Tropicamide

ផលិតផល: 

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • ការប្រុងប្រយ័ត្នជាពិសេស
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការពង្រីកកូនក្រមុំភ្នែកសម្រាប់ធ្វើរោគវិនិច្ឆ័យឬព្យាបាលជំងឺភ្នែកមួយចំនួន និង នៅក្នុងការធ្វើអោយមុខងារសម្រួលកំនុំភ្នែកមានលក្ខណៈស្ពឹក(Accommodation paralysis)។

    • កម្រិតប្រើប្រាស់

      ថ្នាំបន្តក់ភ្នែក (0.4%)：

      ・ករណីប្រើនៅក្នុងការពង្រីកកូនក្រមុំភ្នែកសម្រាប់ធ្វើរោគវិនិច្ឆ័យឬព្យាបាលជំងឺភ្នែកមួយចំនួន：

      ប្រើ1ថ្ងៃ1ដង 1～2តំណក់ បន្តក់ក្នុងភ្នែក។

      ・ករណីប្រើនៅក្នុងការធ្វើអោយមុខងារសម្រួលកំនុំភ្នែកមានលក្ខណៈស្ពឹក(Accommodation paralysis)：

      បន្តក់ក្នុងភ្នែក1ដង1តំណក់។ ប្រើ2～3ដង ដោយទុកគម្លាតរយៈពេល3～5នាទី។

    • ហាមប្រើ

      ・អ្នកដែលមានជំងឺក្លូកូម(Glaucoma) ឬ មានកត្តាមូលហេតុធ្វើអោយសម្ពាធភ្នែកកើនឡើង។

    • ផលរំខាន

      ផលរំខានរួមមាន រលាកត្របកភ្នែក រមាស់ភ្នែក ឡើងកន្ទួលក្រហម កន្ទាលត្រអាក ផ្សាភ្នែក ឈឺភ្នែក ភ្នែកស្រវាំង ឈឺក្បាល រលាកភ្នែក ។ល។

    • ការប្រុងប្រយ័ត្នជាពិសេស

      ・ក្រោយប្រើប្រាស់ឱសថនេះ អាចនឹងមានអាការៈចាំងភ្នែក ភ្នែកព្រិលជាបណ្ដោះអាសន្ន ដូច្នេះ គួរចៀសវាងបើកបររថយន្តឬបញ្ជាម៉ាស៊ីនដែលមានគ្រោះថ្នាក់ រហូតដល់ពេលភ្នែកត្រលប់មកសភាពដើមវិញ។ អាចពាក់វ៉ែនតាខ្មៅ នៅពេលចាំងភ្នែកខ្លាំង។

    • សកម្មភាពឱសថ

      ឱសថនេះមានសកម្មភាពដូចខាងក្រោម៖

      - មានសកម្មភាពដោយផ្ទាល់ទៅលើសាច់ដុំគ្រប់គ្រងកូនក្រមុំភ្នែក(Sphincter muscle of pupil) ដោយបន្ធូរសាច់ដុំនេះ ធ្វើអោយកូនក្រមុំភ្នែករីកធំ។

      - មានសកម្មភាពបន្ធូរសាច់ដុំCiliary muscle (ជាពិសេសសាច់ដុំMüller)នៅក្នុងភ្នែក ដើម្បីធ្វើអោយមុខងារសម្រួលកំនុំភ្នែកមានលក្ខណៈស្ពឹក(Accommodation paralysis)។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល