bromide

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • ការប្រុងប្រយ័ត្នជាពិសេស
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលអាការៈកន្ត្រាក់និងចលនាកើនឡើងនៃក្រពះពោះវៀន នៅក្នុងជំងឹដូចខាងក្រោម៖

      - ជំងឺរលាកក្រពះ

      - ជំងឺដំបៅក្រពះឬដំបៅគល់ពោះវៀនតូច(Duodenal ulcer)

      - ជំងឺរលាកពោះវៀន

      - បណ្ដុំរោគសញ្ញានៃពោះវៀនធំងាយប្រតិកម្ម (Irritable bowel syndrome, IBS)

      - ជំងឺទាក់ទងនឹងថង់ទឹកប្រមាត់ឬផ្លូវទឹកប្រមាត់

      - ជំងឺក្រួសនៅផ្លូវនោម។

    • កម្រិតប្រើប្រាស់

      ថ្នាំលេប：

      មនុស្សពេញវ័យ：លេប1ដង5～10mg 1ថ្ងៃ3ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

    • ហាមប្រើ

      ・អ្នកដែលមានជំងឺក្លូកូមប្រភេទបិទជិទ(Angle-closure glaucoma)។

      ・អ្នកដែលមានបញ្ហាបញ្ចេញទឹកនោមដោយសារជំងឺក្រពេញប្រូស្តាតរីកធំ។

      ・អ្នកដែលមានជំងឺបេះដូងកម្រិតធ្ងន់ធ្ងរ។

      ・អ្នកដែលមានជំងឺស្ទះពោះវៀនលក្ខណៈស្ពឹក (Paralytic ileus)។

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

    • ផលរំខាន

      ស្ងួតក ទល់លាមកឬរាករូស ចង់ក្អួត រលាកអញ្ចាញធ្មេញ ពិបាកនោម ។ល។

    • ការប្រុងប្រយ័ត្នជាពិសេស

      ・អាចប្រើចំពោះអ្នកជំងឺជាមនុស្សចាស់ ប៉ុន្តែ ត្រូវប្រុងប្រយ័ត្ននៅពេលប្រើចំពោះអ្នកដែលមានជំងឺក្រពេញប្រូស្តាតរីកធំ។

    • សកម្មភាពឱសថ

      ទប់ស្កាត់ការភ្ញោចគ្រឿងទទួលមូស្ការីន(Muscarinic receptor)ដែលស្ថិតនៅលើកោសិកានៃជញ្ជាំងក្រពះ ដើម្បីទប់ស្កាត់ការបញ្ចេញអាស៊ីតក្រពះ (ប្រសិទ្ធិភាពខ្សោយជាងឱសថទប់ស្កាត់គ្រឿងទទួលហ៊ីស្តាមីនH2)។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល